1 Samuel 30:8 - ŊMALƐ KRƆŊKRƆŊ LƐ

⁸ Kɛkɛ ni David bi Yehowa nii ekɛɛ, “Mitiu gbɔmɛi nɛɛ lo?” Yehowa hã hetoo akɛ, “Tiumɔ amɛ, bɔ fɛɛ bɔ ni fee lɛ obaaya oyanina amɛ yɛ gbɛteŋ, ni onine baashɛ nyɛgbɔmɛi lɛ anɔ shweshweeshwe.”

Ṅmãle̱ Kroṅkroṅ Le̱

⁸ Ni David bi Iehowa ake̱: Ani mitiu asafo ne̱? ani maninaame̱ lo? Ekē̱le̱ ake̱: Tiumo̱ame̱! ši ninamo̱ kẽ oonina-ame̱ ni befẽbe ní fe le̱ mei le̱ fẽ aaše̱ odeṅ.

1 Samuel 30:8 ပူးပေါင်းရင်းမြစ်များ

1 Mose 14:16

Eŋɔ nibii lɛ fɛɛ kɛ enyɛmibi Lot lɛ hu kɛ enibii lɛ, kɛ yei lɛ hu kɛ maŋbii lɛ kɛku sɛɛ kɛba.

2 Samuel 5:19

Kɛkɛ ni David yabi Yehowa nii ekɛɛ, “Ani mifã ta kɛyanina Filistibii lɛ lo? Ooohã maye amɛnɔ kunim lo?” Yehowa here David nɔ akɛ, “Fãa ta okɛyanina amɛ, ejaakɛ bɔ fɛɛ bɔ ni fee lɛ mahã oye amɛnɔ kunim.”

2 Samuel 5:23

Be ni David tee eyabi Yehowa nii lɛ, hetoo ni ehã lɛ ji akɛ, “Kaafã ta lɛ kɛyatua amɛ kɛjɛ biɛ, shi lɔgɔmɔ kɛyaje amɛsɛɛgbɛ, koni ojɛ Balsam tsei lɛ aŋlɛnɔ obatua amɛ.

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Lalai 91:15

Kɛji amɛtsɛ mi lɛ, mahere amɛ nɔ. Mi kɛ amɛ aaahi shi yɛ haomɔ mli; mahere amɛ, ni mawo amɛhiɛ nyam.

2 Mose 15:9

Henyɛlɔ lɛ kɛɛ, ‘Matiu amɛ mayamɔmɔ amɛ. Maja nomŋɔɔnii lɛ, mitsui aaanyɔ mimli. Magbala miklante ni makpãtã amɛhiɛ.’

4 Mose 27:21

Ebo Osɔfo Eleazar toi be fɛɛ be. Eya eŋɔ̃ɔ, ni ebaafɔ̃ Urim lɛ koni ekɛbi mi nii ehã lɛ yɛ mihiɛ. Lɛ kɛ Israelbii lɛ kɛ asafo lɛ fɛɛ ayaakɛbaa mli lɛ, amɛbo Osɔfo Eleazar wiemɔ toi.”

Kojolɔi 20:18

Israelbii lɛ yiŋ kɛtee Betel, ni amɛyabi Nyɔŋmɔ dɛŋ ŋaawoo akɛ, “Wɔteŋ namɔ tsutsu afã kɛya ni ekɛ Benyaminbii lɛ ayawu?” Yehowa kɛɛ, “Yuda tsutsu afã.”

Kojolɔi 20:23

Kɛkɛ ni amɛyiŋ kɛtee ni amɛyafo yɛ Yehowa hiɛ kɛyashi gbɛkɛ, ni amɛbi Yehowa nii akɛ, “Ani wɔtsi wɔbɛŋkɛ ekoŋŋ ni wɔkɛ wɔnyɛmimɛi, Benyaminbii lɛ, ayawu?” Yehowa kɛɛ akɛ, “Nyɛfãa ni nyɛkɛ amɛ ayawua.”

Kojolɔi 20:28

ni mɔ ni sɔmɔɔ yɛ jɛi yɛ Yehowa hiɛ ji Finehas, Aaron bi Eleazar bi lɛ. Israelbii lɛ bi Yehowa akɛ, “Ani wɔfã ekoŋŋ ni wɔkɛ wɔnyɛmimɛi Benyaminbii lɛ ayawu aloo wɔfɔ̃ɔ?” Yehowa kɛɛ, “Nyɛfãa kɛyaa, ejaakɛ wɔ lɛ, mahã nyɛye amɛnɔ kunim.”

Kojolɔi 8:4

Gideon kɛ hii ohai etɛ̃ ni ekɛnyiɛ lɛ shɛ Yordan Faa lɛ naa, ni amɛfo. Etɔ amɛ moŋ, shi kɛ̃lɛ amɛnyiɛ henyɛlɔi lɛ asɛɛ lolo.

1 Samuel 10:22

No hewɔ lɛ, aku sɛɛ ni abi Yehowa nii ekoŋŋ akɛɛ, “Ani gbɔmɔ lɛ hu ba biɛ lo?” Yehowa to he akɛ, “Naa, eyateee ehe yɛ jatsui lɛ ateŋ.”

1 Samuel 14:37

Enɛ hewɔ lɛ, Saul bi Nyɔŋmɔ nii ekɛɛ, “Miyatua Filistibii lɛ lo? Obaahã Israel aye amɛnɔ kunim lo?” Shi Nyɔŋmɔ hãaa Saul hetoo nakai gbi lɛ.

1 Samuel 23:2

No hewɔ lɛ, David bi Yehowa nii akɛ, “Ani miya ni miyatua Filistibii lɛ kɛhere Keila lo?” Yehowa here David nɔ ekɛɛ, “Yaa ni oyatua Filistibii lɛ ni ohere Keila.”

1 Samuel 23:4

Enɛ hã David ku sɛɛ ni ebi Yehowa nii ekoŋŋ. Yehowa kɛɛ lɛ akɛ, “Yaa Keila lɛ, shi mibahã oye Filistibii lɛ anɔ kunim.”

1 Samuel 28:6

No hewɔ lɛ, Saul tee eyabi Yehowa nii. Shi yɛ lamɔ mli jio, yɛ Urim lɛ naa jio, yɛ gbalɔi anaa jio, Yehowa efooo Saul daaŋ.

1 Samuel 30:18

David nine shɛ nibii fɛɛ ni Amalekbii lɛ baloo kɛtee lɛ anɔ, kɛ eŋãmɛi enyɔ lɛ hu.

1 Samuel 30:19

Nibii ni Amalekbii lɛ baloo lɛ ateŋ eko kwraa elaajeee. Nɔ bibioo ni jio, nɔ wulu ni jio, binuu ni jio, bo biyoo ni jio, David nine shɛ fɛɛ tswɛm nɔ kɛba.