1 Samuel 23:4 - ŊMALƐ KRƆŊKRƆŊ LƐ

⁴ Enɛ hã David ku sɛɛ ni ebi Yehowa nii ekoŋŋ. Yehowa kɛɛ lɛ akɛ, “Yaa Keila lɛ, shi mibahã oye Filistibii lɛ anɔ kunim.”

Ṅmãle̱ Kroṅkroṅ Le̱

⁴ Ke̱ke̱ ni David sā yabi Iehowa ekoṅ. Ni Iehowa to he ehãle̱ ake̱: Te ši ni oya Keila; edšake̱ mibaṅõ Filistibii le̱ mawo odeṅ!

1 Samuel 23:4 ပူးပေါင်းရင်းမြစ်များ

2 Samuel 2:1

Enɛ sɛɛ lɛ David yabi Yehowa nii akɛ, “Ani miya ni miyaŋɔ Yuda maji lɛ eko lo?” Yehowa hã lɛ hetoo akɛ, “Yaa!” David bi akɛ, “Mɛɛ maŋ nɔ miya?” Yehowa to he akɛ, “Yaa Hebron.”

2 Samuel 5:19

Kɛkɛ ni David yabi Yehowa nii ekɛɛ, “Ani mifã ta kɛyanina Filistibii lɛ lo? Ooohã maye amɛnɔ kunim lo?” Yehowa here David nɔ akɛ, “Fãa ta okɛyanina amɛ, ejaakɛ bɔ fɛɛ bɔ ni fee lɛ mahã oye amɛnɔ kunim.”

2 Maŋtsɛmɛi 3:18

Elisha tee nɔ akɛ, “Shi enɛ tete lɛ ejeee nɔ ko ni wa yɛ Yehowa hiɛ; asaŋ ebaatu Moabbii lɛ hu ewo nyɛdɛŋ;

1 Kronika 14:10

Kɛkɛ ni David tee ni eyabi Nyɔŋmɔ nii akɛ, “Mifã ta kɛyanina Filistibii lɛ lo? Ooohã maye amɛnɔ kunim lo?” Yehowa here David nɔ akɛ, “Fãa ta lɛ kɛyanina amɛ ni mahã oye amɛnɔ kunim.”

Yoshua 8:7

shi nyɛ lɛ, nyɛbaafamɔ kpo yɛ he ni nyɛwo ka lɛ yɛ lɛ koni nyɛbaŋɔ Ai maŋ lɛ, ejaakɛ Yehowa, nyɛNyɔŋmɔ lɛ, baahã nyɛye maŋ lɛ nɔ kunim.

Kojolɔi 6:39

Kɛkɛ ni Gideon kɛɛ Nyɔŋmɔ akɛ, “Omli akafu mi; mawie shi kome nɛɛ pɛ. Miikpa bo fai, hã maka shi kome hu makwɛ: hã wolo lɛ kɛkɛ agbi, shi bɔ anyɔ shikpɔŋ lɛ nɔ fɛɛ.”

Kojolɔi 7:7

Kɛkɛ ni Yehowa kɛɛ Gideon akɛ, “Hii ohai etɛ̃ ni lɛmɔ nu lɛ mikɛaahere nyɛ, ni mahã nyɛye Midian nɔ kunim; shi mɛi ni eshwɛ lɛ fɛɛ aya; mɔ fɛɛ mɔ aya eshĩa.”

Kojolɔi 7:9

Nakai nyɔɔŋ lɛ mli nɔŋŋ lɛ, Yehowa kɛɛ Gideon akɛ, “Tee shi ni okpeleke shi oyatua Midian nsra lɛ, ejaakɛ mibahã oye amɛnɔ kunim.

1 Samuel 10:22

No hewɔ lɛ, aku sɛɛ ni abi Yehowa nii ekoŋŋ akɛɛ, “Ani gbɔmɔ lɛ hu ba biɛ lo?” Yehowa to he akɛ, “Naa, eyateee ehe yɛ jatsui lɛ ateŋ.”

1 Samuel 23:2

No hewɔ lɛ, David bi Yehowa nii akɛ, “Ani miya ni miyatua Filistibii lɛ kɛhere Keila lo?” Yehowa here David nɔ ekɛɛ, “Yaa ni oyatua Filistibii lɛ ni ohere Keila.”

1 Samuel 23:3

Shi David webii lɛ kɛɛ lɛ akɛ, “Naa, Yuda shikpɔŋ lɛ nɔ he ni wɔyɔɔ yɛ biɛ nɛɛ po lɛ, wɔmiishe gbeyei, aahu ni wɔtee Keila wɔkɛɛ wɔkɛ Filistibii atai lɛ yaawu.”

1 Samuel 23:5

No hewɔ lɛ, David kɛ ewebii lɛ fã kɛtee Keila ni amɛkɛ Filistibii lɛ yawu, ni amɛgbe Filistibii lɛ butuu, ni amɛloo Filistibii lɛ akooloi kɛtee. Bɔ ni fee ni David here Keilabii ayiwala nɛ.

1 Samuel 28:6

No hewɔ lɛ, Saul tee eyabi Yehowa nii. Shi yɛ lamɔ mli jio, yɛ Urim lɛ naa jio, yɛ gbalɔi anaa jio, Yehowa efooo Saul daaŋ.

1 Samuel 30:8

Kɛkɛ ni David bi Yehowa nii ekɛɛ, “Mitiu gbɔmɛi nɛɛ lo?” Yehowa hã hetoo akɛ, “Tiumɔ amɛ, bɔ fɛɛ bɔ ni fee lɛ obaaya oyanina amɛ yɛ gbɛteŋ, ni onine baashɛ nyɛgbɔmɛi lɛ anɔ shweshweeshwe.”