1 Samuel 25:36 - ŊMALƐ KRƆŊKRƆŊ LƐ

³⁶ Be ni Abigail ku esɛɛ ni eshɛɔ shĩa lɛ Nabal eŋmɛ okplɔ̃ yɛ ewe lɛ mli tamɔ maŋtsɛ. Nabal mii eshɛ ehe fe nine, ni etɔ dãa kpɔtɔɔ. No hewɔ lɛ, Abigail ebɔɔɔ lɛ amaniɛ ko kɛyashi je tsɛre nɔ leebi,

Ṅmãle̱ Kroṅkroṅ Le̱

³⁶ Ni Abigail ba Nabal ṅõ, ni na, eṅmẽ okplõ ye̱ ewe le̱ tamo̱ maṅtše̱ ko, ni Nabal mī eše̱ ehe, ni eto̱ dã kpo̱tō̱; ni ekē̱ē̱le̱ noko ke̱-yaši dšetše̱reno̱ lebi.

1 Samuel 25:36 ပူးပေါင်းရင်းမြစ်များ

2 Samuel 13:23

Sane nɛɛ sɛɛ afii enyɔ lɛ, aaku Absalom toi ahetsɔi yɛ Baal-Hazor ni bɛŋkɛ Efraim maŋ lɛ, ni ekpee maŋtsɛ bihii lɛ fɛɛ akɛ amɛba jɛi.

2 Samuel 13:28

Absalom kɛɛ etsuji lɛ akɛ, “Kɛfee lɛ nyɛkwɛa Amnon, kɛji nyɛna akɛ wain lɛ ehã emli efili lɛ, ni mifã akɛ atswa lɛ nɔ lɛ, nyɛgbea lɛ. Nyɛkashea gbeyei ejaakɛ mi mifã nyɛ. Nyɛfea ekãa; nyɛfea hii!”

2 Samuel 3:20

Be ni Abner bashɛ David ŋɔɔ yɛ Hebron lɛ, David ŋmɛ lɛ kɛ mɛi nyɔŋmai enyɔ ni fata ehe kɛba lɛ fɛɛ okplɔ̃.

1 Maŋtsɛmɛi 20:16

Israelbii ata lɛ fã shwane fintiŋŋ. Nakai be mli lɛ Ben-Hadad kɛ ewalɔi maŋtsɛmɛi nyɔŋmai etɛ̃ kɛ enyɔ lɛ miitɔ dãa yɛ amɛbuui lɛ amli.

Lalai 112:5

Mɔ ni mli hi, ni efaa mɔ nɔ, ni ekɛ anɔkwayeli feɔ enii fɛɛ lɛ, aaahi ahã lɛ.

Abe̱i 20:1

Wain lɛ hefɛoyelɔ ni, ni dãa ni wa lɛ hoofeelɔ ni; ni mɔ fɛɛ mɔ ni dãa hãa eduɔ gbɛ lɛ, eleee nii.

Jajelɔ 10:19

Ŋmaa hãa mɔ miishɛɛ, ni wain hãa mɔ mli filiɔ lɛ, shi eko fɛɛ eko lɛ shika akɛfeɔ.

Yesaia 28:3

Nibii ni Efraim dãatɔlɔi lɛ kɛwulaa amɛhe lɛ akɛ nane aaanaanaa nɔ;

Yesaia 5:11

Ni kpoo hã mɛi ni teɔ shi maŋkɛ mra ni amɛyanyiɛɔ dãatseiaŋ, mɛi ni taraa shi yɛ dãa he kɛyashiɔ jenamɔ yi waa, ni wain hãa amɛhiɛ feɔ laŋlaŋ.

Yeremia 51:57

Mibahã Babilon lumɛi lɛ kɛ nilelɔi lɛ kɛ amraloi lɛ kɛ tatsɛmɛi lɛ kɛ tabilɔi kãkãlɔi lɛ fɛɛ atɔrɔ dãa, ni naanɔ wɔ baanyɔ amɛnɔ, ni amɛhiɛ etsɛ̃ŋ dɔŋŋ. Mi, Maŋtsɛ, mɔ ni gbɛi ji Yehowa Taiatsɛ lɛ, mikɛɛ.

Hosea 4:11

Yehowa kɛɛ akɛ, “Wain momo kɛ wain hee fɛɛ hãa nilee ŋmɛɔ mɔ.

Nahum 1:10

Abaashã amɛ wɛɛ tamɔ ŋmei ni eloloo, loo gbetseli gbiŋ.

Mateo 10:16

“Naa miitsu nyɛ tamɔ too Gwantɛŋi yɛ klãji ateŋ; no hewɔ lɛ, nyɛhiɛ atɛ̃a tamɔ onufui, ni nyɛfea kpoo tamɔ okpoi.

Luka 14:12

Shi ekɛɛ mɔ ni kpee lɛ lɛ hu akɛ, “Kɛ oŋmɛ shwane loo gbɛkɛ okplɔ̃ lɛ, kaatsɛ oshieŋtsɛmɛi loo onyɛmimɛi loo owekumɛi loo okutsoŋ niiatsɛmɛi ni aleenɔ amɛ hu amɛkpee bo eko amɛto najiaŋ.

Luka 21:34

“Shi nyɛhiɛ ahia nyɛhe nɔ koni fufeemɔ kɛ dãatɔɔ kɛ yeyeeyefeemɔ yɛ wala nɛɛ mli nibii ahe akahe nyɛtsuii ni nakai gbi lɛ miibati nyɛ shi trukaa;

Romabii 13:13

Nyɛhãa wɔnyiɛa fɛɛfɛo bɔ ni sa shwane, jeee yɛ dãanumɔ mli basabasafeemɔ kɛ dãatɔɔ mli; jeee ajwamãŋbɔɔ kɛ nyɛnyɛŋtswibɔɔ mli, jeee bei kɛ awuŋayeli mli;

Efesobii 5:14

No hewɔ ni ekɛɛ, “Ohiɛ atsɛ̃, bo mɔ ni owɔɔ lɛ, ni ote shi kɛjɛ gbohii ateŋ ni Kristo aaatso ahã bo!”

Efesobii 5:18

Ni nyɛkatɔrɔa dãa, nɔ mli ni yakayaka jeŋba yɔɔ lɛ, shi moŋ nyɛyimɔa obɔ̃ kɛ Mumɔ lɛ,

1 Samuel 25:19

ni asaŋ ewo eblahii komɛi agbɛ kɛ jatsu lɛ ekɛɛ, “Nyɛtsɔa mihiɛ nyɛkitea; minyiɛ nyɛsɛɛ nɔŋŋ.” Shi etsiii tã ekɛɛɛ ewu Nabal.

1 Samuel 25:37

be mli ni wain lɛ etserɛ yɛ ehiɛ lɛ. Be ni Nabal ŋa Abigail gba lɛ nibii ni tee nɔ lɛ, Nabal tsui sɔŋŋ ni fã lɛ hã eniji kɛ enaji fɛɛ gboi amrɔ lɛ nɔŋŋ yɛ ehe.