1 Samuel 20:3 - ŊMALƐ KRƆŊKRƆŊ LƐ

³ Shi David to he ekɛɛ, “Otsɛ le faŋŋ bɔ ni osumɔɔ misane, ni no hewɔ lɛ, eyiŋtoo ji akɛ okale, no lɛ sane lɛ baadɔ bo. Mina Yehowa kɛ bo diɛŋtsɛ hu akɛ ekã shi faŋŋ akɛ mikɛ gbele teŋ jekɛɛɛ.”

Ṅmãle̱ Kroṅkroṅ Le̱

³ Ni David sã kã kitã ni ekē̱: Le otše̱ le ake̱ mihĩe eba nyam ye̱ ohĩe hewo̱ ni ekē̱: Ionatan akale ene̱, ni mībado̱le̱; ši kẽle̱, gbĩĩabo̱ ni Iehowa hĩe kã ní bo hũ osusuma hĩe kã ne̱, ye̱ṅ ake̱ nanefã kome pe̱ kã mike̱ gbĕle teṅ!

1 Samuel 20:3 ပူးပေါင်းရင်းမြစ်များ

2 Samuel 15:21

Shi Itai here Maŋtsɛ David nɔ, ni ekɛɛ, “Mina Yehowa, ni mina minuŋtsɔ maŋtsɛ nane hu akɛ he fɛɛ he ni oyaa lɛ, gbele mli jio, wala mli jio, mi kɛ bo aaatee.”

2 Maŋtsɛmɛi 2:2

ni be ni amɛyaa yɛ gbɛ lɛ nɔ lɛ, Elia kɛɛ Elisha akɛ, “Miikpa bo fai, mɛɛ yɛ biɛ, ejaakɛ Yehowa etsu mi Betel.” Shi Elisha to he akɛ, “Bei abɔ ni Yehowa hiɛ kã ni bo hu ohiɛ kã nɛɛ lɛ, mishiŋ bo.” Kɛkɛ ni amɛyi mli kɛtee Betel.

2 Maŋtsɛmɛi 2:4

Kɛkɛ ni Elia kɛɛ Elisha akɛ, “Elisha, mɛɛ yɛ biɛ, ejaakɛ Yehowa etsu mi Yeriko.” Shi Elisha kɛɛ lɛ akɛ, “Bei abɔ ni Yehowa hiɛ kã ni bo hu ohiɛ kã nɛɛ lɛ, mishiii bo!” Kɛkɛ ni amɛba Yeriko.

2 Maŋtsɛmɛi 2:6

Kɛkɛ ni Elia kɛɛ Elisha akɛ, “Mɛɛ yɛ biɛ, ejaakɛ Yehowa etsu mi Yordan Faa lɛ naa.” Shi Elisha kɛɛ lɛ akɛ, “Bei abɔ ni Yehowa hiɛ kã ni bo hu ohiɛ kã nɛɛ lɛ, mishiŋ bo.” Hewɔ lɛ amɛyi enyɔ lɛ amɛyi mli kɛtee.

Lalai 116:3

Gbele tsɔnei lɛ bɔle mi kɛkpe, gbohiiaje gbeyei lɛ mɔ mi; mina nɔ̃, ni miwerɛ ho mihe.

Yeremia 38:16

Kɛkɛ ni Maŋtsɛ Zedekia kã Yeremia kitã, ni ekɛɛ lɛ akɛ, “Mina Yehowa, mɔ dɛŋ ni wɔwala nɛɛ yɔɔ akɛ migbeŋ bo, ni asaŋ miŋmɛŋ ohe mihaŋ hii nɛɛ ni taoɔ bo amɛgbe nɛɛ kɔkɔɔkɔ.”

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

5 Mose 28:66

oyiŋ aaafee bo kɔshikɔshi yɛ owala he, ni nyɔɔŋnyɔɔŋ kɛ shwaneshwane fɛɛ lɛ, ŋmiŋmi aaamɔ bo, ni oleŋ kɛji oyi aaana wala lo.

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

Hebribii 6:16

Ejaakɛ gbɔmɛi yɔɔ nɛɛ, mɔ ni fe amɛ lɛ, lɛ kitã amɛkãa, ni amɛŋwanejee fɛɛ naagbee ji kitãkãmɔ ni akɛmaa sane nɔ aduatsɔ lɛ.

1 Samuel 1:26

ni Hana kɛɛ Eli akɛ, “Minuŋtsɔ, ookai mi. Mi ji yoo lɛ ni badamɔ omasɛi yɛ biɛ nɛɛ nyɛsɛɛ ko, ni ebakpa Yehowa fai ni eba lɛ nii lɛ.

1 Samuel 17:55

Be ni Saul kwɛɔ David yisɛɛ be ni eyaa koni ekɛ Goliat ayakpe lɛ, ebi tatsɛ Abner akɛ, “Abner, namɔ bi ji nɛkɛ oblanyo nɛɛ?” Abner to he akɛ, “Nii, mina onane akɛ mileee,”

1 Samuel 20:2

Yonatan kɛɛ David akɛ, “Mɛɛ nakai hu ni akɛ abaagbe bo? Nɔ ko bɛ ni mitsɛ baafee ni ewooo mitoi nɔ, nɔ wulu ni jio, nɔ bibioo ni jio. Mɛni hewɔ mitsɛ kɛ sane nɛɛ baatee mi? Ebɛ mli nakai.”

1 Samuel 20:4

Yonatan kɛɛ David akɛ, “Bi mi nɔ fɛɛ nɔ ni otaoɔ, ni mafee mahã bo.”

1 Samuel 25:26

Minuŋtsɔ, mina Yehowa kɛ bo diɛŋtsɛ hu akɛ beiaŋ ni Yehowa etsi onaa koni okaye lá ko yi sɔ̃, asaŋ ni okɛ onine akatɔ bo diɛŋtsɛ ohe owele lɛ, ohenyɛlɔi kɛ mɛi fɛɛ ni taoɔ bo efɔŋ lɛ aaatsɔ̃mɔ kwashiai tamɔ Nabal.

1 Samuel 27:1

David kɛɛ ehe akɛ, “Mihiɛ nɛkɛ aahu ni Saul nine aaashɛ minɔ gbi ko, ni eeegbe mi. Nɔ pɛ ni sa mi feemɔ agbɛnɛ ji akɛ majo foi kɛya Filistibii ashikpɔŋ lɛ nɔ. No baahã Saul nijiaŋ aje wui, ni ebaafɔ̃ɔ mi gbɔbimɔ yɛ Israel shikpɔŋ lɛ nɔ, ni maye mihe.”