1 Samuel 23:13 - ŊMALƐ KRƆŊKRƆŊ LƐ

¹³ Ni fee nakai lɛ David kɛ esɛɛbii aaafee mɛi ohai ekpaa lɛ ye amɛhe oyai ni amɛshi Keila. Amɛyiŋ amɛtee he fɛɛ he ni amɛna. Ayagba Saul akɛ David ejo foi yɛ Keila, ni no hewɔ lɛ, Saul efãaa ta lɛ.

Ṅmãle̱ Kroṅkroṅ Le̱

¹³ Ke̱ke̱ ni David ke̱ ewebii aafe mei ohai-ekpa le̱ te ši ni ame̱dše Keila, ni ame̱yiṅ ame̱te hefẽhe ní ame̱ná. Ni beni ayagba Saul ake̱ David edšo foi ke̱-dše̱ Keila le̱, efõ ta le̱ fã le̱.

1 Samuel 23:13 ပူးပေါင်းရင်းမြစ်များ

2 Samuel 15:18

ni etsuji ni ji Keretifoi lɛ kɛ Peletifoi lɛ fɛɛ to kɛbatsɔ̃ emasɛi kɛho. Be ni Gatbii hii ohai ekpaa lɛ ni nyiɛ Maŋtsɛ David sɛɛ kɛjɛ Gat kɛba lɛ hu hoɔ kɛyi ehiɛ lɛ,

2 Samuel 15:20

Kolɛ gbii enyiɛ nɛ ni obadɔmɔ wɔ, hewɔ ni mahã okɛ wɔ aya ni oyatsomlo, be mli hu ni he pɔtɛɛ po ni miyaa lɛ mi diɛŋtsɛ lɛ mileee lɛ? Kuu osɛɛ ni okɛ owebii lɛ aya, ni Yehowa aaana bo mɔbɔ; asaŋ eeeye bo anɔkwa hu.”

Hiob 5:12

Efiteɔ ŋai ni hiɛtɛ̃lɔi tsɔ̃ɔ, ni ehãa amɛnine nyɛɔ shi.

Lalai 34:5

Ŋɔɔ ohiɛ ofɔ̃ enɔ, ni ohiɛ eshwieŋ shi gbi ko gbi ko, shi moŋ ohiɛ aaaba nyam.

1 Samuel 22:2

Kɛkɛ ni mɛi fɛɛ ni aawa amɛ yi kɛ mɛi hu ni hiɛhiɛ nyɔji kɛ mɛi fɛɛ hu ni bɛ shihilɛ he miishɛɛ lɛ bua amɛhe naa ni amɛyafata David he. Kɛkɛ ni David batsɔ̃ amɛsafoiatsɛ. Hii aaafee ohai ejwɛ sɔŋŋ ni bafata David he nɛɛ.

1 Samuel 25:13

Amaniɛ lɛ hã David kɛɛ ewebii lɛ akɛ, “Mɔ fɛɛ mɔ akɔ eklante eŋmɔ.” Ni amɛteŋ mɔ fɛɛ mɔ ŋmɔ eklante, ni David hu ŋmɔ eklante. Kɛkɛ ni eyi mli kɛ esɛɛ hii ohai ejwɛ, be mli ni ashi hii ohai enyɔ yɛ sɛɛ koni amɛbu nibii ni asafo lɛ yɔɔ lɛ ahe.