1 Samuel 3:9 - ŊMALƐ KRƆŊKRƆŊ LƐ

⁹ No hewɔ lɛ, ekɛɛ Samuel akɛ, “Yaakã shi; kɛji atsɛ bo ekoŋŋ lɛ, heremɔ nɔ akɛ, ‘Wiemɔ Yehowa, shi mi, otsulɔ, miibo bo toi!’ ” Kɛkɛ ni Samuel tee eyakã shi yɛ ewɔɔhe lɛ.

Ṅmãle̱ Kroṅkroṅ Le̱

⁹ Nohewo̱ le̱ Eli kē̱ Samuel ake̱: Yakã ši, ni aaba mli ake̱, ke̱dši etšé̱o le̱, okē̱ ake̱: Wiemo̱, Iehowa! ši otšũlo̱ mībo toi! Ni Samuel te eyakã ši ye̱ ewō̱he le̱.

1 Samuel 3:9 ပူးပေါင်းရင်းမြစ်များ

Lalai 85:8

Hã mabo nɔ ni Nuŋtsɔ Nyɔŋmɔ aaawie toi, ejaakɛ ekɛ emaŋ lɛ kɛ ehetselɔi lɛ kɛ mɛi ni kuɔ amɛsɛɛ kɛbaa eŋɔɔ kɛ amɛtsui fɛɛ lɛ, baawie hejɔlɛ wiemɔ.

Lalai 85:9

Lɛɛlɛŋ efee kralo kɛbaahere mɛi ni sheɔ lɛ gbeyei lɛ ayiwala koni anunyam ahi wɔshikpɔŋ lɛ nɔ.

2 Mose 20:19

Kɛkɛ ni amɛkɛɛ Mose akɛ, “Bo moŋ okɛ wɔ awie, ni wɔɔbo toi, shi kaahã Nyɔŋmɔ kɛ wɔ miiwie ni wɔbagboi.”

Yesaia 6:8

Kɛkɛ ni minu Nuŋtsɔ lɛ gbee ni miikɛɛ akɛ, “Namɔ matsu, ni namɔ aaatee ahã wɔ?” Mikɛɛ akɛ, “Naa mi! Tsu mi!”

Daniel 10:19

Ekɛɛ mi akɛ, “Ao! Gbɔmɔ ni Naa Nyɔŋmɔ sumɔɔ bo pam, kaashe gbeyei; otsui anyɔ omli, ni ofee ekãa.” Be ni ekɛ mi wie nɛkɛ sɛɛ lɛ, mina ekãa, ni mikɛɛ lɛ akɛ, “Minuŋtsɔ, wiemɔ, ejaakɛ owo mi hewalɛ.”

Bɔfoi 9:6

Ni ekɛ hekpokpomɔ kɛ ŋmiŋmi kɛɛ akɛ, “Nuŋtsɔ, mɛni otaoɔ akɛ mifee?” Ni Nuŋtsɔ lɛ kɛɛ lɛ akɛ, “Tee shi ni oya maŋ lɛ mli, ni aaatsɔ̃ɔ bo nɔ ni sa akɛ ofee.”

Yoshua 5:14

Nuu lɛ to he ekɛɛ, “Dabi; miba akɛ Yehowa ta lɛ nɔ tatsɛ.” Kɛkɛ ni Yoshua kɛ ehiɛ bu shi, ni eja lɛ, ni ekɛɛ lɛ akɛ, “Mɛni minuŋtsɔ kɛɔ etsulɔ?”

1 Samuel 3:10

Yehowa ba ni ebadamɔ shi, ni etsɛ lɛ tamɔ tsuutsu lɛ akɛ, “Samuel! Samuel!” Samuel here nɔ akɛ, “Wiemɔ, shi otsulɔ miibo toi.”

1 Samuel 3:8

Yehowa saa etsɛ Samuel nɔ ni tĩa shii etɛ̃; ni Samuel te shi etee Eli ŋɔɔ eyakɛɛ lɛ akɛ, “Ofainɛ, naa mi, minu akɛ ootsɛ mi.” Kɛkɛ ni Eli bayoo sɛɛ agbɛnɛ akɛ Yehowa ni tsɛɔ oblanyo fioo lɛ lɛ.