1 Samuel 25:28 - ŊMALƐ KRƆŊKRƆŊ LƐ

²⁸ Ofainɛ, okɛ tɔ̃mɔ fɛɛ tɔ̃mɔ ni mitɔ̃ lɛ afa mi. Bɔ fɛɛ bɔ ni fee lɛ Yehowa baahã owe aye ejurɔ, ni ehe shi, ejaakɛ minuŋtsɔ miiwu Yehowa tai lɛ ehã lɛ, ni akana nɔ fɔŋ ko nɔ fɔŋ ko yɛ ogbɛfaŋ owala be fɛɛ.

Ṅmãle̱ Kroṅkroṅ Le̱

²⁸ Ofai ne̱, ṅõ tõmo̱ ne̱ ofa oweyō; edšake̱ Iehowa bamã šĩa ní mã ši šiṅṅ ahã minuṅtšo̱; edšake̱ minuṅtšo̱ wuo̱ Iehowa tai le̱, ní akana nõfõṅ ko nõfõṅ ko hũ ye̱ ohe owala gbĩĩ abo̱ fẽ.

1 Samuel 25:28 ပူးပေါင်းရင်းမြစ်များ

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

2 Samuel 7:11

be ni mito hiɛnyiɛlɔi koni amɛkura mimaŋ Israel lɛ. Ni mahã ohe ajɔ bo yɛ ohenyɛlɔi lɛ fɛɛ agbɛfaŋ. Asaŋ mi, Yehowa, miiwo bo shi akɛ mibahã owo shwiei babaoo,

2 Samuel 7:16

Mibahã owe lɛ kɛ omaŋtsɛyeli fɛɛ ama shi shiŋŋ daa kɛaatee naanɔ; omaŋtsɛ sɛi lɛ baama shi shiŋŋ kɛaatee naanɔ.’ ”

2 Samuel 7:27

Akɛ bo Yehowa Taiatsɛ, Israel Nyɔŋmɔ lɛ, diɛŋtsɛ ojie nii nɛɛ otsɔ̃ɔ mi otsulɔ, ni okɛɛ akɛ, ‘Mahã oshwiei atsɔmɔ maŋtsɛmɛi lɛ,’ no hã mi, otsulɔ, mina ekãa misɔle nɛkɛ sɔlemɔ nɛɛ.

1 Maŋtsɛmɛi 15:3

Eshai ni etsɛ fee kɛtsɔ̃ hiɛ lɛ, nomɛi nɔŋŋ lɛ hu efee, ni eyeee Yehowa eNyɔŋmɔ lɛ anɔkwa tamɔ bɔ ni etsɛ David ye anɔkwa lɛ.

1 Maŋtsɛmɛi 15:5

Yehowa fee enɛ, ejaakɛ David fee nɔ ni sa Yehowa hiɛ, ni egbaaa afã yɛ kitãi ni ewo lɛ lɛ eko eko he ewala gbii abɔ fɛɛ, akɛ ja yɛ Uria, Hitnyo lɛ, sane lɛ mli pɛ.

1 Maŋtsɛmɛi 9:5

no lɛ maye shi ni miwo otsɛ David lɛ nɔ akɛ, ‘Bo oshwiei amli aaajɛ aye Israel nɔ maŋtsɛ daa’ lɛ.

1 Kronika 17:10

be mli ni mito hiɛnyiɛlɔi koni amɛkura mimaŋ Israel lɛ. Maha ohenyɛlɔi lɛ fɛɛ ahe ajɔ, ni asaŋ miiwo bo shi akɛ mibahã oshwiei ahe shi.

1 Kronika 17:25

MiNyɔŋmɔ, mi otsulɔ, toi nɔ ni owo akɛ obaahã ewe lɛ atsɔ̃ maŋtsɛmɛi awe lɛ, no hewɔ ni mina ekãa kɛsɔleɔ nɛkɛ yɛ ohiɛ nɛɛ.

2 Kronika 20:15

Kɛkɛ ni Yahaziel kɛɛ asafo lɛ akɛ, “Maŋtsɛ kɛ Yudabii kɛ Yerusalɛm maŋbii fɛɛ ni naa ekpe shi, nɔ ni Yehowa kɛɔ nyɛ nɛ, ‘Nyɛkashea gbeyei, asaŋ nyɛtsui akafãa hu yɛ ta babaoo nɛɛ hewɔ, ejaakɛ ta ni abaawu lɛ ebɛ nyɛdɛŋ, Nyɔŋmɔ dɛŋ eyɔɔ.’

Lalai 7:3

Oo Yehowa miNyɔŋmɔ, kɛji mitɔ̃ mɔ ko nɔ, kɛji mifee naanyo ko efɔŋ, kɛji miwa mɛi ni he tsɛ̃ɔ mi yakatswaa lɛ ayi lɛ,

Lalai 89:29

Mahã eseshi ahi shi daa, ni emaŋtsɛ sɛi lɛ aaahi shi, beiaŋ ni ŋwɛi kɛ shikpɔŋ yɔɔ nɛɛ.

4 Mose 23:21

Minaaa akɛ osharã ko basharã Israel, aloo Israel he baajara lɛ. Yehowa amɛNyɔŋmɔ lɛ kɛ amɛ yɛ; lɛ amɛbɔɔ oshe amɛhãa akɛ amɛmaŋtsɛ.

Mateo 5:16

Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”

Luka 23:41

Ni wɔnɔ lɛ sa wɔ, ejaakɛ wɔnifeemɔnii ahe nyɔmɔwoo wɔna nɛɛ; shi mɔ nɛ lɛ efeko nɔ ko ni esaaa.”

Luka 23:47

Shi be ni asraafoiohaiatsɛ lɛ na nɔ ni efee lɛ, ewo Nyɔŋmɔ hiɛ nyam ni ekɛɛ, “Yɛŋ lɛɛlɛŋ akɛ nɛkɛ nuu nɛɛ jalɔŋ!”

1 Samuel 15:28

Kɛkɛ ni Samuel kɛɛ Saul akɛ, “Yehowa shɔ̃ Israel nɔ maŋtsɛyeli lɛ yɛ odɛ̃ŋ kɛjɛ ŋmɛnɛ, ni ekɛhã onaanyo ni hi fe bo.

1 Samuel 17:47

Asaŋ asafo ni ekpe nɛɛ fɛɛ kɛaana ale akɛ jeee klante loo akplɔ Yehowa kɛhereɔ mɔ yiwala, ejaakɛ ta lɛ Yehowa diɛŋtsɛ ji mɔ ni wuɔ, ni ebaaŋɔ nyɛ ewo wɔdɛŋ.”

1 Samuel 18:17

Saul wo David shi akɛ, “Bɛ ona mibiyoo nukpa Merab lɛ? Mikɛ lɛ baahã bo gbãlã kɛji ooofee ekãa kɛkɛ ni okɛ Yehowa henyɛlɔi lɛ aaawu ahã mi lɛ.” Saul susumɔ ji akɛ, lɛ tuuŋtu lɛ, ekɛ enine etaŋ David he, shi Filistibii lɛ ji mɛi ni baagbe David ahã lɛ yɛ tai lɛ eko mli.

1 Samuel 2:35

Matee osɔfo anɔkwafo ko shi mahã mi diɛŋtsɛ mihe, mɔ ni baafee miyiŋtoo kɛ mitsuinaanii, ni mahã ewo shwiei ni shishi etaŋ, mɛi ni baasɔ̃mɔ yɛ mɔ ni mifɔ lɛ mu lɛ hiɛ daa.

1 Samuel 22:14

Ahimelek to he ehã maŋtsɛ lɛ ekɛɛ, “Nɔ ni mile ji akɛ maŋtsɛ tsuji lɛ ateŋ mɔ ko bɛ ni eji ehe anɔkwafo tamɔ David. Maŋtsɛ shaanuu ji lɛ, ni agbɛnɛ maŋtsɛ he bulɔi lɛ asafoiatsɛ ji lɛ, ni awoɔ lɛ yɛ maŋtsɛ we lɛ mli.

1 Samuel 24:11

Mitsɛ Ataa, Okwɛɛɛ? Otade lɛ naabu ko ni mifo lɛ mihiɛ nɛɛ. Akɛ mifo otade lɛ naabu, ni mitswaaa bo nɔ migbeee bo lɛ, no aaatsɔ̃ɔ bo koni ona ole akɛ mibɛ ohe yiŋtoo fɔŋ ko. Mifeko bo esha ko, shi kɛ̃lɛ bo lɛ gbɔbimɔ sɔŋŋ kɛkɛ ogbɔbiɔ mi koni ogbe mi.

1 Samuel 24:17

ni ekɛɛ David akɛ, “Oja fe mi, ejaakɛ be mli ni ofeɔ mi ekpakpa lɛ belɛ mi lɛ miifee bo efɔŋ moŋ kɛmiito bo najiaŋ.

1 Samuel 24:21

No hewɔ lɛ, okɛ Yehowa akã mi kitã akɛ ogbeŋ mishwiei ni baa yɛ misɛɛ lɛ bɔ ni afee ni migbɛi akalaaje.”

1 Samuel 24:4

Kɛkɛ ni David webii lɛ kɛɛ lɛ akɛ, “Shi ni Yehowa wo bo akɛ, ‘Majie ohenyɛlɔ lɛ mawo odɛ̃ŋ koni ofee lɛ bɔ ni osumɔɔ’ lɛ no eba mli ŋmɛnɛ nɛɛ.” Kɛkɛ ni David te shi, ni etee ni eyafo Saul atade lɛ naabu nigii.

1 Samuel 25:24

Abigail ho gbee David naji anaa ni ekɛɛ akɛ,

1 Samuel 29:3

Enɛ hã Filistibii lɛ atatsɛmɛi lɛ bi akɛ, “Mɛni nɛkɛ Hebribii nɛɛ feɔ yɛ biɛ?” Akish hã Filistibii atatsɛmɛi lɛ hetoo akɛ, “Israel maŋtsɛ Saul tsulɔ David lɛ nɛ; ni afii abɔ nɛɛ fɛɛ lɛ ekɛ mi yɔɔ. Kɛjɛ ni eshi Saul kɛbaje miŋɔɔ aahu kɛbashi ŋmɛnɛ lɛ minako tɔ̃mɔ ko kwraa yɛ ehe.”

1 Samuel 30:26

Be ni David bashɛ Ziklag lɛ, etsu akɛ nibii ni eyaye amɛ ofɔ̃ lɛ eko tee ayake Yuda maŋ onukpai fɛɛ ni ji ehe gbɔmɛi kpakpai lɛ kɛ shɛɛ akɛ, “Naa, miyaye ofɔ yɛ Yehowa henyɛlɔi lɛ ashikpɔŋ lɛ nɔ. Nɔ ni mikɛɛ akɛbake nyɛ nɛ.”