1 Samuel 25:21 - ŊMALƐ KRƆŊKRƆŊ LƐ

²¹ Nakai be mli lɛ David ekɛɛ momo sa akɛ, “Yakatswaa po mibaa nibii ni gbɔmɔ nɛɛ yɔɔ lɛ fɛɛ yi mihã lɛ, ni amɛmli ekoeko elaajeee lɛ. Ekpakpa ni mifee lɛ lɛ, mishidaa ji enɛ?

Ṅmãle̱ Kroṅkroṅ Le̱

²¹ Agbe̱ne̱ David ekē̱ ake̱: Yakatſā po miba nibii fẽ ní mone̱ ye̱ ye̱ ṅã le̱ no̱ le̱ yi, ni enibii fẽ ní eyo̱ le̱ mli eko eko elādšee; ni eṅõ efõṅ etomi ekpakpa nãdšiaṅ ne̱.

1 Samuel 25:21 ပူးပေါင်းရင်းမြစ်များ

1 Mose 44:4

Be ni amɛshi maŋ lɛ mli lɛ, amɛshɛko shɔŋŋ he ko kɛkɛ ni Yosef kɛɛ eshĩa lɛ mli sɔ̃ɔlɔ nukpa lɛ akɛ, “Tee shi ni otiu gbɔmɛi lɛ ni kɛ oyanina amɛ lɛ, kɛɛmɔ amɛ akɛ ‘Mɛɛ hewɔ nyɛkɛ efɔŋ eto ekpakpa najiaŋ nɛɛ? Mɛɛba nyɛju minuŋtsɔ jwiɛtɛi kpulu lɛ?

Hiob 30:8

Kwashiai yakagbɔmɛi abii; ayi amɛ, ashwie amɛ kɛje shikpɔŋ lɛ nɔ.

Lalai 35:12

Amɛkɛ efɔŋ toɔ mi ekpakpa najiaŋ; mikla tete etɔ biti.

Lalai 37:8

Kaahã omli miifu, ni omli akawo la kwraa. Kaawo otsui he la, efɔŋfeemɔ mli pɛ ekɛ mɔ yaa.

Lalai 38:20

Mɛi ni ŋɔɔ efɔŋ toɔ ekpakpa ni mifeɔ najiaŋ lɛ, ete shi ewo mi; ejaakɛ mi lɛ, mifeɔ ekpakpa.

Abe̱i 17:13

Mɔ ni kɛ efɔŋ toɔ ekpakpa najiaŋ lɛ, efɔŋ kpaŋ yɛ ewe.

Yeremia 18:20

Aso efɔŋ moŋ akɛtoɔ ekpakpa najiaŋ? Shi kɛ̃lɛ amɛtsa bu amɛhã mi koni migbee mli. Yehowa, kaimɔ bɔ ni midamɔ ohiɛ ni mikpa fai mihã amɛ koni omli ni efu amɛ lɛ sɛɛ afo.

Romabii 12:21

Kaahã efɔŋ miiye onɔ kunim, shi moŋ okɛ ekpakpafeemɔ aye efɔŋ nɔ kunim.

Efesobii 4:26

Nyɛmli afũa, shi nyɛkafea esha; hulu akanyɔ shi yɛ nyɛmlifu lɛ nɔ.

Efesobii 4:31

Nyɛhãa mlijoomɔ kɛ mlila kɛ mlifu kɛ blɔmɔ kɛ oshekuyeli kɛ efɔŋ fɛɛ sɛɛ afoa yɛ nyɛteŋ.

1 Tesalonikabii 5:15

Nyɛkwɛa ni ahĩa koni mɔ ko kɛ efɔŋ akato efɔŋ najiaŋ, shi moŋ daa nɛɛ nyɛnyiɛa ekpakpafeemɔ sɛɛ nyɛhãhãa nyɛhe kɛ mɛi fɛɛ.

1 Petro 3:17

Ejaakɛ, kɛ Nyɔŋmɔ miisumɔ akɛ nyɛna amanehulu lɛ, ehi moŋ akɛ nyɛaana amanehulu akɛ ekpakpafeelɔi fe nɔ ni nyɛaana amanehulu akɛ efɔŋfeelɔi.

1 Petro 3:9

Nyɛkɛ efɔŋ akatoa efɔŋ najiaŋ aloo jɛmɔ yɛ jɛmɔ najiaŋ, shi moŋ nyɛjɔa, ejaakɛ nyɛle akɛ enɛ hewɔ atsɛ nyɛ, koni nyɛnine ashɛ jɔɔmɔ lɛ nɔ.

1 Samuel 25:13

Amaniɛ lɛ hã David kɛɛ ewebii lɛ akɛ, “Mɔ fɛɛ mɔ akɔ eklante eŋmɔ.” Ni amɛteŋ mɔ fɛɛ mɔ ŋmɔ eklante, ni David hu ŋmɔ eklante. Kɛkɛ ni eyi mli kɛ esɛɛ hii ohai ejwɛ, be mli ni ashi hii ohai enyɔ yɛ sɛɛ koni amɛbu nibii ni asafo lɛ yɔɔ lɛ ahe.

1 Samuel 25:15

Anɔkwa, be ni wɔyɔɔ ŋa lɛ nɔ lɛ David webii nɛɛ amli hi hã wɔ jogbaŋŋ diɛŋtsɛ. Gbii abɔ fɛɛ ni wɔ kɛ amɛ hi shi lɛ, amɛfeee wɔ efɔŋ ko lɛ, amɛkɔɔɔ wɔnɔ ko nɔ ko.

1 Samuel 25:20

Abigail ta teji nɔ kɛmiiya, ni be ni elɔgɔ gɔŋ lɛ kɔŋtɔ̃ ko nɔŋŋ pɛ, naa David kɛ ewebii lɛ hu ni miiba. Kɛkɛ ni Abigail kɛ amɛ yakpe.

1 Samuel 25:7

Minu akɛ aba aaku otoi lɛ ahetsɔi. Otookwɛlɔi lɛ kɛ wɔbahi shi yɛ shiaŋa lɛ nɔ, ni wɔfeee amɛ efɔŋ ko lɛ, amɛnɔ ko nɔ ko elaajeee gbii abɔ fɛɛ ni amɛyɔɔ Karmel lɛ.