1 Samuel 2:29 - ŊMALƐ KRƆŊKRƆŊ LƐ

²⁹ Mɛɛba mɔ ni nyɛhiɛ kɔ̃ɔ mi hu migbɛfaŋnii ni yɔɔ gbee afɔlei kɛ niyenii afɔlei lɛ amli lɛ anɔ, be mli ni miwo nyɛ he kitã; ni obuɔ obihii lɛ moŋ fe mi, ni nyɛkɛ mimaŋbii lɛ afɔle fɛɛ afɔle mli nii ni hi fe fɛɛ lɛ lɛɔ nyɛ moŋ nyɛhe lɛ?

Ṅmãle̱ Kroṅkroṅ Le̱

²⁹ Mẽba mo̱ ni *nyefãmoo̱ ntia nyešimoo̱ migbẽ-afo̱le ke̱ miniyenii-afo̱le le̱ ní miwo he kitã ye̱ mišihĩle̱he le̱? Ni obu obihĩī le̱ fèmi, ni nyeṅõo̱ mimaṅ Israel afo̱le le̱ fẽ mli nii ní hĩ fè fẽ le̱ nyelō̱o̱ nyehe! *Bo̱f. 9,5.

1 Samuel 2:29 ပူးပေါင်းရင်းမြစ်များ

2 Maŋtsɛmɛi 12:6

Shi eba mli akɛ kɛbashi Yoash maŋtsɛyeli afi ni ji nyɔŋmai enyɔ kɛ etɛ̃ lɛ nɔ fɛɛ lɛ, osɔfoi lɛ esako Sɔlemɔ we lɛ hei ni ekumɔ lɛ eko eko kwraa lolo.

Lalai 26:8

Oo Yehowa, misumɔɔ owe he ni ohiɔ lɛ, kɛ he ni onunyam lɛ yɔɔ lɛ.

Ezekiel 13:19

Akoko dɛ kɔkɔi obɔ̃bɔ̃i kɛkɛ kɛ aboloo atrɔmai kɛkɛ ahewɔ lɛ, nyɛbuleɔ mi yɛ mimaŋ mli, ni nyɛgbeɔ mɛi ni esaaa akɛ amɛgboiɔ, ni nyɛhereɔ mɛi ni sa akɛ amɛgboi lɛ moŋ ayiwala. No hewɔ lɛ, nyɛmaleɔ nyɛtsɔ̃ɔ mimaŋbii lɛ ni boɔ toi lɛ.”

Ezekiel 34:10

Bɔ ni Nuŋtsɔ Yehowa kɛɔ nɛ, naa, mikɛ tookwɛlɔi lɛ ena, ni mabi mitoi lɛ ashi kɛjɛ amɛdɛŋ. Magu amɛ toi lɛ akwɛmɔ, ni tookwɛlɔi lɛ elɛŋ amɛ diɛŋtsɛ amɛhe dɔŋŋ. Mahe mitoi lɛ yɛ amɛdɛŋ koni amɛkana amɛ amɛye dɔŋŋ.”

Ezekiel 34:2

“Gbɔmɔ Adesa, gbaa oshi Israel tookwɛlɔi lɛ. Gbaa ni okɛɛ amɛ, amɛ mɛi ni ji maŋhiɛnyiɛlɔi lɛ, ni amɛ ji tookwɛlɔi lɛ. Kɛɛmɔ amɛ akɛ bɔ ni Nuŋtsɔ Yehowa kɛɛ nɛ, Ao, nyɛ Israel tookwɛlɔi ni nyɛlɛɔ nyɛ kɛkɛ nyɛhe. Ani esaaa akɛ tookwɛlɔi lɛ alɛ toi lɛ?

Hosea 4:8

Amɛtsɔ̃ esha ni mimɛi lɛ feɔ lɛ nɔ amɛna nii, ni no hewɔ lɛ, amɛshweɔ akɛ mɛi aya nɔ afee esha.

3 Mose 19:15

“Kaatsɔ̃ jalɛ sane hiɛ obu shi ni oye ohã ohiafo aloo ohiɛ shwie gbɔmɔ wulu hiɛ. Kojomɔ onaanyo gbɔmɔ yɛ jalɛ naa.

Mika 3:5

Gbalɔi lɛ lakaa mimaŋ lɛ. Mɛi ni hãa gbalɔi nɛɛ nɔ ko lɛ, gbalɔi lɛ shiɛɔ tsɔ̃ɔ amɛ akɛ hejɔlɛ miiba; shi mɛi ni hãaa amɛ nɔ ko lɛ, amɛwoɔ amɛhe gbeyei akɛ ta baaba abatua amɛ. Yehowa miikɛɛ gbalɔi nɛɛ akɛ,

Mateo 10:37

Mɔ ni dɔɔ tsɛ loo nyɛ he fe mi lɛ, esaaa mi; ni mɔ ni dɔɔ binuu loo biyoo he fe mi lɛ, esaaa mi.

Mateo 22:16

Ni amɛtsu amɛkaselɔi lɛ kɛ Herodebii lɛ kɛba eŋɔɔ amɛbakɛɛ, “Tsɔɔlɔ, wɔle akɛ anɔkwafo ji bo, ni otsɔ̃ɔ Nyɔŋmɔ gbɛ lɛ yɛ anɔkwale mli, ni osheee mɔ ko gbeyei, ejaakɛ okwɛɛɛ gbɔmɛi ahiɛiaŋ;

Luka 14:26

“Kɛji mɔ ko miiba miŋɔɔ ni enyɛɛɛ etsɛ kɛ enyɛ kɛ eŋa kɛ ebii kɛ enyɛmimɛi hii kɛ enyɛmimɛi yei kɛ lɛ diɛŋtsɛ esusuma hu tete lɛ, enyɛŋ etsɔ̃ mikaselɔ.

Romabii 16:18

Ejaakɛ mɛi ni yɔɔ nɛkɛ lɛ, jeee wɔ Nuŋtsɔ Yesu Kristo amɛsɔ̃mɔɔ, shi moŋ amɛ diɛŋtsɛ amɛmusu; ni amɛkɛ naaŋɔ̃ɔmɔ kɛ naadɔkɔmɔ wiemɔi lakaa mɛi ni leee efɔŋ lɛ.

2 Korintobii 5:16

Belɛ, kɛjɛ ŋmɛnɛ nɔ kɛyaa nɛɛ, wɔleee mɔ ko mɔ ko dɔŋŋ yɛ gbɔmɛi asusumɔ naa; ni kɛ gbɔmɛi asusumɔ naa wɔle Kristo yɛ tete lɛ, agbɛnɛ lɛ wɔleee lɛ nakai dɔŋŋ.

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

5 Mose 33:9

Amɛkɛɛ yɛ amɛtsɛ kɛ amɛnyɛ he akɛ, ‘Wɔbuuu amɛ, ni amɛkwa amɛnyɛmimɛi, ni amɛshi amɛmusuŋbii asɛɛ, ejaakɛ amɛmɔ owiemɔ lɛ mli, ni amɛye okpãŋmɔ lɛ nɔ.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

Yoshua 18:1

Israel asafo muu lɛ fɛɛ naa bakpe shi yɛ Shilo, ni amɛshi Yehowa Kpee Buu lɛ yɛ jɛi. Nɛkɛ be mli lɛ shikpɔŋ ni Israelbii lɛ eŋɔ̃ lɛ kã shi yɛ amɛhiɛ,

1 Samuel 3:13

Mikɛɛ lɛ mito akɛ mibagbala ewe lɛ toi kɛya naanɔ yɛ nɔ sha ni ele lɛ hewɔ, ejaakɛ ebihii lɛ bɔ musu amɛshi mi, Nyɔŋmɔ, shi etutuuu ehiɛ ewooo amɛ.