1 Samuel 19:8 - ŊMALƐ KRƆŊKRƆŊ LƐ

⁸ Yɛ mli aahu lɛ ta ba ekoŋŋ. David fã kɛtee eyawu ta lɛ, ni eye Filistibii lɛ anɔ butuu, ni amɛjo foi yɛ ehiɛ.

Ṅmãle̱ Kroṅkroṅ Le̱

⁸ Ši ta ba ekoṅ; ni David fã ni eke̱ Filistibii le̱ yawu, ni egbeame̱ butū, ni ame̱dšo foi ye̱ ehĩe.

1 Samuel 19:8 ပူးပေါင်းရင်းမြစ်များ

1 Maŋtsɛmɛi 20:21

Maŋtsɛ Ahab je kpo kɛjɛ ta lɛ naa, ni ekpãtã Siria okpɔŋɔi kɛ shwiilii lɛ ahiɛ; ekpãtã Siriabii lɛ ahiɛ butuu naakpa.

Lalai 27:3

Kɛji asafo ko gba ta ewo mi po, mitsui efaŋ. Kɛji ta te shi wo mi tete lɛ, no mli po lɛ, mana ekãa.

1 Samuel 18:14

ni eko fɛɛ eko mli lɛ David yayeɔ kunim, ejaakɛ Yehowa kɛ lɛ yɛ.

1 Samuel 18:30

Be nɛɛ mli fɛɛ lɛ Filistibii amaŋtsɛmɛi fãfãa tai; shi be fɛɛ be ni amɛaafã ta lɛ, David yeɔ Filistibii lɛ anɔ kunim fe Saul tsuji krokomɛi fɛɛ. Enɛ hã David gbɛi hehe naakpa.

1 Samuel 19:7

Enɛ hã Yonatan tee ni eyatsɛ David yɛ eteemɔhe lɛ; ni be ni egba lɛ nɔ ni etee nɔ lɛ fɛɛ sɛɛ lɛ, Yonatan kɛ David ba Saul ŋɔɔ, ni David ku sɛɛ ebahi Saul ŋɔɔ ni esɔmɔ lɛ tamɔ tsuutsu lɛ.

1 Samuel 19:9

Yehowa hã mumɔ fɔŋ lɛ bayi Saul nɔ ekoŋŋ. Gbi nɛɛ lɛ Saul hiɛ akplɔ kɛta shi yɛ ewe lɛ mli, ni David miitswa kpãa saŋku lɛ eehã lɛ.

1 Samuel 23:5

No hewɔ lɛ, David kɛ ewebii lɛ fã kɛtee Keila ni amɛkɛ Filistibii lɛ yawu, ni amɛgbe Filistibii lɛ butuu, ni amɛloo Filistibii lɛ akooloi kɛtee. Bɔ ni fee ni David here Keilabii ayiwala nɛ.