1 Samuel 25:29 - ŊMALƐ KRƆŊKRƆŊ LƐ

²⁹ Kɛji gbɔmɔ adesa ko aaate shi awo bo, ni enyiɛ osɛɛ akɛ bo nɔŋŋ etaoɔ egbe lɛ, no lɛ, Yehowa, oNyɔŋmɔ lɛ, aaafi minuŋtsɔ wala afata mɛi ni yɔɔ wala lɛ ahe ato Yehowa oNyɔŋmɔ lɛ ŋɔɔ. Shi ohenyɛlɔi lɛ, Yehowa aaasherɛ amɛ ashwie shwiaa tamɔ afɔ̃ɔ akromia mli tɛ.

Ṅmãle̱ Kroṅkroṅ Le̱

²⁹ Ni ke̱dši gbomo ádesà aate ši ni eenyie ose̱ ake̱ etao bo egbe le̱, no le̱ aafī minuṅtšo̱ susuma afata mei ni yo̱ wala le̱ ahe ato Iehowa, o-Nyoṅmo̱ le̱, ṅō; ši ohenye̱lo̱i le̱ asusuma le̱, le̱ le̱ eefõle̱ ye̱ akromia mli.

1 Samuel 25:29 ပူးပေါင်းရင်းမြစ်များ

1 Mose 15:1

Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”

2 Samuel 4:8

ni amɛkɛba David ŋɔɔ yɛ Hebron. Amɛbakɛɛ Maŋtsɛ David akɛ, “Ohenyɛlɔ Saul ni tao bo egbe lɛ, ebi Ishboshet lɛ yitso nɛ. Yehowa etɔ minuŋtsɔ maŋtsɛ he owele ŋmɛnɛ yɛ Saul kɛ eshwiei anɔ.”

Hiob 27:22

Nyɔŋmɔ tsɛ̃ɔ kɛbaa enɔ ni enaaa lɛ mɔbɔ, be ni etaoɔ foi ejo kɛjɛ edɛŋ lɛ.

Lalai 116:15

Yehowa mɛi krɔŋkrɔŋi lɛ agbele jara wa yɛ ehiɛ.

Lalai 54:3

Ejaakɛ ntɛŋfeelɔi ete shi ewo mi, yiwalɔi miitao mihiɛ amɛkpãtã, ejaakɛ jeee amɛhe sane ko ji Nyɔŋmɔ.

Lalai 66:9

Lɛ ehã wɔhiɛ kã nɛɛ, ni eŋmɛko gbɛ ni wɔshane tete.

Yeremia 10:18

ejaakɛ bɔ ni Yehowa kɛɛ nɛ, “Mibafɔ̃ shikpɔŋ nɛɛ nɔ bii tamɔ afɔ̃ɔ aklomia mli tɛ amrɔ nɛɛ nɔŋŋ; ni mibahã amɛhe ajara amɛ bɔ ni amɛbaanu he.”

Maleaki 3:17

Yehowa kɛɛ akɛ, “Gbɔmɛi nɛɛ baatsɔ̃mɔ mimɛi, mi diɛŋtsɛ minɔ krɛdɛɛ, gbi nɔ ni mibatsu minii lɛ. Mikɛ amɛhe baake amɛ tamɔ bɔ ni tsɛ Ataa kɛ ebi ni sɔmɔɔ lɛ lɛ he keɔ lɛ lɛ.

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

5 Mose 33:29

Israel, omii ashɛ ohe! Namɔ tamɔ bo, maŋ ni Yehowa ehere oyiwala? Mɔ ni ji oyelikɛbuamɔ tsɛŋ kɛ okunimyeli klante lɛ? Ohenyɛlɔi aaashwie amɛnaa shi amɛhã bo, ni obaanaanaa amɛhei grɔŋŋi lɛ anɔ.”

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.

1 Samuel 2:9

Eeebaa enɔkwafoi lɛ ayi, shi mɛi fɔ̃ji lɛ amɛhiɛ aaakpãtã yɛ duŋ mli, ejaakɛ jeee gbɔmɔ diɛŋtsɛ hewalɛ naa eyeɔ kunim yɛ.