1 Samuel 31:1 - ŊMALƐ KRƆŊKRƆŊ LƐ

¹ Filistibii lɛ kɛ Israelbii lɛ wu ta, ni Filistibii lɛ anine tsɔ̃ Israelbii lɛ anɔ, ni amɛgbe Israelbii lɛ amɛshwie Gilboa Gɔŋ lɛ nɔ.

Ṅmãle̱ Kroṅkroṅ Le̱

¹ Ši Filistibii le̱ ke̱ Israel wu, ni Israelbii le̱ dšo foi ye̱ Filistibii le̱ ahĩe, ni ame̱nyõnyõi ye̱ Gilboa goṅ le̱ no̱.

1 Samuel 31:1 ပူးပေါင်းရင်းမြစ်များ

2 Samuel 1:21

“Nyɛ Gilboa gɔji, bɔ loo nu akanɛ nyɛnɔ, ni nyɛnɔ ŋmɔji aŋala. Ejaakɛ jɛi abule kãkãlɔi lɛ atsɛŋi lɛ yɛ, kɛ Saul tsɛŋ lɛ po, ejaakɛ afɔŋ he mu dɔŋŋ.

2 Samuel 1:6

Oblanyo lɛ hã David hetoo ni ekɛɛ, “Heniianaa ni miyaje Gilboa Gɔŋ lɛ nɔ, ni miyanina Saul ni ebu ekpɔlɔ lɛ nɔ, be mli ni henyɛlɔi lɛ ashwiilii lɛ kɛ okpɔŋɔnɔtalɔi lɛ miibɛŋkɛ lɛ waa lɛ.

2 Samuel 4:4

Saul binuu Yonatan yɛ binuu ni enaji enyɔ lɛ fɛɛ eje kpa. Gbekɛ nuu nɛɛ eye afii enumɔ be ni Saul kɛ Yonatan gbele lɛ he sane lɛ bashɛ Yezreel. Kɛkɛ ni oblayoo ni kwɛɔ gbekɛ lɛ wo lɛ, ni ekɛ lɛ jo foi. Shi be ni oblayoo lɛ yeɔ oyai kɛjoɔ foi lɛ, gbekɛ nuu nɛɛ gbee shi, ni enaji kumɔ. Gbekɛnuu nɛɛ gbɛi ji Mefiboshet.

1 Samuel 12:25

Shi naa, kɛji nyɛkã he nyɛfee nifɔɔjianii lɛ, no lɛ aaabɛɛ nyɛ kɛ nyɛmaŋtsɛ lɛ fɛɛ ashwie.”

1 Samuel 28:1

Yɛ mli aahu lɛ Filistibii lɛ tsɛ ta. Kɛkɛ ni amɛbuabua amɛtai lɛ anaa koni amɛkɛ Israel ayawu. Ni Akish kɛɛ David akɛ, “Na ole akɛ bo kɛ owebii lɛ baashi mitabilɔi lɛ anɔ kɛya ta nɛɛ.”

1 Samuel 28:15

Kɛkɛ ni Samuel bi Saul akɛ, “Mɛɛ hewɔ obagba minaa kɛ tsɛmɔ ni obatsɛ mi nɛɛ?” Saul jie naa ekɛɛ akɛ, “Efi mi naakpa. Filistibii lɛ kɛ mi jwere ta nɔ, ni Nyɔŋmɔ hu eje misɛɛ bɔ sɔŋŋ ni yɛ gbalɔi anaa jio, yɛ lamɔ mli jio, Nyɔŋmɔ efooo midaaŋ kwraa dɔŋŋ. Enɛ hewɔ ni mibatsɛ bo nɛɛ koni otsɔ̃ɔ mi nɔ ni mifee.”

1 Samuel 28:19

Fɛɛ ayakã, Yehowa baahã Filistibii lɛ aye bo kɛ Israel fɛɛ nɔ kunim. Wɔ ni ji wɔ lɛ, bo kɛ obihii baaba abashɛ gbohiiaje he ni miyɔɔ nɛɛ, ni Filistibii lɛ baaye Israel ta lɛ hu nɔ kunim.”

1 Samuel 28:4

Filistibii atai lɛ bua amɛhe naa ni amɛfã ta kɛba Shunem ni amɛbato shi yɛ jɛi. Saul hu bua Israel tai lɛ anaa kɛkpe, ni amɛfã kɛba Gilboa amɛbato shi yɛ jɛi.

1 Samuel 29:1

Filistibii lɛ bua amɛtai lɛ anaa yɛ Afek. Nakai be mli nɔŋŋ lɛ Israelbii lɛ hu ebabua amɛhe naa yɛ nubu ko ni yɔɔ Yezreel lɛ masɛi.