1 Samuel 23:16 - ŊMALƐ KRƆŊKRƆŊ LƐ

¹⁶ ni Saul bi Yonatan tiu lɛ kɛtee jɛi, ni eyawo David hewalɛ koni ekɛ ehiɛ afɔ Nyɔŋmɔ nɔ.

Ṅmãle̱ Kroṅkroṅ Le̱

¹⁶ Ni Saul bi Ionatan te ši ni eyiṅ ete David ṅõ ye̱ kō le̱ mli, ni eyawole̱ hewale̱ ye̱ Nyoṅmo̱ mli.

1 Samuel 23:16 ပူးပေါင်းရင်းမြစ်များ

Nehemia 2:18

Ni migba amɛ akɛ miNyɔŋmɔ lɛ kɛ mi yɛ. Migba amɛ maŋtsɛ lɛ wiemɔ ni ekɛ mi wie lɛ hu. Amɛhere nɔ amɛkɛɛ, “Nyɛhãa wɔbɔia gbogbo lɛ tswaa! Ni amɛsaa amɛhe amɛhã nitsumɔ kpakpa lɛ.”

Hiob 16:5

Nakai nɔŋŋ kulɛ mawo nyɛ hewalɛ kɛ midaaŋ wiemɔ, ni midaaŋ wiemɔ baahã nyɛwerɛho lɛ naa aba shi.

Abe̱i 27:17

Dade jɔɔ dade naa, ni gbɔmɔ hu hãa enyɛmi gbɔmɔ leɔ nii.

Abe̱i 27:9

Muŋma kɛ ojeŋma hãa mɔ mii shɛɔ ehe, shi haomɔ hãa mɔ tsui yeɔ.

Ezekiel 13:22

“Nyɛkɛ amale hãa jalɔ nijiaŋ jeɔ wui, tsɛbelɛ, mi lɛ mihako enijiaŋ aje wui; ni nyɛwoɔ mɔ fɔŋ moŋ ekãa, no hewɔ lɛ, enyɛɛɛ ekpale kɛje egbɛ fɔŋ lɛ nɔ ni ahere eyiwala.

Luka 22:32

Shi mi lɛ mikpa fai miha bo, koni ohemɔkɛyeli akatã; ni bo hu, kɛ okpale lɛ, wo onyɛmimɛi lɛ hewalɛ.”

Luka 22:43

Ni bɔfo ko jɛ ŋwɛi bajie ehe kpo etsɔ̃ɔ lɛ, ni ebawo lɛ hewalɛ.

Efesobii 6:10

Naagbee lɛ, minyɛmimɛi, nyɛhe awaa yɛ Nuŋtsɔ lɛ kɛ ehewalɛ nyɛmɔ lɛ mli.

5 Mose 3:28

Wo Yoshua kitã; ni owo lɛ ekãa kɛ hewalɛ fɛɛ ejaakɛ lɛ ebaanyiɛ maŋbii lɛ ahiɛ kɛya kɛyaŋɔ shikpɔŋ lɛ ni obaana lɛ.’

2 Timoteo 2:1

Agbɛnɛ mibi, bo lɛ ohe awa yɛ dromɔ ni yɔɔ Kristo Yesu mli lɛ mli.

1 Samuel 23:15

Kɛ̃lɛ David she gbeyei ejaakɛ ena akɛ Saul eba ebaatao lɛ koni egbe lɛ. David yɛ Zif Ŋa lɛ nɔ yɛ Horesh niiaŋ,

1 Samuel 30:6

Sane wulu bakã David nɔ, ni ehe jara lɛ jogbaŋŋ diɛŋtsɛ, ejaakɛ ewebii lɛ kɛɛ amɛbaatswia lɛ tɛ, ejaakɛ mɔ fɛɛ mɔ musuŋ miishã lɛ yɛ ebihii kɛ ebiyei lɛ ahewɔ. Shi Yehowa, David Nyɔŋmɔ lɛ, waje David ni ewo lɛ hewalɛ.