1 Samuel 22:14 - ŊMALƐ KRƆŊKRƆŊ LƐ

¹⁴ Ahimelek to he ehã maŋtsɛ lɛ ekɛɛ, “Nɔ ni mile ji akɛ maŋtsɛ tsuji lɛ ateŋ mɔ ko bɛ ni eji ehe anɔkwafo tamɔ David. Maŋtsɛ shaanuu ji lɛ, ni agbɛnɛ maŋtsɛ he bulɔi lɛ asafoiatsɛ ji lɛ, ni awoɔ lɛ yɛ maŋtsɛ we lɛ mli.

Ṅmãle̱ Kroṅkroṅ Le̱

¹⁴ Ni Ahimelek to he ehã maṅtše̱ le̱ ni ekē̱: Ši otšũdši le̱ fẽ ateṅ namo po dši ano̱kwafo tamo̱ David, ni edši *maṅtše̱ šānū, ni oke̱le̱ too̱ adšina, ni ehĩe yo̱ nyam ye̱ owe le̱? 18,22. 27.

1 Samuel 22:14 ပူးပေါင်းရင်းမြစ်များ

1 Samuel 17:25

Wiemɔ fo shi fee sɛɛ yɛ Israelbii lɛ ateŋ akɛ, “Bɛ nyɛmiina nuu lɛ ni efã kpo lɛ, eeba ebabɔ Israel ahora. Naa, mɔ ni baanyɛ lɛ egbe lɛ maŋtsɛ baahã mɔ lɛ atsɔ̃ niiatsɛ wulu, asaŋ maŋtsɛ kɛ ebiyoo baahã lɛ gbãlã; no sɛɛ hu lɛ abaahã lɛ kɛ eweku fɛɛ akpa toowoo yɛ Israel.”

1 Samuel 18:13

Enɛ hã Saul jie David yɛ emasɛi, ni ewo lɛ tabilɔi akpe atsɛ. David nyiɛ tabilɔi lɛ ahiɛ kɛtee taitai kɛba;

1 Samuel 18:27

David yiŋ etee, lɛ kɛ eshishi tabilɔi lɛ, ni eyagbe Filistibii ohai enyɔ, ni efolɔ amɛfoo naa loi lɛ kɛba, ni ebakane ehã Maŋtsɛ Saul bɔ ni afee kɛkɛ ni etsɔ̃ maŋtsɛ shaanuu. No hewɔ lɛ, Saul kɛ ebiyoo Mikal hã David gbãlã.

1 Samuel 20:32

Yonatan here etsɛ Saul nɔ ni ekɛɛ akɛ, “Mɛni hewɔ sa akɛ egbo? Mɛni efee?”

1 Samuel 21:2

David kɛɛ Osɔfo Ahimelek akɛ, “Minyiɛ maŋtsɛ tsumɔ ko nɔ. Ebɔ mi kɔkɔ akɛ, ‘Kaahã mɔ ko mɔ ko miile nɔ tsumɔ ni mitsu bo nɛɛ kɛ kitã hu ni miwo bo yɛ he lɛ.’ Oblahii ni mikɛyaa lɛ, mitsɔ̃ɔ amɛ he ko ni amɛ kɛ mi akpe yɛ.

1 Samuel 22:13

Kɛkɛ ni Saul bi lɛ akɛ, “Mɛɛba ni, bo kɛ Yeshai bi lɛ, nyɛkpãŋ miyi nɔ, ni ohã lɛ niyenii, ni asaŋ owo edɛŋ klante, ni obi Nyɔŋmɔ nii ohã lɛ, ni no hewɔ ni ete shi ewo mi, ni ewo mi ka bɔ ni nyɛnaa ŋmɛnɛ gbi nɛɛ lɛ?”

1 Samuel 24:11

Mitsɛ Ataa, Okwɛɛɛ? Otade lɛ naabu ko ni mifo lɛ mihiɛ nɛɛ. Akɛ mifo otade lɛ naabu, ni mitswaaa bo nɔ migbeee bo lɛ, no aaatsɔ̃ɔ bo koni ona ole akɛ mibɛ ohe yiŋtoo fɔŋ ko. Mifeko bo esha ko, shi kɛ̃lɛ bo lɛ gbɔbimɔ sɔŋŋ kɛkɛ ogbɔbiɔ mi koni ogbe mi.

1 Samuel 25:28

Ofainɛ, okɛ tɔ̃mɔ fɛɛ tɔ̃mɔ ni mitɔ̃ lɛ afa mi. Bɔ fɛɛ bɔ ni fee lɛ Yehowa baahã owe aye ejurɔ, ni ehe shi, ejaakɛ minuŋtsɔ miiwu Yehowa tai lɛ ehã lɛ, ni akana nɔ fɔŋ ko nɔ fɔŋ ko yɛ ogbɛfaŋ owala be fɛɛ.

1 Samuel 26:23

Yehowa woɔ mɔ nyɔmɔ yɛ mɔ fɛɛ mɔ lɛ ejalɛ kɛ enɔkwayeli naa. Yehowa tu bo ewo midɛŋ ŋmɛnɛ, shi mi ni misumɔɔɔ akɛ miwoɔ minine nɔ yɛ mɔ ni Yehowa efɔ lɛ mu lɛ nɔ.