1 Samuel 2:30 - ŊMALƐ KRƆŊKRƆŊ LƐ

³⁰ No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.

Ṅmãle̱ Kroṅkroṅ Le̱

³⁰ Nohewo̱ le̱ bo̱ni Iehowa, Israel Nyoṅmo̱ le̱, kē̱ ne̱: Eye̱ṅ moṅ ake̱ *mikē̱ ake̱ owe le̱ ke̱ otše̱ we le̱ aanyie mihĩe ke̱-ya nāno̱; ši agbe̱ne̱ bo̱ni Iehowa kē̱ ne̱: Ene̱ akagbalemi fō̃ṅfõ! edšake̱ mei ní woo̱ mihĩe nyam le̱, mawo ame̱hĩe nyam; ši mei ní gbeo̱ mihe guo̱ le̱, abuname̱ ahãṅ nokonoko. *2 Mose 28,1.

1 Samuel 2:30 ပူးပေါင်းရင်းမြစ်များ

1 Maŋtsɛmɛi 11:11

No hewɔ lɛ, Yehowa kɛɛ Solomon akɛ, “Gbii abɔ ni oyeee mikpãŋmɔ kɛ mikpɔi lɛ ni miwo bo lɛ anɔ lɛ, shɔ̃ kɛ̃ mashɔ̃ omaŋtsɛyeli lɛ yɛ odɛ̃ŋ, ni mikɛaahã otsuji lɛ ateŋ mɔ kome.

1 Maŋtsɛmɛi 2:27

Shi moŋ mihaŋ ni oye Osɔfo dɔŋŋ, bɔ ni afee ni Yehowa wiemɔ ni ewie yɛ Eli we lɛ he yɛ Shilo lɛ aba mli.”

1 Kronika 17:18

Mɛni dɔŋŋ po yɔɔ minaa ni makɛɛ yɛ mihiɛ nyam ni owo nɛɛ hewɔ, ejaakɛ ole mi, otsulɔ momo.

2 Kronika 15:2

ni eyiŋ etee koni ekɛ Maŋtsɛ Asa ayakpe. Be ni amɛkpe lɛ Azaria kɛɛ maŋtsɛ lɛ akɛ, “Maŋtsɛ Asa kɛ Yuda kɛ Benyamin fɛɛ, nyɛboa mi toi. Gbii abɔ ni nyɛmiibo Yehowa toi lɛ, lɛ hu ekɛ nyɛ yɛ. Kɛji nyɛtao lɛ lɛ, nyɛbaana lɛ, shi kɛji nyɛkwa lɛ lɛ, lɛ hu ebaakwa nyɛ.

2 Kronika 26:18

ni amɛyatsi lɛ gbɛ, ni amɛkɛɛ lɛ akɛ, “Maŋtsɛ Uzia, ejeee ogbɛnaa akɛ oshã tsofakɛŋma ohã Yehowa. Osɔfoi, ni ji Aaron shwiei, lɛ pɛ ji mɛi ni ajɔɔ tsofakɛŋmashãa nɔ ahã. Shi He Krɔŋkrɔŋ lɛ ni oya! Otɔ̃ Yehowa nɔ, ni obɛ Yehowa dɛŋ jɔɔmɔ ko ni obaana dɔŋŋ.”

Lalai 18:20

Yehowa to mi najiaŋ yɛ mijalɛ lɛ naa; ejuro mi, ejaakɛ muji ko bɛ mihe.

Lalai 18:26

Mɔ ni he tse lɛ, ojieɔ ohe kpo otsɔ̃ɔ lɛ akɛ oyɛ krɔŋŋ; ni mɔ ni bɛ eŋɛlɛnɔ lɛ, okɛ lɛ yeee.

Lalai 50:23

Mɔ ni shãa shidaa afɔle lɛ, eewo mihiɛ nyam. Mɔ ni baa ejeŋ jogbaŋŋ lɛ, mibahere eyiwala.

Lalai 73:20

Amɛtamɔ lamɔ ni alaa. Kɛji hiɛ tsɛ̃ kɛjɛ wɔ lɛ mli lɛ, amɛjeee fɛifɛi dɔŋŋ.

Lalai 91:14

Mɛi ni sumɔɔ mi lɛ, majie amɛ, ni mɛi ni le migbɛi lɛ mabu amɛhe.

Lalai 91:15

Kɛji amɛtsɛ mi lɛ, mahere amɛ nɔ. Mi kɛ amɛ aaahi shi yɛ haomɔ mli; mahere amɛ, ni mawo amɛhiɛ nyam.

2 Mose 28:43

Aaron kɛ ebihii lɛ awo tswakoto nɛɛ kɛji amɛmiiba Kpee Buu lɛ mli aloo kɛ amɛmiibɛŋkɛ afɔleshãa latɛ lɛ he kɛbasɔ̃mɔ yɛ Kpee Buu Krɔŋkrɔŋ lɛ mli koni amɛkaloo musu ni amɛgboi. Enɛ atsɔ̃ akpɔ ni kã shi kɛmiiya naanɔ hã Aaron kɛ eshwiei ni baaba yɛ esɛɛ lɛ.”

2 Mose 29:9

ni okɛ mlifiinii lɛ afimɔ amɛmli, ni obumɔ amɛ faii lɛ. Bɔ ni owo Aaron kɛ ebihii lɛ osɔfo nɛ koni osɔfo nitsumɔ lɛ afee amɛnɔ ni kã shi akɛ naanɔ akpɔ.

Abe̱i 12:8

Gbɔmɔ nilee akɛjieɔ eyi, shi mɔ ni hiɛ jwɛŋmɔ fɔŋ lɛ, abuuu lɛ.

Abe̱i 4:8

Buu nilee akɛ nɔ ko ni jara wa, ni eeewo onɔ; kɛji oloo lɛ atuu lɛ, eeewo ohiɛ nyam.

Abe̱i 8:17

Misumɔɔ mɛi ni sumɔɔ mi; ni mɛi ni bɔɔ mɔdɛŋ taoɔ mi lɛ, naa mi.

Yesaia 29:13

Kɛkɛ ni Nuŋtsɔ lɛ kɛɛ akɛ, “Akɛni maŋbii nɛɛ bɛŋkɛɔ mi kɛ amɛnaabu kɛkɛ, ni amɛkɛ amɛnaabu kɛkɛ woɔ mi, shi amɛtsui kɛ miteŋ jɛkɛ kwraa, ni jamɔ ni amɛjaa mi lɛ ejeee fɛifɛi fe wiemɔi ni amɛkase amɛwo amɛyitseiaŋ kɛkɛ amɛwieɔ

Yeremia 29:32

Enɛ hewɔ lɛ, mi, Yehowa, miikɛɛ akɛ, ‘Naa, mibagbala Shemaia, Nehelamnyo lɛ, kɛ eshwiei fɛɛ atoi. Eshwiei ateŋ mɔ ko mɔ ko ehiŋ maŋbii lɛ ateŋ ni ehiŋmɛii baana ejurɔ ni mibafee miwebii lɛ. Mi Yehowa, mikɛɛ, ejaakɛ ewie wiemɔ ni baahã maŋbii lɛ atse atua awo mi Yehowa.’ ”

Yeremia 49:15

Ejaakɛ naa, mibaba bo shi kwraa yɛ majimaji lɛ ateŋ, ni ohe guɔ baagbo yɛ mɛi ahiɛ.

Ezekiel 34:10

Bɔ ni Nuŋtsɔ Yehowa kɛɔ nɛ, naa, mikɛ tookwɛlɔi lɛ ena, ni mabi mitoi lɛ ashi kɛjɛ amɛdɛŋ. Magu amɛ toi lɛ akwɛmɔ, ni tookwɛlɔi lɛ elɛŋ amɛ diɛŋtsɛ amɛhe dɔŋŋ. Mahe mitoi lɛ yɛ amɛdɛŋ koni amɛkana amɛ amɛye dɔŋŋ.”

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Maleaki 1:6

Yehowa, Taiatsɛ, miikɛɛ osɔfoi lɛ akɛ, “Bi woɔ etsɛ, ni tsulɔ woɔ enuŋtsɔ. Kolɛ, kɛji tsɛ ji mi lɛ, nɛgbɛ miwoo lɛ yɔɔ? Ni kɛji nuŋtsɔ hu ji mi lɛ, nɛgbɛ gbeyei ni nyɛsheɔ mi yɔɔ? Nyɛgbeɔ migbɛi lɛ he guɔ; shi nyɛkɛɔ akɛ, ‘Mɛni wɔfeɔ kɛgbeɔ ogbɛi lɛ he guɔ lɛ?’

Maleaki 2:3

Naa, mibakã nyɛshwiei ahiɛ, ni mikɛ nyɛfɔleshãa kooloi lɛ awamɔ lɛ aaakpa nyɛhiɛ; ni aaaloo nyɛ kɛ wamɔ lɛ fɛɛ ayashwie tumo nɔ.

4 Mose 11:20

shi moŋ nyɔŋ kome muu sɔŋŋ kɛyashi beyinɔ ni loo lɛ baaje fu ewo nyɛ, ni ebaaje nyɛtsine. Ejaakɛ nyɛgbe Yehowa ni kɛ nyɛ yɔɔ lɛ he guɔ, ni nyɛfo nyɛtsɔ̃ɔ lɛ, ni nyɛkɛɛ akɛ, ‘Wɔyɛ Ijipt moŋ kulɛ ehi.’ ”

4 Mose 35:34

Nyɛkabulea shikpɔŋ ni mi kɛ nyɛ fɛɛ yɔɔ nɔ lɛ, ejaakɛ mi, Yehowa, miyɛ Israelbii lɛ ateŋ.”

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Yohane 5:23

koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Yohane 5:44

Te aaafee tɛŋŋ ni nyɛaanyɛ nyɛhe nyɛyeŋ, nyɛ ni nyɛtaoɔ anunyam yɛ nyɛteaŋ, shi anunyam ni jɛɔ Nyɔŋmɔ koome lɛ ŋɔɔ lɛ nyɛdii sɛɛ lɛ?

Yohane 8:49

Yesu here nɔ akɛ, “Mumɔ fɔŋ bɛ mimli, shi miiwo miTsɛ, ni nyɛ lɛ nyɛmiishwie mihiɛ shi moŋ.

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.

Kojolɔi 9:10

Kɛkɛ ni tsei lɛ yakɛɛ agbãmitso akɛ, ‘Bo lɛ ba ni obaye wɔnɔ.’