1 Samuel 2:8 - ŊMALƐ KRƆŊKRƆŊ LƐ

⁸ Eteɔ ohiafo shi kɛjɛɔ mlu mli, ni ewoɔ mɔ ni efi lɛ nɔ yɛ tumo nɔ, koni amɛ kɛ abladei atara shi, ni amɛna sɛii ni yɔɔ nyam anɔ amɛtara, ejaakɛ je lɛ shishitoo lɛ enɔ ni, ni lɛ etswa je lɛ ema nɔ.

Ṅmãle̱ Kroṅkroṅ Le̱

⁸ *Etēo̱ ohĩafo ši ke̱-dše̱o̱ sù mli, ni ewóo̱ moni efīle̱ no̱ ke̱-dše̱o̱ tumu no̱, koni ehã ame̱ke̱ abladei atrá ši, ni ame̱-ná anumnyam sẽi no̱ ame̱trá. Edšake̱ Iehowa nò dši šikpoṅ le̱ akulasĩṅi le̱, ni le̱ ehe̱ dše le̱ mã ame̱no̱. *Lal. 113,7. 8.

1 Samuel 2:8 ပူးပေါင်းရင်းမြစ်များ

1 Mose 41:14

Kɛkɛ ni Farao tsu ayatsɛ Yosef. Ajie lɛ yɛ gboklɛfoi akpabuŋ lɛ mli oya kɛba; ni eshɛ eyi ni etsake etade, ni eba ebadamɔ Farao hiɛ.

1 Mose 41:40

Bo obaaye miwe lɛ nɔ, ni bo toi mimaŋbii lɛ fɛɛ aaabo; sɛi lɛ gbɛfaŋ pɛ mafe bo yɛ.”

2 Samuel 7:8

“No hewɔ lɛ, kɛɛmɔ mitsulɔ David akɛ, mi, Yehowa Taiatsɛ lɛ, miikɛɛ lɛ akɛ, ‘Too okpalaa, ni miŋɔ bo, ni mifee bo Israel nɔyelɔ,

1 Maŋtsɛmɛi 16:2

“Kulɛ ojeee mɔ ko, shi miwo onɔ kɛjɛ mlu mli, ni mifee bo lumɔ kɛ hiɛnyiɛlɔ yɛ mimaŋ Israel. Oyakɔ Yeroboam jeŋba lɛ, ni ohã mimaŋ Israel fee esha, ni amɛkɛ amɛhe eshai lɛ wo mimli la.

2 Maŋtsɛmɛi 9:6

No hewɔ lɛ, Yehu te shi ni amɛbote shĩa lɛ mli, ni oblanyo lɛ fɔse mu lɛ eshwie Yehu yiteŋ, ni ekɛɛ lɛ akɛ, “Bɔ ni Yehowa, Israel Nyɔŋmɔ lɛ, kɛɛ nɛ, ‘Mifɔ bo mu kɛwo bo Yehowa maŋbii ni ji Israel maŋtsɛ.

Hiob 1:21

Ekɛɛ akɛ, “Yayai mikɛjɛ minyɛ musuŋ miba, ni yayai mikɛaaku misɛɛ kɛaatee. Yehowa ni ŋɔ hã, ni Yehowa ebaŋɔ kɛtee; aaajie Yehowa gbɛi lɛ yi kɛ̃!”

Hiob 2:8

Hiob kɛ ŋɛsuko wamɔɔ ehe, ni eho eta mlu mli.

Lalai 102:25

Blema beebe oto shikpɔŋ lɛ shishi, ni ŋwɛi lɛ, onijianaa nitsumɔ ni.

Lalai 104:5

Oto shikpɔŋ lɛ oma shi shiŋŋ yɛ shishitoo nɔ koni ekahoso kɔkɔɔkɔ.

Lalai 107:41

shi ejieɔ ohiafoi kɛjɛɔ amanehului amli, ni ehãa amɛshwiei shwereɔ tamɔ tookui.

Lalai 24:2

Ejaakɛ lɛ eto shishi yɛ ŋshɔi ashishi tɔ̃ɔ̃ ni ehã ema shi shiŋŋ yɛ fai anɔ.

Lalai 75:3

Kɛji je lɛ hoso kɛ enɔ bɔɔnii fɛɛ lɛ, mi, mihiɛ ekulashii lɛ amli kpɛŋŋ.”

Lalai 75:4

Mikɛɔ mɛi ni shwãa lɛ akɛ, “Nyɛkashwãa!” Ni mikɛɔ yiwalɔi lɛ akɛ,

Lalai 75:7

Nyɔŋmɔ ji kojolɔ! Ebaa mɔ ko shi, ni ewoɔ mɔ ko nɔ.

Jajelɔ 4:14

tsɛbelɛ gboklɛfoiatsuŋ ejɛ ni ebaye maŋtsɛ lɛ, aloo afɔ lɛ ohiafo yɛ lɛ diɛŋtsɛ emaŋtsɛyeli lɛ mli.

Yesaia 22:23

Mahã emã shi shiŋŋ tamɔ shiŋmlitso ni aka sɛɛ kpɛŋŋ; ni ebaahã etsɛ we lɛ hiɛ aba nyam.

Daniel 2:48

Agbɛnɛ Maŋtsɛ Nebukadnezar wo Daniel nɔ, ni ehã lɛ gbɛnaa grɔŋŋ, ni ekekee lɛ nibii wuji babaoo hu, ni efee lɛ Babilon kpokpai lɛ anɔkwɛlɔ, asaŋ kɛ maŋtsɛ lɛ he ŋaawolɔi lɛ fɛɛ anukpa yɛ maŋtsɛwe lɛ.

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 6:3

Daniel mumɔ kɛ emɔdɛŋbɔɔ naa wa, ni ana akɛ ehe esa fe onukpai krokomɛi lɛ fɛɛ. No hewɔ lɛ, maŋtsɛ lɛ to eyiŋ akɛ ebaaŋɔ Daniel eto emaŋtsɛyeli muu lɛ fɛɛ nɔ.

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

Kpojiemɔ 22:5

Ni nyɔɔŋ bɛ jɛi, ni kane la loo hulu la he ehiaŋ amɛ, ejaakɛ Nuŋtsɔ Nyɔŋmɔ lɛ aaatso ahã amɛ, ni amɛaaye maŋtsɛ kɛaatee naanɔi anaanɔ.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.

Kpojiemɔ 5:10

Ni okɛ amɛ efee maŋtsɛmɛi kɛ osɔfoi ohã wɔNyɔŋmɔ lɛ, ni amɛaaye maŋtsɛ yɛ shikpɔŋ lɛ nɔ.”

1 Samuel 15:17

Kɛkɛ ni Samuel kɛɛ lɛ akɛ, “Bo lɛ onaa ohe akɛ mɔ folo ko kɛkɛ; shi ani jeee bo ji Israel akutsei lɛ fɛɛ atsɛ? Yehowa fɔ bo mu kɛwo bo Israel maŋtsɛ,