1 Samuel 23:2 - ŊMALƐ KRƆŊKRƆŊ LƐ

² No hewɔ lɛ, David bi Yehowa nii akɛ, “Ani miya ni miyatua Filistibii lɛ kɛhere Keila lo?” Yehowa here David nɔ ekɛɛ, “Yaa ni oyatua Filistibii lɛ ni ohere Keila.”

Ṅmãle̱ Kroṅkroṅ Le̱

² Ni David bi Iehowa ake̱: Ani miya ní miyatſia ne̱ke̱ Filistibii ne̱ anii? Ni Iehowa kē̱ David ake̱: Ya ní oyatſia Filistibii le̱ anii ni ohere Keila yiwala.

1 Samuel 23:2 ပူးပေါင်းရင်းမြစ်များ

2 Samuel 2:1

Enɛ sɛɛ lɛ David yabi Yehowa nii akɛ, “Ani miya ni miyaŋɔ Yuda maji lɛ eko lo?” Yehowa hã lɛ hetoo akɛ, “Yaa!” David bi akɛ, “Mɛɛ maŋ nɔ miya?” Yehowa to he akɛ, “Yaa Hebron.”

2 Samuel 5:19

Kɛkɛ ni David yabi Yehowa nii ekɛɛ, “Ani mifã ta kɛyanina Filistibii lɛ lo? Ooohã maye amɛnɔ kunim lo?” Yehowa here David nɔ akɛ, “Fãa ta okɛyanina amɛ, ejaakɛ bɔ fɛɛ bɔ ni fee lɛ mahã oye amɛnɔ kunim.”

2 Samuel 5:23

Be ni David tee eyabi Yehowa nii lɛ, hetoo ni ehã lɛ ji akɛ, “Kaafã ta lɛ kɛyatua amɛ kɛjɛ biɛ, shi lɔgɔmɔ kɛyaje amɛsɛɛgbɛ, koni ojɛ Balsam tsei lɛ aŋlɛnɔ obatua amɛ.

1 Kronika 14:10

Kɛkɛ ni David tee ni eyabi Nyɔŋmɔ nii akɛ, “Mifã ta kɛyanina Filistibii lɛ lo? Ooohã maye amɛnɔ kunim lo?” Yehowa here David nɔ akɛ, “Fãa ta lɛ kɛyanina amɛ ni mahã oye amɛnɔ kunim.”

Lalai 32:8

Mi, Yehowa, mawo bo ŋaa, ni matsɔ̃ɔ bo gbɛ ni onyiɛ nɔ; mihiŋmɛi aaakã ohe.

Yeremia 10:23

Ao! Yehowa, mile akɛ gbɔmɔ adesã gbɛ bɛ lɛ diɛŋtsɛ edɛŋ; ni adesa bɛ ewala nɔ hewalɛ.

4 Mose 27:21

Ebo Osɔfo Eleazar toi be fɛɛ be. Eya eŋɔ̃ɔ, ni ebaafɔ̃ Urim lɛ koni ekɛbi mi nii ehã lɛ yɛ mihiɛ. Lɛ kɛ Israelbii lɛ kɛ asafo lɛ fɛɛ ayaakɛbaa mli lɛ, amɛbo Osɔfo Eleazar wiemɔ toi.”

Yoshua 9:14

Kɛkɛ ni Israelbii lɛ ye Gibeonbii lɛ aniyenii lɛ eko be mli ni amɛbiii Yehowa koni etsɔ̃ɔ amɛ nɔ ni sa akɛ amɛfee.

Kojolɔi 1:1

Be ni Yoshua egbo sɛɛ lɛ, Israelbii lɛ bi Yehowa akɛ, “Mɛɛ akutso tsutsu afã yɛ wɔteŋ ni ekɛ Kanaanbii lɛ ayawu?”

1 Samuel 10:22

No hewɔ lɛ, aku sɛɛ ni abi Yehowa nii ekoŋŋ akɛɛ, “Ani gbɔmɔ lɛ hu ba biɛ lo?” Yehowa to he akɛ, “Naa, eyateee ehe yɛ jatsui lɛ ateŋ.”

1 Samuel 14:37

Enɛ hewɔ lɛ, Saul bi Nyɔŋmɔ nii ekɛɛ, “Miyatua Filistibii lɛ lo? Obaahã Israel aye amɛnɔ kunim lo?” Shi Nyɔŋmɔ hãaa Saul hetoo nakai gbi lɛ.

1 Samuel 23:3

Shi David webii lɛ kɛɛ lɛ akɛ, “Naa, Yuda shikpɔŋ lɛ nɔ he ni wɔyɔɔ yɛ biɛ nɛɛ po lɛ, wɔmiishe gbeyei, aahu ni wɔtee Keila wɔkɛɛ wɔkɛ Filistibii atai lɛ yaawu.”

1 Samuel 23:4

Enɛ hã David ku sɛɛ ni ebi Yehowa nii ekoŋŋ. Yehowa kɛɛ lɛ akɛ, “Yaa Keila lɛ, shi mibahã oye Filistibii lɛ anɔ kunim.”

1 Samuel 23:6

Be mli ni Ahimelek bi Abiatar jo foi kɛtee David ŋɔɔ yɛ Keila lɛ ehiɛ efod lɛ kɛtee.

1 Samuel 30:8

Kɛkɛ ni David bi Yehowa nii ekɛɛ, “Mitiu gbɔmɛi nɛɛ lo?” Yehowa hã hetoo akɛ, “Tiumɔ amɛ, bɔ fɛɛ bɔ ni fee lɛ obaaya oyanina amɛ yɛ gbɛteŋ, ni onine baashɛ nyɛgbɔmɛi lɛ anɔ shweshweeshwe.”