1 Samuel 20:41 - ŊMALƐ KRƆŊKRƆŊ LƐ

⁴¹ Oblanyo lɛ tee nɔŋŋ pɛ kɛkɛ ni David fã kpo kɛjɛ tɛi ni bua shi lɛ ahe, ni ekɛ ehiɛ babu shi ni ekoto Yonatan shii etɛ̃. Be ni David kɛ Yonatan eshwɔshwɔɔ amɛnaa sɛɛ lɛ, amɛwo yara amɛfo aahu kɛyashi David nɔ teke nɔ.

Ṅmãle̱ Kroṅkroṅ Le̱

⁴¹ Beni oblanyo le̱ ete le̱, David te ši ke̱-dše̱ wuoyigbe̱ le̱, ni eke̱ *ehĩe babu ši ni ekoto ši šii etẽ; ni ame̱ſo̱ſō̱ ame̱he nā, ni ame̱fófṍ ame̱ſie ame̱he ne̱ āhũ, ši David nõ teke no̱. *1 Mose 38,3. 4.

1 Samuel 20:41 ပူးပေါင်းရင်းမြစ်များ

1 Mose 29:11

Kɛkɛ ni Yakob shwɔ Rahel naa, ni Yakob jwa yaafo.

1 Mose 29:13

Be ni Laban nu enyɛmi yoo bi Yakob he sane lɛ, esha foi etee lɛ kpeemɔ. Eloo Yakob atuu, ni eshwɔ enaa. Ekɛ lɛ ba ewe lɛ. Yakob gba Laban saji fɛɛ ni ba lɛ,

1 Mose 33:4

Shi Esau sha foi ekɛ lɛ bakpe. Eloo Yakob atuu, ni eho egbee ekuɛ nɔ, ni eshwɔ enaa, ni amɛfo.

1 Mose 42:6

Yosef ji lumɔ yɛ shikpɔŋ lɛ nɔ, ni lɛ ehɔ̃ɔ abele ehãa mɛi fɛɛ. Enyɛmimɛi lɛ ba, ni amɛbakoto lɛ, ni amɛkɛ amɛhiɛ bumɔ shi.

1 Mose 43:28

Amɛto he amɛkɛɛ, “Otsulɔ, wɔtsɛ lɛ, eyɛ jeŋ lolo, ni eyɛ jogbaŋŋ.” Kɛkɛ ni amɛho amɛkula shi yɛ ehiɛ.

1 Mose 45:15

Yosef saa eshwɔshwɔɔ enyɛmimɛi lɛ fɛɛ anaa ni efo. No sɛɛ lɛ, enyɛmimɛi lɛ kɛ lɛ bɔi wiemɔ.

2 Samuel 1:2

Ni gbi ni ji etɛ̃ lɛ nɔ lɛ, Saul tabilɔi lɛ eko kɛ ehe atade ni etserɛ kɛ eyiteŋ hu mlu ba David ŋɔɔ kɛjɛ ta lɛ naa. Be ni nuu lɛ shɛ David hiɛ lɛ eho egbee shi, ni ekɛ ehiɛ bu shi, ni ekoto David.

2 Samuel 1:26

“Osane miidɔ mi, minyɛmi Yonatan; osane eŋɔɔ minaa kɛho. Osuɔmɔ ni okɛsumɔ mi lɛ yɛ naakpɛɛ, efe yei asuɔmɔ tete.

2 Samuel 14:4

Be ni Tekoayoo lɛ yashɛ Maŋtsɛ David hiɛ lɛ, eho egbee shi, ni ekɛ ehiɛ bu shi, ni ekoto lɛ, ni ekɛɛ, “Nii, ofainɛ ni oye obua mi.”

2 Samuel 19:39

Kɛkɛ ni Maŋtsɛ David shwɔ Barzilai naa, ni ejɔɔ lɛ. Maŋtsɛ David kɛ esɛɛbii lɛ fɛɛ fo Yordan Faa lɛ, kɛkɛ ni Barzilai hu ku esɛɛ kɛtee emaŋ.

2 Samuel 9:6

Be ni Mefiboshet, Yonatan binuu ni ji Saul nabi lɛ, shɛ David ŋɔɔ lɛ, eho egbee shi, ni ekɛ ehiɛ bu shi, ni eŋa David. Kɛkɛ ni David tsɛ lɛ ekɛɛ, “Mefiboshet,” ni Mefiboshet here nɔ akɛ, “Ofainɛ, naa mi.”

1 Maŋtsɛmɛi 1:16

Batsheba bakoto Maŋtsɛ David; ni Maŋtsɛ David bi lɛ akɛ, “Mɛni otaoɔ?”

1 Maŋtsɛmɛi 1:23

Ni ayakɛɛ Maŋtsɛ David akɛ, “Gbalɔ Natan eba jɛi!” Ni Natan bakoto maŋtsɛ lɛ

1 Maŋtsɛmɛi 1:31

Kɛkɛ ni Batsheba kɛ ehiɛ bu shi, ni ekoto maŋtsɛ lɛ, ni ekɛɛ, “Minuŋtsɔ maŋtsɛ yi ana wala kɛya naanɔ!”

Bɔfoi 20:37

Ni amɛ fɛɛ amɛfo bloblo naakpa, ni amɛgbeegbee Paulo kuɛ nɔ, ni amɛshwɔshwɔɔ enaa.

1 Samuel 10:1

Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.

1 Samuel 18:3

Bɔ sɔŋŋ ni Yonatan sumɔ David tamɔ lɛ diɛŋtsɛ ehe hewɔ lɛ, ekɛ David bɔ naanyo ni amɛkpãŋ.

1 Samuel 20:40

Yonatan kɛ enibii lɛ hã oblanyo lɛ, ni ekɛɛ lɛ akɛ, “Baaho, ni okɛya maŋ lɛŋ.”

1 Samuel 24:9

ni ekɛɛ lɛ akɛ, “Mɛɛ hewɔ ni oboɔ mɛi anaa toi akɛ mi David, miitao bo efɔŋ lɛ?

1 Samuel 25:23

Be ni Abigail na David lɛ ehe fee oya ni eje eteji lɛ nɔ eyi shi, ni eyabu shi yɛ David hiɛ ni ekoto lɛ.