1 Samuel 30:22 - ŊMALƐ KRƆŊKRƆŊ LƐ

²² Kɛkɛ ni mɛi ni kɛ David tee lɛ ateŋ yitsoŋwalɔi kɛ yakagbɔmɛi lɛ kɛɛ akɛ, “Akɛni amɛbɛ mli ni wɔtee lɛ hewɔ lɛ nibii ni wɔyashɔ̃ kɛba lɛ, amɛnɔ bɛ mli fe mɔ oŋa kɛ obii ni obaanyɛ obakpala amɛ kɛya kɛkɛ.”

Ṅmãle̱ Kroṅkroṅ Le̱

²² Ke̱ke̱ ni gbomei fõdši ke̱ yakagbomei ni yo̱ mei ní ke̱ David te le̱ ateṅ le̱ here no̱ ni ame̱kē̱: Gbĩĩabo̱ ní ame̱-ke̱wo̱ eyaa ne̱, akahãame̱ nihānii ní wo̱-yašõ ke̱-ba le̱ eko, ake̱ dša moſẽmo ṅã ke̱ ebii, ní ame̱kplaame̱ ni ame̱ya.

1 Samuel 30:22 ပူးပေါင်းရင်းမြစ်များ

1 Maŋtsɛmɛi 21:10

ni nyɛhãa hii yakagbɔmɛi enyɔ ataraa shi ni amɛmiikwɛ Nabot hiɛ, koni amɛye odase amɛshi lɛ akɛ, ‘Olomɔ Nyɔŋmɔ kɛ maŋtsɛ lɛ.’ Enɛ sɛɛ lɛ akpala lɛ kɛje kpo koni ayatswia lɛ tɛ ni egbo.”

1 Maŋtsɛmɛi 21:13

Amɛhã hii yakagbɔmɛi enyɔ komɛi sɛ̃i, ni amɛmiikwɛ Nabot hiɛ. Hii yakagbɔmɛi enyɔ nɛɛ kɛ sane shi Nabot yɛ maŋbii lɛ ahiɛ akɛ Nabot lomɔ Nyɔŋmɔ kɛ maŋtsɛ lɛ. Kɛkɛ ni maŋbii lɛ kpala Nabot kɛshi maŋ lɛ mli, ni amɛyatswia lɛ tɛ ni amɛgbe lɛ.

Mateo 7:12

“No hewɔ lɛ, nɔ fɛɛ nɔ ni nyɛtaoɔ akɛ mɛi afee nyɛ lɛ, nyɛ hu nyɛfea amɛ nakai nɔŋŋ; ejaakɛ enɛ ji Mla lɛ kɛ gbalɔi lɛ.”

5 Mose 13:13

nyɛteŋ hii yakagbɔmɛi komɛi ete shi yɛ maŋ lɛ mli, ni amɛlaka maŋ lɛ mli bii, ni amɛmiija nyɔŋmɔi krokomɛi ni nyɛleee lɛ,

Kojolɔi 19:22

Shi be ni amɛmii eshɛ amɛhe lɛ, maŋ lɛ mli bii komɛi ni ji hii yakagbɔmɛi babɔle shĩa lɛ kɛkpe. Amɛshimɔ shinaa lɛ, ni amɛkɛɛ shĩatsɛ ni ji nuumo lɛ akɛ, “Okɛ nuu lɛ ni bato oshĩa lɛ aje kpo kɛba ni wɔkɛ lɛ awɔ.”

1 Samuel 22:2

Kɛkɛ ni mɛi fɛɛ ni aawa amɛ yi kɛ mɛi hu ni hiɛhiɛ nyɔji kɛ mɛi fɛɛ hu ni bɛ shihilɛ he miishɛɛ lɛ bua amɛhe naa ni amɛyafata David he. Kɛkɛ ni David batsɔ̃ amɛsafoiatsɛ. Hii aaafee ohai ejwɛ sɔŋŋ ni bafata David he nɛɛ.

1 Samuel 25:17

No hewɔ lɛ, ofainɛ, ni osusu sane nɛɛ he, ni okwɛ bɔ ni obaafee, ejaakɛ ashwã wɔnuŋtsɔ kɛ ewe lɛ fɛɛ ayinɔ. Tamɔ bɔ ni ole lɛ, wɔnuŋtsɔ feɔ gbɔmɔ fɔŋ bɔ ni ehiii lɛ sane kɛɛmɔ.”

1 Samuel 25:25

“Ofainɛ, minuŋtsɔ, kaadi nɛkɛ nuu kwashia Nabal nɛɛ sɛɛ, ejaakɛ eetsu egbɛi lɛ he nii. Gbɛi ni awo lɛ ji Nabal, ni lɛɛlɛŋ kwashiai asane pɛ eyeɔ. Anɔkwale mli lɛ, mi lɛ, oblahii lɛ ni minuŋtsɔ tsu lɛ, minaaa amɛ kwraa.

1 Samuel 30:21

Kɛkɛ ni David bashɛ hii ohai enyɔ lɛ ni bɔ ni etɔ amɛ bliboo hewɔ lɛ, amɛnyɛɛɛ David sɛɛ amɛnyiɛ kɛtiu Amalekbii ofɔ̃yelɔi lɛ, ni no hewɔ lɛ, David hã amɛhi shi yɛ Besor Faa lɛ naa lɛ aŋɔɔ. Gbɔmɛi nɛɛ fã kɛbakpee David kɛ mɛi ni kɛ lɛ nyiɛ lɛ. Be ni David bɛŋkɛ amɛ lɛ ehã amɛ “Sɛɛ fɛɛ?”

1 Samuel 30:23

Shi David here amɛ nɔ akɛ, “Anyɛmimɛi, kɛji Yehowa ebu wɔhe, ni ehã wɔye mɛi ni batua wɔ lɛ anɔ kunim lɛ, nyɛkafea nakai yɛ nii ni Yehowa ehã wɔ lɛ he.