1 Samuel 2:4 - ŊMALƐ KRƆŊKRƆŊ LƐ

⁴ Kãkãlɔi lɛ agãitsei lɛ ekumɔ, ni mɛi ni he waaa lɛ ena hewalɛ.

Ṅmãle̱ Kroṅkroṅ Le̱

⁴ Kãkãlo̱i le̱ agãitšei le̱ ekũmo̱, ni mei ni te̱re̱o̱ le̱ emĩaame̱ ke̱ hewale̱;

1 Samuel 2:4 ပူးပေါင်းရင်းမြစ်များ

Lalai 18:39

Ejaakɛ omia mi, ni mina hewalɛ kɛhã tawuu, ni ohã mihenyɛlɔi lɛ nyɔnyɔɔi yɛ mihiɛ.

Lalai 37:15

Amɛkɛ amɛklante lɛ aaagbegbee amɛ diɛŋtsɛ amɛhe, ni aaakumɔ amɛgãii lɛ amli dukuduku.

Lalai 37:17

Ejaakɛ mɛi fɔ̃ji ahewalɛ lɛ, Nuŋtsɔ lɛ baakpãtã hiɛ, shi jalɔi lɛ Yehowa hiɛɔ amɛmli shweshweeshwe.

Lalai 46:10

“Nyɛfea dioo, ni nyɛnaa nyɛlea akɛ mi, mi ji Nyɔŋmɔ; Awo minɔ gojoo yɛ majimaji lɛ ateŋ, Awo minɔ gojoo yɛ shikpɔŋ muu lɛ fɛɛ nɔ.”

Lalai 46:9

Ehãa tawuu sɛɛ foɔ kɛyashɛɔ shikpɔŋ lɛ naagbeehei lɛ. Ekumɔɔ gãii amli ni efiteɔ akplɔi. Ekɛ la shãa tsɛŋi lɛ.

Lalai 76:3

Jɛi ekumɔ henyɛlɔ lɛ gãimlibii lɛ kɛ tsɛŋi lɛ kɛ klantei lɛ kɛ tawuu nibii lɛ amli yɛ.

Yesaia 10:4

Eshwɛŋ nɔ ko nɔ ko feemɔ fe akɛ amɛdɔ kɔmɔɔ yɛ gboklɛfoi ateŋ, aloo amɛ hu amɛnyɔnyɔi. Kɛ̃lɛ enɛ fɛɛ sɛɛ lɛ Yehowa mlifu lɛ ejɔŋ; ni etoigbalamɔ nine lɛ ekpã mli lolo.

Yesaia 40:29

Ehãa mɔ ni egbɔjɔ naa hewalɛ, ni mɔ ni bɛ nyɛmɔ lɛ, ehãa lɛ nyɛmɔ ni mli wa.

Yeremia 37:10

Kɛji nyɛye Babilonbii ni kɛ nyɛ wuɔ nɛɛ anɔ, ni eshwɛ amɛpilafoi sɔŋŋ ni kamɔ amɛbuui amli kɛkɛ po, pilafoi nɛɛ ateŋ mɔ fɛɛ mɔ baate shi, ni amɛbaama maŋ lɛ naa la amɛshã.’ ”

Yeremia 51:56

Ejaakɛ hiɛkpãtãmɔ eba Babilon nɔ, ni amɔmɔ etabilɔi lɛ, ni akumɔ amɛgãii amli dukuduku, ejaakɛ Yehowa Nyɔŋmɔ lɛ, toigbalalɔ ji lɛ, ni ewoɔ nifeemɔ fɔŋ he nyɔmɔ pɛpɛɛpɛ.

2 Korintobii 12:9

ni ekɛɛ mi akɛ, “Miduromɔ lɛ fa hã bo, ejaakɛ mihewalɛ lɛ, gbedeefeemɔ mli eyeɔ emuu yɛ.” No hewɔ lɛ, misumɔɔ titri akɛ mashwã mafɔ̃ migbedeefeemɔi lɛ anɔ moŋ, koni Kristo hewalɛ lɛ abu mihe.

Efesobii 6:14

No hewɔ lɛ, nyɛdamɔa shi ni nyɛkɛ anɔkwale afia nyɛhɛ ni nyɛwo jalɛ dama lɛ

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

Hebribii 11:32

Ni mɛni makɛɛ dɔŋŋ? Ejaakɛ minaŋ mihe dekã bɔ ni mikɛaagba Gideon kɛ Barak, Samson kɛ Yefta, David kɛ Samuel kɛ gbalɔi lɛ ahe sane:

Hebribii 11:34

amɛgbe la hewalɛ, amɛje klantei anaa, amɛna hewalɛ kɛjɛ gbedemɔ mli, amɛhe wa yɛ ta mli, amɛwo mɛi kpɔ̃ji ata lɛ foi.