1 Samuel 3:19 - ŊMALƐ KRƆŊKRƆŊ LƐ

¹⁹ Samuel bada, ni Yehowa kɛ lɛ yɛ, ni ehãaa Samuel naa wiemɔ ko afee yaka.

Ṅmãle̱ Kroṅkroṅ Le̱

¹⁹ Ni Samuel bada, ni Iehowa ke̱le̱ ye̱, ni ehã ewiemo̱i le̱ ekomeflo afe yaka.

1 Samuel 3:19 ပူးပေါင်းရင်းမြစ်များ

1 Mose 21:22

Nɛkɛ be nɛɛ mli lɛ, Abimelek kɛ etatsɛ Fikol bakɛɛ Abraham akɛ, “Nyɔŋmɔ kɛ bo yɛ, yɛ nibii fɛɛ ni ofeɔ lɛ mli.

1 Mose 28:15

Na ole akɛ mikɛ bo yɛ ni he fɛɛ he ni oyaa lɛ, mabu ohe, ni mikɛ bo aaaba shikpɔŋ nɛɛ nɔ ekoŋŋ, ejaakɛ mishiŋ bo kɛyaashi beyinɔ ni mafee nɔ ni mitsi tã mikɛɛ bo lɛ.”

1 Mose 39:2

Yehowa kɛ Yosef yɛ, ni ehã efee nɔbatsɛ.

1 Mose 39:3

Enuŋtsɔ Ijiptnyo lɛ we lɛ eyɔɔ. Potifar na akɛ Yehowa kɛ Yosef yɛ, ni ehãa nɔ fɛɛ nɔ ni Yosef feɔ lɛ shwereɔ yɛ edɛŋ.

1 Maŋtsɛmɛi 8:56

“Ajie Yehowa, mɔ ni ehã emaŋ Israel toiŋjɔlɛ taakɛ bɔ ni ewo shi lɛ pɛpɛɛpɛ. Eshiwoi kpakpai fɛɛ ni etsɔ̃ etsulɔ Mose nɔ ewo lɛ, emli wiemɔ lɛ ekome folo nɛkɛ efeko yaka.

2 Maŋtsɛmɛi 10:10

Agbɛnɛ nyɛnaa nyɛlea akɛ Yehowa wiemɔ ni ewie yɛ Ahab we lɛ he lɛ, emli ekome folo efeŋ yaka, ejaakɛ Yehowa efee nɔ ni etsɔ̃ etsulɔ Elia nɔ ewie lɛ.”

2 Maŋtsɛmɛi 15:12

Belɛ wiemɔ ni Yehowa kɛ Yehu wie akɛ, “Oshwiei lɛ aaata Israel sɛ̃i lɛ nɔ lɛ,” na ba mli.

2 Maŋtsɛmɛi 22:16

‘Naa, mahã nɔ fɔŋ aba biɛ nɛɛ kɛ biɛbii lɛ anɔ, tamɔ bɔ ni aŋma yɛ wolo ni Yuda maŋtsɛ lɛ kane lɛ mli lɛ.

Yesaia 43:2

Kɛji oofo faa ni mli kwɔ lɛ, mikɛ bo yɛ; ni oofo faa hu nu lɛ esuŋ bo; Kɛji onyiɛ la mli lɛ, eshaŋ bo, ni lalilɛi lɛ kpãtãŋ ohiɛ.

Yesaia 44:26

Emaa etsulɔ wiemɔ nɔ mi, ni ehãa ebɔfoi agbalɛ baa mli taakɛ ekɛɛ yɛ Yerusalɛm he akɛ, ‘Mɛi baahi mli ekoŋŋ’, ni ekɛɛ yɛ Yuda maji wuji lɛ ahe akɛ, ‘Abaasaa amãmɔ amɛ, ni maha tsui ni akumɔ ate shi ekoŋŋ’ lɛ.

Yesaia 55:11

Nakai nɔŋŋ ni wiemɔ ni jɛɔ midaaŋ lɛ hu aaafee. Ekuŋ esɛɛ kɛbaŋ miŋɔɔ efolo, shi moŋ eeetsu nɔ ni mito mihã lɛ lɛ; ni eeeye kunim yɛ nɔ hewɔ ni mitsu lɛ lɛ mli.

Mateo 1:23

“Naa, oblayoo foro lɛ aaana musu, Ni eeefɔ binuu, ni amɛaawo lɛ gbɛi akɛ Imanuel, eshishi ji Nyɔŋmɔ kɛ wɔ yɛ.”

Luka 1:28

Ni bɔfo lɛ ba eŋɔɔ ni ekɛɛ, “Hejɔlɛ ahã bo, bo ni aduro bo, Nuŋtsɔ lɛ kɛ bo yɛ.”

Luka 1:80

Ni gbekɛ lɛ bada, ni ehe wa yɛ mumɔ mli, ni ehi ŋa lɛ nɔ kɛyashi gbi nɔ ni akɛ lɛ tsɔ̃ɔ Israel.

Luka 2:40

Ni gbekɛ Yesu lɛ bada, ni ehe wa, ni eyi obɔ̃ kɛ nilee, ni Nyɔŋmɔ dromɔ yɛ enɔ.

Luka 2:52

Ni Yesu tee hiɛ yɛ nilee kɛ dalɛ kɛ dromɔ mli yɛ Nyɔŋmɔ kɛ gbɔmɛi ahiɛ.

2 Korintobii 13:11

Naagbee lɛ, anyɛmimɛi, nyɛmii ashɛa, nyɛyea emuu, nyɛshɛjea nyɛhe mii, nyɛjwɛŋmɔ afea ekome, nyɛhĩa shi yɛ hejɔlɛ mli, ni suɔmɔ kɛ hejɔlɛ Nyɔŋmɔ lɛ kɛ nyɛ aaahi shi.

5 Mose 18:22

Nyɛnaa nyɛlea akɛ kɛji gbalɔ ko wie yɛ Yehowa gbɛi mli, ni gbalɛ lɛ baaa mli loo ebɛ mli lɛ, no tsɔ̃ɔ akɛ jeee Yehowa dɛŋ nakai wiemɔ lɛ jɛ. Gbalɔ lɛ diɛŋtsɛ ni to eyiŋ ni ewie, ni no hewɔ lɛ, kaashe nakai gbalɔ lɛ gbeyei.”

2 Timoteo 4:22

Nuŋtsɔ Yesu Kristo kɛ omumɔ lɛ ahi shi! Dromɔ kɛ nyɛ ahi shi! Amen.

Yoshua 21:45

Nibii juji fɛɛ ni Yehowa wo Israel we lɛ shi yɛ he lɛ, amɛmli ekome folo nɛkɛ eyafeee yaka; fɛɛ kwa ba mli.

Kojolɔi 13:24

Yoo lɛ fɔ binuu, ni ewo lɛ Samson. Gbekɛ lɛ bada, ni Yehowa jɔɔ lɛ.

1 Samuel 10:7

Kɛji okadii nɛɛ ba mli nakai hã bo lɛ, nɔ fɛɛ nɔ ni aaaje ogbɛfaŋ lɛ ofee ejaakɛ Nyɔŋmɔ ni baakpala bo.

1 Samuel 12:2

No hewɔ lɛ, agbɛnɛ maŋtsɛ lɛ nyiɛ nyɛhiɛ nɛɛ. Mi lɛ amrɔ nɛɛ migbɔ ni miyi eyɛ, ni mibihii lɛ nyɛ kɛ amɛ yɔɔ. Mikwɛ nyɛnɔ kɛjɛ miblahiaŋ aahu kɛbashi ŋmɛnɛ.

1 Samuel 16:18

Oblahii lɛ ateŋ mɔ kome here nɔ ni ekɛɛ akɛ, “Mile Yeshai, Betlehemnyo lɛ, binuu ko ni ehe esa kɛ saŋkutswaa jogbaŋŋ diɛŋtsɛ; oblanyo kãkãlɔ ni sheee ta naa gbeyei, ni ele mɔ kɛ wiemɔ, ni ehe hu yɛ fɛo, ni Yehowa kɛ lɛ yɛ.”

1 Samuel 18:12

Agbɛnɛ Saul she David gbeyei, ejaakɛ ena akɛ Nyɔŋmɔ kɛ David yɛ, shi lɛ lɛ Nyɔŋmɔ ekwa lɛ.

1 Samuel 18:14

ni eko fɛɛ eko mli lɛ David yayeɔ kunim, ejaakɛ Yehowa kɛ lɛ yɛ.

1 Samuel 18:5

Tai fɛɛ ni Saul tsu David wuu lɛ, etee eba kɛ omanye; ni no hewɔ lɛ, Saul fee David etatsɛmɛi ateŋ mɔ kome, amɛ ji nɔ ko ni sa Israel hii tabilɔi lɛ fɛɛ kɛ Saul tsuji lɛ tete fɛɛ ahiɛ.

1 Samuel 2:21

Yehowa jɔɔ Hana, ni efɔ Samuel sɛɛ bihii etɛ̃ kɛ biyei enyɔ hu. Ni oblanyo fioo, Samuel, lɛ bada yɛ Yehowa we lɛ.

1 Samuel 2:26

Oblanyo fioo, Samuel, lɛ bada ni esane sa gbɔmɛi kɛ Yehowa fɛɛ hiɛ.

1 Samuel 9:6

Oblanyo lɛ kɛɛ Saul akɛ, “Ole? Nyɔŋmɔ gbɔmɔ ko yɛ maŋ nɛɛ mli ni abuɔ lɛ jogbaŋŋ diɛŋtsɛ, ni nɔ fɛɛ nɔ ni egbaa lɛ baa mli; hã wɔtee wɔyana lɛ; eko lɛ eeegba wɔ nyiɛmɔ ni wɔnyiɛ nɛɛ he nɔ ko.”