1 Samuel 30:23 - ŊMALƐ KRƆŊKRƆŊ LƐ

²³ Shi David here amɛ nɔ akɛ, “Anyɛmimɛi, kɛji Yehowa ebu wɔhe, ni ehã wɔye mɛi ni batua wɔ lɛ anɔ kunim lɛ, nyɛkafea nakai yɛ nii ni Yehowa ehã wɔ lɛ he.

Ṅmãle̱ Kroṅkroṅ Le̱

²³ Ši David kē̱: Minyemimei, nyeke̱ noni Iehowa ehãwo̱ le̱ akafea nakai, gbĩĩabo̱ ni eba wo̱he, ni edšie ta ni ba-tuawo̱ lo̱ ewo wo̱deṅ le̱.

1 Samuel 30:23 ပူးပေါင်းရင်းမြစ်များ

1 Mose 19:7

ni ekɛɛ amɛ akɛ, “Miikpa nyɛ fai, minyɛmimɛi, nyɛkafea nɛkɛ nɔ fɔŋ nɛɛ.

Habakuk 1:16

No hewɔ lɛ, amɛshãa afɔle amɛkɛjaa amɛyaa lɛ, ni amɛshãa tsofakɛŋma amɛkɛhãa amɛtsãani lɛ, ejaakɛ nomɛi hãa amɛnaa nii kpɔtɔɔ amɛyeɔ.

Bɔfoi 22:1

“Ataamɛi kɛ anyɛmimɛi, nyɛboa minaa ni mibajie matsɔ̃ɔ nyɛ nɛɛ toi.”

Bɔfoi 7:2

Ni ekɛɛ, “Anyɛmimɛi kɛ Ataamɛi, nyɛboa toi! Anunyam Nyɔŋmɔ lɛ jie ehe kpo etsɔ̃ɔ wɔtsɛ Abraham be ni eyɔɔ Mesopotamia, ni enako ebahi Haran lɛ,

5 Mose 8:10

Nyɛbaaye nii nyɛtɔrɔ, ni nyɛbaajie Yehowa, nyɛNyɔŋmɔ lɛ, yi yɛ shikpɔŋ kpakpa ni ehã nyɛ lɛ hewɔ.

5 Mose 8:17

No hewɔ lɛ, nyɛkwɛa ni ahia koni nyɛkakɛɛ yɛ nyɛtsuiŋ yɛ he akɛ, ‘Wɔ diɛŋtsɛ wɔhewalɛ kɛ nyɛmɔ naa hã wɔshwere nɛkɛ nɛɛ.’

5 Mose 8:18

Shi moŋ nyɛkaia akɛ Yehowa, nyɛNyɔŋmɔ lɛ, lɛ ji mɔ ni duro nyɛ hewalɛ ni nyɛkɛna nii ni nyɛyɔɔ lɛ, koni ehã ekpãŋmɔ ni ekã nyɛtsɛmɛi lɛ kitã yɛ he lɛ ama shi, tamɔ nyɛnaa ŋmɛnɛ nɛɛ lɛ.

Kojolɔi 19:23

Shi nuumo lɛ ni ji shĩatsɛ lɛ je kpo kɛba amɛŋɔɔ ni ekɛɛ amɛ akɛ, “Dabida, minyɛmimɛi! Nyɛkafea efɔŋ ni tamɔ enɛ; akɛni nuu nɛɛ ebato mishĩa nɛɛ hewɔ lɛ nyɛkafea nɛkɛ hiɛgbejianii nɛɛ.

1 Samuel 2:7

Yehowa ni hãa ayeɔ ohia, ni ehãa anaa nii hu; Lɛ ebaa mɔ shi, asaŋ lɛ ewoɔ mɔ nɔ hu.

1 Samuel 30:22

Kɛkɛ ni mɛi ni kɛ David tee lɛ ateŋ yitsoŋwalɔi kɛ yakagbɔmɛi lɛ kɛɛ akɛ, “Akɛni amɛbɛ mli ni wɔtee lɛ hewɔ lɛ nibii ni wɔyashɔ̃ kɛba lɛ, amɛnɔ bɛ mli fe mɔ oŋa kɛ obii ni obaanyɛ obakpala amɛ kɛya kɛkɛ.”

1 Samuel 30:24

Ni namɔ po aaabu nyɛ bem yɛ nɛkɛ sane nɛɛ mli? Naa, bɔ ni mɔ ni tee ta lɛ baana akɛ egbɛnaa lɛ, nakai nɔŋŋ mɔ ni bu nibii ahe yɛ sɛɛ hu baana akɛ egbɛnaa. Abaaja mɔ fɛɛ mɔ pɛpɛɛpɛ.”

1 Samuel 30:8

Kɛkɛ ni David bi Yehowa nii ekɛɛ, “Mitiu gbɔmɛi nɛɛ lo?” Yehowa hã hetoo akɛ, “Tiumɔ amɛ, bɔ fɛɛ bɔ ni fee lɛ obaaya oyanina amɛ yɛ gbɛteŋ, ni onine baashɛ nyɛgbɔmɛi lɛ anɔ shweshweeshwe.”