1 Samuel 31:12 - ŊMALƐ KRƆŊKRƆŊ LƐ

¹² maŋ lɛ mli hii kãkãlɔi lɛ fɛɛ te shi, ni amɛnyiɛ nyɔɔŋnyɔɔŋ fɛɛ kɛtee, ni amɛyajie Saul gbonyo lɛ kɛ ebihii lɛ hu agbohii lɛ yɛ Bet-Shan gbogbo lɛ he, ni amɛkɛba Yebesh amɛbashã.

Ṅmãle̱ Kroṅkroṅ Le̱

¹² hĩĩ ekãlo̱i le̱ fẽ te ši ni ame̱nyie nyõṅnyõṅ fẽ, ni ame̱yadšie Saul gbonyo le̱ ke̱ ebihĩĩ le̱ agbohĩĩ le̱ ke̱-dše̱ Bet-Šan gbogbo le̱ he, ni ame̱ke̱-ha Iabeš, ni ame̱bašãame̱ ye̱ dše̱i.

1 Samuel 31:12 ပူးပေါင်းရင်းမြစ်များ

1 Kronika 10:12

amɛteŋ hii kãkãlɔi lɛ tee ni amɛyawo Saul gbonyo lɛ kɛ ebihii lɛ hu agbohii lɛ kɛba Yabesh, ni amɛbafu amɛ yɛ tso ko shishi, ni amɛhi ŋmãa gbii kpawo.

2 Kronika 16:14

ni afu lɛ yɛ gbonyobu ni lɛ diɛŋtsɛ ekpɛ eto lɛ mli yɛ David Maŋ lɛ mli. Tsofakɛŋmai kpakpai srɔtoisrɔtoi diɛŋtsɛ akɛsaa egbonyo lɛ, ni ashɛre la gregre kpeteŋkple akɛfee eyara.

Yeremia 34:5

Obaagbo yɛ hejɔlɛ mli; ni bɔ ni maŋbii shãshãa ohɛ amɛhã otsɛmɛi ni ji maŋtsɛmɛi ni ebaye nɔ kɛtsɔ̃ ohiɛ lɛ, nakai nɔŋŋ maŋbii baashãshãa ohɛ amɛhã bo kɛfee oyara; ni amɛaawo yara amɛfo bo akɛ, ‘Nuŋtsɔ, kpoo oŋ!’ Mi, Yehowa, mikɛɛ.”

Amos 6:10

Ni kɛji mɛi ni egbo lɛ eko wekunyo, mɔ ni fuɔ lɛ, baaba koni ebawo gbonyo lɛ kɛje shĩa lɛ, wekunyo nɛɛ baabi mɔ ni yɔɔ shĩa lɛ mli akɛ, “Ani eshwɛ mɔ ko lolo hɔ shĩa lɛ mli fata ohe lo?” Mɔ lɛ aaahere nɔ akɛ, “Dabida!” Gbonyo lɛ wekunyo lɛ baakɛɛ akɛ, “Feemɔ diŋŋ. Wɔkwɛ jogbaŋŋ ni wɔkatsi Yehowa gbɛi tã.”

1 Samuel 31:10

Filistibii lɛ kɛ Saul tawuunii lɛ tee yato jemawɔŋ Astarte we lɛ, ni egbonyo lɛ amɛkɛyatsotsoro Bet-Shan maŋ lɛ gbogbo lɛ he.