1 Samuel 30:6 - ŊMALƐ KRƆŊKRƆŊ LƐ

⁶ Sane wulu bakã David nɔ, ni ehe jara lɛ jogbaŋŋ diɛŋtsɛ, ejaakɛ ewebii lɛ kɛɛ amɛbaatswia lɛ tɛ, ejaakɛ mɔ fɛɛ mɔ musuŋ miishã lɛ yɛ ebihii kɛ ebiyei lɛ ahewɔ. Shi Yehowa, David Nyɔŋmɔ lɛ, waje David ni ewo lɛ hewalɛ.

Ṅmãle̱ Kroṅkroṅ Le̱

⁶ Ni efĩ David naakpa dientše̱, edšake̱ maṅ le̱ kē̱ ame̱batſiale̱ tei; edšake̱ sane le̱ edo̱ maṅ mū le̱ fẽ, mofẽmo ye̱ ebihĩĩ ke̱ ebiyei ahewo̱. Ši David wadše ehe ye̱ Iehowa, e-Nyoṅmo̱ le̱, mli.

1 Samuel 30:6 ပူးပေါင်းရင်းမြစ်များ

1 Mose 32:7

Kɛkɛ ni Yakob tsui fã, ni efee yeyeeye naakpa. Eja emɛi lɛ kɛ toi lɛ kɛ tsinai lɛ kɛ yoomai lɛ amli kui enyɔ ni ekɛɛ,

2 Samuel 17:8

Ole akɛ otsɛ kɛ ewebii lɛ tabilɔi hii kakabãi ji amɛ, ni amrɔ nɛɛ amɛhiɛ edɔ tamɔ oshishibrishi yoofɔyoo ni ayaju ebii yɛ ehe yɛ jwɛiaŋ. Ole hu akɛ otsɛ lɛ tatsɛ kpanaa ni, ni ekɛ maŋbii lɛ ehiŋ he kome nyɔɔŋ nɛɛŋ.

2 Maŋtsɛmɛi 4:27

Be ni Shunamyoo lɛ shɛ Nyɔŋmɔ gbɔmɔ lɛ ŋɔɔ yɛ gɔŋ lɛ nɔ lɛ, ebamɔmɔ enaji amli. Kɛkɛ ni Gehazi tsi bɛŋkɛ koni etsi lɛ kɛya sɛɛ. Shi Nyɔŋmɔ gbɔmɔ lɛ kɛɛ akɛ, “Ŋmɛɛ lɛ gbɛ ni emɔ mimli, ejaakɛ esusuma ehao naakpa yɛ emli; ni Yehowa kɛtee mi, ni ejieko etsɔ̃ko mi.”

Hiob 13:15

Naa, kɛji eeegbe mi tete lɛ, mibɛ sane ko; mibafã mijeŋba he yɛ ehiɛ kɛ̃.

Lalai 116:10

Mihiɛ mihemɔkɛyeli lɛ mli kpɛŋŋ, be ni mikɛɛ akɛ, “Ahao mi naakpa” lɛ.

Lalai 138:3

Gbi nɔ ni mitsɛ bo lɛ, ohere mi nɔ; owo mi ekãa, ni misusuma na hewalɛ.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 18:6

Mifĩmɔ mli lɛ, mitsɛ Yehowa; mibo mitsɛ miNyɔŋmɔ lɛ, koni eye ebua mi. Ejɛ Sɔlemɔ we lɛ tɔ̃ɔ ni enu migbee; ni mibolɔmɔ lɛ bote etoiŋ.

Lalai 25:17

Mitsui mli haomɔi lɛ fa; jiemɔ mi kɛjɛ mifimɔi lɛ amli!

Lalai 27:14

Kwɛmɔ Yehowa gbɛ; wajemɔ ohe, ni ona tsui, ni okwɛ Yehowa gbɛ.

Lalai 31:24

Nyɛ mɛi fɛɛ ni nyɛhiɛ kã Yehowa nɔ lɛ, nyɛwajea nyɛhe, ni nyɛfea ekãa.

Lalai 42:11

Oo misusuma, mɛɛba ofee mɔbɔmɔbɔ yɛ mimli nɛkɛ? Ni mɛɛ yeyeeye ofee yɛ mimli nɛɛ? Okɛ ohiɛ afɔ̃ Nyɔŋmɔ nɔ, ejaakɛ majie eyi ekoŋŋ kɛ̃, mɔ ni ji miyelikɛbualɔ kɛ miNyɔŋmɔ lɛ.

Lalai 42:5

Oo misusuma, mɛɛba ofee mɔbɔmɔbɔ nɛkɛ? Mɛɛ yeyeeye ofee yɛ mimli nɛɛ? Okɛ ohiɛ afɔ̃ Nyɔŋmɔ nɔ, ejaakɛ majie eyi ekoŋŋ kɛ̃, mɔ ni ji miyelikɛbualɔ kɛ miNyɔŋmɔ lɛ.

Lalai 42:7

Onujɔi lɛ agbɛɛmɔ jijeɔ, eko nyiɛ eko sɛɛ. Oshɔkei kɛ omlɛ̃mlɛ̃i lɛ fɛɛ ekumɔ eshwie minɔ, ni esu miyi.

Lalai 56:11

Nyɔŋmɔ, mɔ nɔ ni mihiɛ kã; misheee gbeyei. Mɛni gbɔmɔ adesã aaanyɛ mi afee?

Lalai 62:1

Nyɔŋmɔ pɛ ji mɔ ni misusuma efee kpoo emɛɔ nɛɛ; lɛ edɛŋ miyiwalaheremɔ jɛɔ.

Lalai 62:5

Nyɔŋmɔ pɛ ji mɔ ni misusuma efee kpoo emɛɔ; ejaakɛ lɛ ji mihiɛnɔkãmɔ.

Lalai 71:4

Oo miNyɔŋmɔ, heremɔ mi yɛ yiwalɔ lɛ dɛŋ, yɛ nɔshafeelɔ lɛ kɛ yitsoŋwalɔ lɛ dɛŋ.

Lalai 71:5

Oo Nuŋtsɔ, ejaakɛ bo ji mihiɛnɔkãmɔ. Oo Yehowa, bo onɔ mikɛ mihiɛ efɔ̃ kɛjɛ miblahiaŋ.

2 Mose 17:4

No hewɔ lɛ, Mose bo etsɛ Yehowa ekɛɛ, “Te mafee maŋ nɛɛ mahã tɛŋŋ? Tɛ amɛheɔ amɛtswia mi nɛɛ!”

Abe̱i 18:10

Mɔɔ ni wa ji Yehowa gbɛi lɛ, ni no mli jalɔ shaa foi kɛyaa, ni ehiɔ shi shweshweeshwe.

Yesaia 25:4

Ejaakɛ otsɔ̃ abobaahe ohã ohiafo, otsɔ̃ abobaahe ohã mɔ ni ehĩa yɛ ehĩamɔ be mli. Otsɔ̃ abobaahe yɛ ahum mli, kɛ hɔ̃ɔŋ yɛ latsa be mli; ejaakɛ yiwalɔi amlifu lɛ, etamɔ ahum ni miitswa,

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yona 2:2

ni ekɛɛ akɛ, “Mifimɔ lɛ mli lɛ, mibolɔ mitsɛ Yehowa, ni ehere mi nɔ; mibolɔ kɛjɛ gbohiiaje musuŋ tɔ̃ɔ, ni Yehowa, obo migbee toi.

4 Mose 14:10

Asafo lɛ fɛɛ to amɛyiŋ akɛ amɛbaatswia amɛ tɛ pɛ kɛkɛ ni Yehowa anunyam la lɛ pue yɛ Kpee Buu lɛ nɔ yɛ Israelbii lɛ fɛɛ ahiɛ.

Mateo 21:9

ni asafoi ni nyiɛ ehiɛ kɛ mɛi ni nyiɛ esɛɛ lɛ fɛɛ bolɔ amɛkɛɛ, “Hosiana David Bi lɛ! Ajɔɔ mɔ ni baa yɛ Nuŋtsɔ lɛ gbɛi mli lɛ! Hosiana yɛ ŋwɛi flooflo!”

Mateo 27:22

Pilato bi amɛ akɛ, “Belɛ mɛni mifee Yesu ni atsɛɔ lɛ Kristo lɛ he mɔ?” Amɛ fɛɛ amɛkɛɛ, “Hã ni asɛŋ lɛ!”

Yohane 8:59

Kɛkɛ ni amɛkɔlɔ tɛi ni amɛbaatswia lɛ; shi Yesu tee ehe, ni eje Sɔlemɔ we lɛ etee.

Romabii 4:18

Ni he ni kulɛ hiɛnɔkãmɔ ko bɛ lɛ, ena hiɛnɔkãmɔ kɛ he ni ehe eye, mɔ ni etsɔ̃ jeŋmaji pii atsɛ, tamɔ bɔ ni akɛɛ lɛ akɛ, “Nakai oshwiei lɛ aaatamɔ.”

Romabii 4:20

ni eyiŋ efeee lɛ kɔshikɔshi yɛ Nyɔŋmɔ shiwoo lɛ he tamɔ akɛ eheee eyeee, shi moŋ ena hewalɛ yɛ hemɔkɛyeli mli, ni ewo Nyɔŋmɔ hiɛ nyam,

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

2 Korintobii 1:6

Shi kɛji amanehulu wɔna jiŋŋ, nyɛmiishɛjemɔ kɛ yiwalaheremɔ hewɔ ni; ni kɛji wɔmii ashɛjeɔ hu jiŋŋ, nyɛmiishɛjemɔ ni hãa nyɛkɛ tsuishitoo mĩaa nyɛhiɛ kɛnaa nakai amanehului ni wɔnaa lɛ nɔŋŋ hewɔ ni.

2 Korintobii 4:8

Afĩfĩaa wɔ yɛ he fɛɛ he, shi kɛ̃lɛ wɔtsui esuuu; wɔfeɔ yaa, shi kɛ̃lɛ wɔnijiaŋ ejeko wui,

2 Korintobii 7:5

Ejaakɛ shi be ni wɔba Makedonia lɛ hu, wɔnaaa wɔgbɔmɔtso hejɔlɛ kwraa; shi moŋ he fɛɛ he lɛ amanehulu sɔŋŋ wɔnaa: wɔkponɔgbɛ lɛ nɔmɔi, wɔmligbɛ lɛ gbeyeishemɔi.

Hebribii 13:6

Bɔ ni afee ni wɔna ekãa ni wɔkɛɛ, “Nuŋtsɔ lɛ ji miyelikɛbualɔ, ni misheŋ gbeyei. Mɛni gbɔmɔ aaafee mi?”

Kojolɔi 18:25

Danbii lɛ kɛɛ Mika akɛ, “Kaahã anu ogbee yɛ wɔteŋ ni mlilatsɛmɛi nɛɛ miitsɛ̃ kɛmiiba onɔ ni amɛbakpãtã bo kɛ owe lɛ mli bii ahiɛ.”

Kojolɔi 20:22

Shi Israelbii lɛ na ekãa, ni amɛgba ta lɛ ekoŋŋ yɛ he ni amɛgba yɛ klɛŋklɛŋ gbi lɛ nɔŋŋ.

1 Samuel 23:16

ni Saul bi Yonatan tiu lɛ kɛtee jɛi, ni eyawo David hewalɛ koni ekɛ ehiɛ afɔ Nyɔŋmɔ nɔ.

1 Samuel 28:15

Kɛkɛ ni Samuel bi Saul akɛ, “Mɛɛ hewɔ obagba minaa kɛ tsɛmɔ ni obatsɛ mi nɛɛ?” Saul jie naa ekɛɛ akɛ, “Efi mi naakpa. Filistibii lɛ kɛ mi jwere ta nɔ, ni Nyɔŋmɔ hu eje misɛɛ bɔ sɔŋŋ ni yɛ gbalɔi anaa jio, yɛ lamɔ mli jio, Nyɔŋmɔ efooo midaaŋ kwraa dɔŋŋ. Enɛ hewɔ ni mibatsɛ bo nɛɛ koni otsɔ̃ɔ mi nɔ ni mifee.”