1 Samuel 20:5 - ŊMALƐ KRƆŊKRƆŊ LƐ

⁵ David kɛɛ Yonatan akɛ, “Wɔ lɛ nyɔŋ hee baaje, ni kulɛ esa akɛ mikɛ maŋtsɛ ayata shi aye nii; shi ofainɛ, ŋmɛɛ mi gbɛ koni maya ni mayatee mihe yɛ ŋa lɛ nɔ kɛyashi biɛ gbii etɛ̃ gbɛkɛ.

Ṅmãle̱ Kroṅkroṅ Le̱

⁵ Ni David kē̱ Ionatan ake̱: Na, wó̱ le̱ nyõṅ hē badše, ni kũle̱ sa ake̱ mike̱ maṅtše̱ ayatá ši aye nii; ši hã maya, koni mayatē mihe ye̱ ṅã le̱ mli ke̱-yaši gbĩ ní dši gbĩ etẽ le̱ gbe̱ke̱.

1 Samuel 20:5 ပူးပေါင်းရင်းမြစ်များ

2 Maŋtsɛmɛi 4:23

Ewu lɛ bi lɛ akɛ “Mɛni hewɔ otaoɔ ni oya eŋɔɔ ŋmɛnɛ lɛ?” Ŋmɛnɛ jeee nyɔŋ hee, asaŋ ejeee hejɔɔmɔ gbi. Yoo lɛ here nɔ akɛ, “Kaaye otsui.”

Lalai 55:12

Henyɛlɔ ni bɔɔ mi ahora lɛ kulɛ, mamɔ mli nakai; ni asaŋ mɔ ni he tsɛ̃ɔ mi lɛ ni kulɛ, maŋɔ mihe matee lɛ.

Lalai 81:3

Nyɛkpãa tɛtɛrɛmantɛrɛ yɛ wɔgbijurɔyeli gbi lɛ nɔ, be ni nyɔŋ hee eje, kɛ be hu ni nyɔŋ lɛ eye emuu,

Abe̱i 22:3

Hiɛtɛ̃lɔ naa osharã miiba ni eteɔ ehe; shi mɔ ni jwɛŋmɔ esako kɛ lɛ yakpeɔ, ni ehiɛ kpãtãa.

Amos 8:5

Nyɛkɛɔ akɛ, “Mɛɛbe po nyɔŋ hee lɛ aaanyɔ shi koni wɔbɔ̃i ŋmaa hɔ̃ɔmɔ? Ni mɛɛbe po abaagbe hejɔɔmɔ gbi lɛ yeli naa koni wɔbɔ̃i wɔŋmaa hɔ̃ɔmɔ kɛ susumɔnɔ ni shɛɛɛ, asaŋ kɛ nsɛnitɛ ni atse nɔ?

4 Mose 10:10

Asaŋ nyɛkpãa tɛtɛrɛmantɛrɛi lɛ yɛ gbii ni nyɛmiinya hu anɔ, kɛ gbii juji ni ato lɛ kɛ nyɔŋ hee shishijee gbi lɛ hu nɔ be mli ni nyɛshãa afɔlei kɛ shidaa afɔlei lɛ yɛ mihiɛ lɛ, ni maye mabua nyɛ. Mi ji Yehowa, nyɛNyɔŋmɔ lɛ.”

4 Mose 28:11

“Nyɔŋ fɛɛ nyɔŋ klɛŋklɛŋ gbi lɛ nɔ lɛ, nyɛshãa afɔle nyɛkɛhãa Yehowa. Nyɛkɛ tsina oblahii enyɔ kɛ ojwɛni kome kɛ gwantɛŋ bihii kpawo ni eye afifi ni kpa ko bɛ amɛhe ashãa.

Yohane 8:59

Kɛkɛ ni amɛkɔlɔ tɛi ni amɛbaatswia lɛ; shi Yesu tee ehe, ni eje Sɔlemɔ we lɛ etee.

Bɔfoi 17:14

Kɛkɛ ni amrɔ lɛ nyɛmimɛi lɛ yajie Paulo gbɛ ni eya ŋshɔnaagbɛ; shi Sila kɛ Timoteo hi Beroia.

Kolosebii 2:16

No hewɔ lɛ, nyɛkahãa mɔ ko miikojoa nyɛ yɛ niyeli loo ninumɔ loo gbii juji loo nyɔji hei loo hejɔɔmɔ gbii agbɛfaŋ,

1 Samuel 19:2

hewɔ lɛ Yonatan yatswa David adafi akɛ, “Naa, mitsɛ Saul miitao bo egbe. No hewɔ lɛ, ole ohenɔ kwɛmɔ wɔ leebi. Otao nififiaŋ he ko koni oyatee ohe yɛ jɛi.

1 Samuel 20:18

Kɛkɛ ni Yonatan kɛɛ David akɛ, “Wɔ lɛ nyɔŋ hee baaje, ni aaabi oshi, ejaakɛ osɛi lɛ nɔ baakã efolo.

1 Samuel 20:19

Ni gbi ni ji etɛ̃ lɛ nɔ lɛ abaakɔ sɛɛ fe nine akɛ obɛ. Nakai gbi lɛ yaa ni oyatee ohe yɛ tɛi ni bua shi yɛ jɛi lɛ ahe he ni oyatee ohe yɛ be ni sane nɛɛ tsɔ̃ naa shi lɛ.

1 Samuel 20:24

No hewɔ lɛ, David yatee ehe yɛ ŋa lɛ mli. Be ni nyɔŋ hee lɛ je lɛ Maŋtsɛ Saul ba niyenii lɛ ashi.

1 Samuel 20:27

Shi enɔ jetsɛremɔ, ni ji nyɔŋ hee lɛ nɔ gbi ni ji gbii enyɔ lɛ, be ni David tamɔhe lɛ kã efolo ekoŋŋ lɛ, Saul bi Yonatan akɛ, “Mɛni hewɔ Yeshai bi lɛ bako niyeli nyɛ kɛ ŋmɛnɛ fɛɛ nɛɛ lɛ?”

1 Samuel 20:4

Yonatan kɛɛ David akɛ, “Bi mi nɔ fɛɛ nɔ ni otaoɔ, ni mafee mahã bo.”

1 Samuel 20:6

Kɛji otsɛ bi mishi lɛ, okɛɛ lɛ akɛ, ‘David bi mi gbɛ kpɛ̃kpɛ̃ɛkpɛ̃ akɛ eesha foi eya emaŋ Betlehem nɔŋŋ ni eba, ejaakɛ eweku fɛɛ miishã daa afi afɔle yɛ jɛi.’