1 Samuel 22:3 - ŊMALƐ KRƆŊKRƆŊ LƐ

³ David shi Adullam tɛkplo lɛ mli ni etee Mizpa yɛ Moab shikpɔŋ lɛ nɔ, ni eyakɛɛ Moab maŋtsɛ lɛ akɛ, “Ofainɛ, hã mitsɛ kɛ minyɛ afã kɛba ni amɛbahi nyɛŋɔɔ kɛyaashi beyinɔ ni male bɔ ni Nyɔŋmɔ aaato mi ahã.”

Ṅmãle̱ Kroṅkroṅ Le̱

³ Ni David dše dše̱i ke̱-te Mizpe ye̱ Moab, ni eyakē̱ Moab maṅtše̱ le̱ ake̱: Ofai ne̱, hã mitše̱ ke̱ minye afã ke̱-ba ní ame̱bahĩ nyeṅõ, ke̱-yaši beyino̱ ní male noni Nyoṅmo̱ aafe ahãmi.

1 Samuel 22:3 ပူးပေါင်းရင်းမြစ်များ

1 Mose 47:11

Ni Yosef hã etsɛ kɛ enyɛmimɛi lɛ shihilɛhe. Ehã amɛ shikpɔŋ lɛ he ni hi fe fɛɛ yɛ Ijipt shikpɔŋ lɛ nɔ; ebɛŋkɛ maŋ ko ni atsɛɔ lɛ Rameses lɛ, tamɔ bɔ ni Farao efã lɛ akɛ efee lɛ.

2 Samuel 8:2

No sɛɛ lɛ, David ye Moabbii lɛ hu anɔ kunim. Ehã Moabbii ni amɔmɔ lɛ kamɔ shikpɔŋ. Ni kɛji ekɛ susumɔ kpãa susu gbɔmɛi nɛɛ, ni ena kpãi enyɔ lɛ, kɛkɛ lɛ ehã agbe amɛ; kɛkɛ lɛ esusu kpãa kome, kɛkɛ lɛ ehã amɛyi ena wala. Moabbii lɛ tsɔmɔ David tsuji, ni amɛtsu onia amɛhã lɛ.

2 Mose 20:12

“Wo otsɛ kɛ onyɛ koni owala sɛɛ atsɛ yɛ shikpɔŋ ni mi, Yehowa, oNyɔŋmɔ lɛ, kɛhãa bo lɛ nɔ.

1 Timoteo 5:4

Shi kɛ yoo okulafo ko yɛ bii loo nabii lɛ, amɛkase Nyɔŋmɔ gbeyeishemɔ yɛ amɛ diɛŋtsɛ amɛshĩa tsutsu, ni amɛto amɛfɔlɔi lɛ anajiaŋ pɛpɛɛpɛ; ejaakɛ enɛ sa Nyɔŋmɔ hiɛ.

Kojolɔi 11:29

Kɛkɛ ni Yehowa Mumɔ lɛ bayi Yefta nɔ. Yefta tsɔ̃ Gilead kɛ Manase kɛfoŋ kɛtee Mizpa yɛ Gilead, ni efoŋ yɛ Mizpa kɛyanina Amonbii lɛ.

Rut Wolo Lɛ 4:10

Asaŋ Rut, Moabyoo, ni ji Malon ŋa lɛ hu miiŋɔ lɛ, ni etsɔ̃ miŋa, koni mɔ ni egbo lɛ gbɛi akagbo yɛ egboshinii he, ni egbɛi akalaaje yɛ enyɛmimɛi ateŋ kɛ emaŋ koishi hu, nyɛ ji odasefoi ŋmɛnɛ.”

Rut Wolo Lɛ 4:17

Ni Naomi kuuŋyei lɛ nya amɛkɛɛ, “Afɔ binuu ahã Naomi eei!” Ni amɛwo abifao lɛ gbɛi akɛ Obed. Obed nɛɛ lɛ efɔ Ishai, ni Ishai hu fɔ Maŋtsɛ David.

1 Samuel 14:47

Be ni Saul batsɔ̃ Israel maŋtsɛ lɛ, ekɛ Israel henyɛlɔi fɛɛ ni ebɔle Israel kɛkpe lɛ wu. Ekɛ Moabbii lɛ kɛ Amonbii lɛ kɛ Edombii lɛ kɛ Zoba maŋtsɛmɛi lɛ kɛ Filistibii lɛ fɛɛ wuwuu tai. Ni he fɛɛ he ni Saul tsɔ̃ɔ lɛ eyeɔ kunim.

1 Samuel 22:2

Kɛkɛ ni mɛi fɛɛ ni aawa amɛ yi kɛ mɛi hu ni hiɛhiɛ nyɔji kɛ mɛi fɛɛ hu ni bɛ shihilɛ he miishɛɛ lɛ bua amɛhe naa ni amɛyafata David he. Kɛkɛ ni David batsɔ̃ amɛsafoiatsɛ. Hii aaafee ohai ejwɛ sɔŋŋ ni bafata David he nɛɛ.

1 Samuel 22:4

No hewɔ lɛ, David shi efɔlɔi lɛ ehã Moab maŋtsɛ lɛ, ni efɔlɔi lɛ hi Moab Maŋtsɛ lɛ ŋɔɔ bei abɔ fɛɛ ni David yɔɔ tɛkplo lɛ mli lɛ.

1 Samuel 3:18

Kɛkɛ ni Samuel gba Eli nɔ fɛɛ nɔ ni eshiuuu lɛ sane lɛ eko nɔ. Kɛkɛ ni Eli to he ekɛɛ, “Lɛ ji Yehowa, nɔ ni hi yɛ lɛ ehiɛ lɛ efee!”