1 Samuel 2:5 - ŊMALƐ KRƆŊKRƆŊ LƐ

⁵ Mɛi ni kulɛ amɛyeɔ nii amɛtɔrɔɔ lɛ, amɛmiiye apaa yɛ daaŋ ŋmãa hewɔ, ni mɛi ni kulɛ amɛwɔɔ hɔmɔ lɛ, amɛwɔɔɔ hɔmɔ dɔŋŋ. Naa, kene lɛ efɔ kpawo, ni biianyɛ lɛ moŋ etsɔ̃ mɔ kome mɔ.

Ṅmãle̱ Kroṅkroṅ Le̱

⁵ mei ní etō̱ro̱ le̱ mīye apā ye̱ abolo hewo̱, ni mei ni hõmo̱ yeo̱ame̱ le̱ ahõmo̱ le̱ se̱ efo; na, kene le̱ efo̱ kpawo, ni moni yo̱ bii pī le̱ egbĩ kekrē.

1 Samuel 2:5 ပူးပေါင်းရင်းမြစ်များ

Lalai 113:9

Ehãa yoo kene tsɔ̃ɔ shĩanyɛ, ni etsɔ̃ɔ biianyɛ ni yɔɔ miishɛɛ. Nyɛjiea Yehowa yi!

Lalai 34:10

Efĩɔ jatabii ni hɔmɔ yeɔ amɛ; shi mɛi ni taoɔ Yehowa sɛɛgbɛ lɛ, nɔ kpakpa ko ehiaŋ amɛ.

Yesaia 33:9

Shikpɔŋ lɛ miiye ŋkɔmɔ, ni eeŋala. Labanon kooŋ tsei ayibii ekpala, ekoi lɛ miigbi. Sharon jɔɔ shikpɔŋ frɔ̃frɔ̃ lɛ etsɔ̃ shiaŋa, ni Bashan kɛ Karmel Gɔŋ lɛ nɔ tsei ayibai miikpala.

Yesaia 54:1

“Yerusalɛm, yoo kene, wó nyamɔ lala nɔ! Bo ni okɔ̃mɔko dã, blɔmɔ kɛ miishɛɛ! Ejaakɛ mɔ ni ewu kwa lɛ lɛ, ebii ayi baafa fe mɔ ni yɔɔ wu lɛ bii.”

Yeremia 15:9

Yoo ni efɔ kpawo lɛ etɔ biti; nɔ nyɔ enɔ, ni egbo; ehulu enyɔ shi shwane fintiŋŋ; awo lɛ hiɛgbele, ni ashwie ehiɛ shi. Ni amɛteŋ mɛi ni eshwɛ lɛ, majɔɔ amɛnɔ mahã amɛhenyɛlɔi aklante. Mi Yehowa, mikɛɛ.”

Luka 1:53

Ehã mɛi ni hɔmɔ yeɔ amɛ etɔrɔ kɛ nii kpakpai, ni niiatsɛmɛi lɛ eshwie amɛ efolo.

Luka 16:25

Shi Abraham kɛɛ, ‘Mibi, kaimɔ akɛ bo lɛ oye ejurɔ yɛ owalabe mli, shi Lazaro na nɔ; shi agbɛnɛ aashɛje emii yɛ biɛ, ni bo lɛ, aapiŋ bo.

Galatabii 4:27

Ejaakɛ aŋma akɛ, “La nyamɔ lala, bo kene ni ofɔɔɔ; wo nyamɔ nɔ ni obolɔ kɛ miishɛɛ, bo ni okɔ̃mɔɔɔ; ejaakɛ mɔ ni bɛ mɔ ko lɛ moŋ bii fa fe mɔ ni yɔɔ wu lɛ po!”

Rut Wolo Lɛ 4:15

Gbekɛ nɛɛ, eeehã owala sɛɛ atsɛ, ni eeekwɛ bo yɛ ogbɔlɛ mli; ejaakɛ oshaayoo ni sumɔɔ bo, ni ehi hã bo fe bihii kpawo tete lɛ, ni fɔ lɛ.”

1 Samuel 1:20

be ni shɛɔ afi naakplɔ lɛ Hana ena musu, ni efɔ binuu. Hana wo abifao lɛ gbɛi akɛ Samuel, ni ekɛɛ, “Ejaakɛ miba lɛ yɛ Yehowa dɛŋ.”

1 Samuel 1:6

Enɛ hãa Hana bienyɛ Penina kɛ fɔmɔ yeɔ Hana he fɛo, ni ekɛwoɔ emli la naakpa bɔ ni ehãa Hana gbigbliɔ emli akɛ Yehowa etsi efɔmɔ naa.