1 Samuel 22:17 - ŊMALƐ KRƆŊKRƆŊ LƐ

¹⁷ Kɛkɛ ni maŋtsɛ lɛ fã ehebulɔi ni damɔ emasɛi lɛ ekɛɛ, “Nyɛtsɔ̃a nyɛhe ni nyɛgbea Yehowa osɔfoi nɛɛ, ejaakɛ amɛ hu amɛwa David eko. Amɛna amɛle akɛ David miijo foi, shi amɛbawooo mitoi nɔ shi maŋtsɛ lɛ ekpɛlɛ̃ɛɛ akɛ amɛawo amɛnine nɔ amɛtswia osɔfo lɛ nii.”

Ṅmãle̱ Kroṅkroṅ Le̱

¹⁷ Ni maṅtše̱ le̱ kē̱ hebulo̱i ní damo̱ emase̱i le̱ ake̱: Nyetšṍmo̱a nyehe ní nyegbea Iehowa oso̱foi le̱; edšake̱ ame̱ hũ ame̱nine fata David he, ni asaṅ ame̱le ake̱ foi edšeo̱ le̱, ni ame̱wóó mitoi no̱! Ši maṅtše̱ le̱ tšũdši le̱ ekplẽẽ ake̱ ame̱-akpã ame̱nine mlĩ ye̱ Iehowa oso̱foi le̱ ano̱.

1 Samuel 22:17 ပူးပေါင်းရင်းမြစ်များ

2 Samuel 15:1

Sane nɛɛ sɛɛ lɛ Absalom to shwiilii kɛ okpɔŋɔi ehã ehe; ni esaa hii tabilɔi nyɔŋmai enumɔ eto koni amɛnyiɛ esɛɛ.

1 Maŋtsɛmɛi 1:5

Adonia, David kɛ Hagit bi lɛ, Absalom sɛɛho ni; ni ehe yɛ fɛo naakpa. Be ko lɛ Adonia wo ehe nɔ kɛ shwãa akɛ “Mi, mibaye maŋtsɛ lɛ.” No hewɔ lɛ, etao shwiilii kɛ okpɔŋɔi kɛ hii nyɔŋmai enumɔ ni buɔ ehe. Etsɛ Maŋtsɛ David kãko lɛ pɛŋ akɛ, “Mɛɛ hewɔ ofeɔ enɛɛmɛi?”

1 Maŋtsɛmɛi 14:27

No hewɔ lɛ, Maŋtsɛ Rehoboam hã afee akɔɔble tsɛŋi eto najiaŋ, ni etu fɛɛ ewo bulɔi ni buɔ maŋtsɛwe lɛ agbo lɛ naa lɛ asafoiatsɛmɛi lɛ adɛŋ.

1 Maŋtsɛmɛi 18:4

ejaakɛ be ni Yezebel kpãtãa gbalɔi lɛ ahiɛ lɛ, Obadia ŋɔ gbalɔi oha, ni ekɛ amɛ tee tɛkploi enyɔ amli, mɛi nyɔŋmai enumɔenumɔ, ni ekɛ aboloo kɛ nu lɛ amɛ.

2 Maŋtsɛmɛi 10:25

Ni eba mli akɛ be ni eshã shãa afɔle lɛ egbe naa lɛ, Yehu kɛɛ bulɔi lɛ kɛ asafoiatsɛmɛi lɛ akɛ, “Nyɛyaa ni nyɛyagbea amɛ, nyɛkahãa mɔ ko mɔ ko miije kpo!” Ni amɛgbe amɛ, ni bulɔi lɛ kɛ asraafoi lɛ hole amɛ ni amɛshɛrɛ amɛ amɛshwie kpo lɛ nɔ, kɛkɛ ni amɛyiŋ amɛtee Baal we lɛ pia mli,

2 Mose 1:17

Shi yoofɔlɔi lɛ yashe Nyɔŋmɔ gbeyei, ni amɛfeee nɔ ni Ijipt maŋtsɛ lɛ kɛɛ amɛ lɛ, shi moŋ amɛhere gbekɛbii hii lɛ ayiwala.

Bɔfoi 4:19

Shi Petro kɛ Yohane here nɔ ni amɛkɛɛ amɛ akɛ, “Kɛ eja gbɛ yɛ Nyɔŋmɔ hiɛ akɛ abo nyɛ moŋ toi fe Nyɔŋmɔ lɛ, nyɛkojoa.

1 Samuel 14:45

Shi maŋbii lɛ kɛɛ Saul akɛ, “Yonatan baagbo lo? Lɛ mɔ ni eye kunim kpeteŋkple nɛkɛ nɛɛ ehã Israel lɛ? Akaba mli nakai! Wɔna Yehowa akɛ Yonatan yiteŋ tsɔi kome nɛkɛ efaŋ egbeŋ shi, ejaakɛ Nyɔŋmɔ ni kɛ lɛ tsu nɔ ni etsu ŋmɛnɛ nɛɛ lɛ.” Biɛ tsɔ̃ ni maŋbii lɛ here Yonatan yiwala kɛje gbele mli.

1 Samuel 2:31

Naa, be lɛ miiba, ni mibagbe owe lɛ kɛ otsɛmɛiawe lɛ mli bii fɛɛ yɛ amɛblahiiaŋ koni akana nuumo yɛ oweku mli.

1 Samuel 20:33

Shi kometoo lɛ Saul fɔ̃ ekpɔlɔ lɛ, ni kulɛ ekɛmiitsu Yonatan koni egbe lɛ. Enɛ Yonatan kɛna akɛ etsɛ eŋmɔ eyiŋ kpɔ lɛɛlɛŋ akɛ ebaagbe David.

1 Samuel 22:13

Kɛkɛ ni Saul bi lɛ akɛ, “Mɛɛba ni, bo kɛ Yeshai bi lɛ, nyɛkpãŋ miyi nɔ, ni ohã lɛ niyenii, ni asaŋ owo edɛŋ klante, ni obi Nyɔŋmɔ nii ohã lɛ, ni no hewɔ ni ete shi ewo mi, ni ewo mi ka bɔ ni nyɛnaa ŋmɛnɛ gbi nɛɛ lɛ?”

1 Samuel 22:16

Shi Maŋtsɛ lɛ kɛɛ akɛ, “Ahimelek, ja agbe bo kɛ otsɛ we lɛ mli bii fɛɛ.”

1 Samuel 25:17

No hewɔ lɛ, ofainɛ, ni osusu sane nɛɛ he, ni okwɛ bɔ ni obaafee, ejaakɛ ashwã wɔnuŋtsɔ kɛ ewe lɛ fɛɛ ayinɔ. Tamɔ bɔ ni ole lɛ, wɔnuŋtsɔ feɔ gbɔmɔ fɔŋ bɔ ni ehiii lɛ sane kɛɛmɔ.”

1 Samuel 8:11

Ekɛɛ amɛ akɛ “Bɔ ni maŋtsɛ lɛ ni baaye nyɛnɔ lɛ kɛ nyɛ baaye ehã nɛ: Ebaaŋɔ nyɛbihii lɛ, ni ebaahã amɛteŋ mɛi komɛi ahi eshwiilii ahe, ni mɛi komɛi akwɛ ekpɔŋɔi, ni mɛi komɛi ajojoo foi kɛnyiɛ eshwiilii ahiɛ.