1 Samuel 2:1 - ŊMALƐ KRƆŊKRƆŊ LƐ

¹ Kɛkɛ ni Hana sɔle yɛ jɛi ni ekɛɛ “Yehowa, ohã mimli efili mi, ni minyɛ mihiɛ nɔ miwo. Mibaŋmɔ mihenyɛlɔi lɛ, ejaakɛ ohere mi.

Ṅmãle̱ Kroṅkroṅ Le̱

¹ Ke̱ke̱ ni Hana so̱le ni ekē̱: Mitšui mli eflile̱ ye̱ Iehowa mli, awó miklonto no̱ ye̱ Iehowa mli, minā egble ye̱ mihenye̱lo̱i le̱ ano̱; edšake̱ mīnyã́ oyiwalaheremo̱ le̱ he! Luk 1,46-55.

1 Samuel 2:1 ပူးပေါင်းရင်းမြစ်များ

2 Kronika 20:27

Yehoshafat nyiɛ Yuda kɛ Yerusalɛm tabilɔi lɛ ahiɛ kɛku sɛɛ kɛba Yerusalɛm kɛ nyamɔ ejaakɛ Yehowa ehã amɛnya yɛ nɔ ni ba amɛhenyɛlɔi lɛ anɔ lɛ hewɔ.

Nehemia 11:17

Mɛi komɛi hu ji Matania, Mika bi ni ji Zabdi nabi mɔ ni eji Asaf shwie lɛ. Lɛ enyiɛ lalɔi lɛ ahiɛ kɛlaa kɛdaa Nyɔŋmɔ shi lɛ. Mɔ ko hu ji Bakbukia ni ji Matania sɛɛmɔ kɛ Abda, Shamua bi lɛ ni ji Galai ni ji Yedutun nabi lɛ.

Hiob 16:15

Mikpɛ kpekpe miha miheloo he. Naa mi, mita mlu mli tamɔ mɔ ni aye enɔ kunim.

Lalai 118:14

Yehowa ji mihewalɛ kɛ milala; Yehowa etsɔ̃ miyiwalaheremɔ.

Lalai 13:5

Shi mi lɛ, osuɔmɔ ni tsakeee lɛ nɔ mihiɛ kã. Manya kɛ mitsui fɛɛ, ejaakɛ obaahere miyiwala.

Lalai 148:14

Ekɛ ehewalɛ kpele lɛ ewo emaŋbii anɔ. No hewɔ lɛ, emɛi krɔŋkrɔŋ lɛ ajie eyi, Israelbii, ni ji emaŋ ni bɛŋkɛ lɛ lɛ, nyɛjiea Yehowa yi!

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 20:5

Wɔɔbɔ oshe kɛ nyamɔ yɛ okunimyeli hewɔ; ni wɔNyɔŋmɔ lɛ gbɛi mli wɔɔshi wɔflaŋai yɛ. Yehowa ahã bo nɔ fɛɛ nɔ ni obiɔ lɛ.

Lalai 21:2

Nɔ ni etsui shweɔ lɛ, ohãa lɛ; ni nɔ ni ebiɔ lɛ, okamãaa lɛ.

Lalai 35:9

Kɛkɛ lɛ, misusuma mli aaafli lɛ yɛ Yehowa hewɔ, mimii aaashɛ mihe, ejaakɛ ehere mi.

Lalai 51:15

Oo Nuŋtsɔ, gbelemɔ minaa, ni minaabu ajaje oyijiemɔ lɛ atsɔ̃ɔ.

Lalai 71:8

Midaa eyi obɔ̃ kɛ oyijiemɔ gbi muu lɛ fɛɛ, ni majaje onunyam lɛ.

Lalai 75:10

Ebaaba yiwalɔi ahewalɛi fɛɛ shi; shi jalɔi ahewalɛ lɛ ebaawo nɔ.

Lalai 89:17

ejaakɛ bo ji amɛhewalɛ lɛ nyam. Oduromɔ hãa wɔyeɔ kunim.

Lalai 89:18

Ejaakɛ bo Yehowa ji mɔ ni fã wɔhe lɛ; ni bo, Israel Nyɔŋmɔ Krɔŋkrɔŋ, bo owo maŋtsɛ ohã wɔ.

Lalai 89:24

Maye lɛ anɔkwa, ni masumɔ lɛ kɛ misuɔmɔ ni tsakeee lɛ; ni migbɛi lɛ hewɔ lɛ, ehewalɛ lɛ nɔ aaakwɔ.

Lalai 9:14

koni majaje oyijiemɔi lɛ fɛɛ yɛ Yerusalɛmbii lɛ agboi lɛ amli, mimli aaafli mi, ejaakɛ ohere miyiwala.

Lalai 92:10

Shi ohã mihe ewa tamɔ wuo, ni ohã mimii eshɛ mihe.

2 Mose 15:1

Kɛkɛ ni Mose kɛ Israelbii lɛ la nɛkɛ lala nɛɛ kɛjie Yehowa yi, ni amɛkɛɛ, “Mala majie Yehowa yi, ejaakɛ eye kunim kpeteŋkple kɛwo ehiɛ nyam; okpɔŋɔ kɛ enɔtalɔ lɛ etsirɛ amɛ ewo ŋshɔŋ.

2 Mose 15:21

Miriam wo lala ekɛɛ, “Nyɛlaa nyɛhãa Yehowa ejaakɛ eye kunim kɛwo ehiɛ nyam; etsirɛ okpɔŋɔ kɛ enɔtalɔ lɛ ewo ŋshɔŋ.”

Habakuk 3:1

Sɔlemɔ ni Gbalɔ Habakuk sɔle nɛ,

Habakuk 3:18

Kɛ̃lɛ mi lɛ mibanya, ni mimli aaafli mi yɛ Yehowa miyiwalaheremɔ Nyɔŋmɔ lɛ mli.

Luka 1:69

Ni etee walaheremɔ aklonto shi ehã wɔ yɛ etsulɔ David we lɛ.

Romabii 5:11

Shi jeee no kɛkɛ, shi asaŋ wɔshwãa wɔfɔ̃ɔ Nyɔŋmɔ nɔ hu yɛ wɔNuŋtsɔ Yesu Kristo, mɔ nɔ ni tsɔ̃ ni agbɛnɛ wɔna kpãtãmɔ lɛ hewɔ.

5 Mose 33:17

Yosef kromɔbi lɛ je agbo tamɔ tsinanuu; ni ekoji ni ji ehewalɛ lɛ tamɔ ŋaŋ tsinanuu nɔ; nomɛi ji Efraim mɛi akpei nyɔŋma, kɛ Manase akpei nyɔŋma ni amɛkɛbaashimɔ maji lɛ fɛɛ, ni amɛaatsirɛ amɛ kɛaatee jeŋ naagbeehei lɛ.”

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Filipibii 4:4

Nyɛmii ashɛa yɛ Nuŋtsɔ lɛ mli daa! Miikɛɛ ekoŋŋ! Nyɛmii ashɛa!

Filipibii 4:6

Nyɛkahaoa yɛ nɔ ko nɔ ko he, shi moŋ nɔ fɛɛ nɔ mli lɛ nyɛkɛ sɔlemɔ kɛ faikpamɔ kɛ shidaa atsĩa nyɛtaomɔnii lɛ atã yɛ Nyɔŋmɔ hiɛ.

1 Petro 1:8

Nyɛnako lɛ moŋ nɛ, shi nyɛsumɔɔ lɛ; ni amrɔmrɔ nɛɛ hu nyɛnaaa lɛ moŋ, shi nyɛhe enɔ nyɛye. Hewɔ lɛ nyɛmli filiɔ nyɛ kɛ miishɛɛ ni anyɛɛɛ agba ni yɔɔ nyam babaoo lɛ,

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

1 Samuel 1:6

Enɛ hãa Hana bienyɛ Penina kɛ fɔmɔ yeɔ Hana he fɛo, ni ekɛwoɔ emli la naakpa bɔ ni ehãa Hana gbigbliɔ emli akɛ Yehowa etsi efɔmɔ naa.

1 Samuel 1:7

Nɛkɛ ji bɔ ni nibii tee nɔ daa afi. Shii abɔ fɛɛ ni amɛyaa Yehowa we lɛ, ebienyɛ Penina yeɔ ehe fɛo. Kɛkɛ lɛ efeɔ Hana yaafo, ni eyeee nii.