1 Samuel 19:5 - ŊMALƐ KRƆŊKRƆŊ LƐ

⁵ Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”

Ṅmãle̱ Kroṅkroṅ Le̱

⁵ Ni eṅõ ewala ehīe edeṅ, ni *eyagbe Filistinyo le̱, ni Iehowa tšu yiwalaheremo̱ nitšumo̱ kpeteṅkple ehã Israel fẽ. Ona ni onyã́ he; mẽhewo̱ mo̱ ni oofe eša oši lá ni eye bem le̱, ni ogbe David yakatſā? *17,50.

1 Samuel 19:5 ပူးပေါင်းရင်းမြစ်များ

2 Samuel 23:10

edamɔ shi akɛ nuu, ni ekpee ta lɛ naa, ni egbe Filistibii lɛ aahu kɛyashi ekɔ̃ji gboi yɛ ehe bɔ sɔŋŋ ni ehiii lɛ eklante lɛ nɔwomɔ dɔŋŋ. Yehowa ye kunim kpeteŋkple nakai gbi lɛ ehã Israelbii lɛ. Fee sɛɛ lɛ Israelbii lɛ ba he ni Eleazar wu ta lɛ yɛ lɛ, ni amɛbakpɔlɔ gbohii lɛ ahe nibii kɛtee.

1 Kronika 11:14

Shi Eleazar nɛɛ ho edamɔ shi akɛ nuu, ni ekpee ta lɛ naa yɛ shikpɔŋ kuku lɛ teŋ tuuŋtu efã shikpɔŋ lɛ he, ni ekɛ esɛɛnyiɛlɔi lɛ gbe Filistibii lɛ. Yehowa hã eye kunim kpeteŋkple.

1 Kronika 11:18

Kɛkɛ ni hii kãkãlɔi etɛ̃ nɛɛ gba sa kɛtsɔ̃ Filistibii tabilɔi lɛ ateŋ yɛ ekãa naa kɛho, ni amɛtee amɛyayɛ nubu lɛ ni yɔɔ Betlehem maŋ agbo lɛ masɛi lɛ mli nu, ni amɛkɛbahã David. Shi David emiii nu lɛ numɔ; shi moŋ efɔse eshwie shikpɔŋ akɛ nɔ ko ni ekɛmiishã afɔle eha Yehowa,

Lalai 109:5

Amɛkɛ efɔŋ toɔ mi ekpakpa najiaŋ, ni amɛkɛ nyɛɛ toɔ misuɔmɔ lɛ najiaŋ.

Lalai 119:109

Mihiɛ miwala yɛ midɛŋ be fɛɛ be; shi omla lɛ mihiɛ kpaaa nɔ.

Lalai 25:3

Lɛɛlɛŋ, mɛi ni kɛ amɛhiɛ fɔ̃ɔ onɔ lɛ, ateŋ mɔ ko mɔ ko hiɛ eshwieŋ shi. Mɛi ni ji yaka atuatselɔi lɛ moŋ ahiɛ aaagboi.

Lalai 69:4

Mɛi ni he tsɛ̃ɔ mi yakatswaa lɛ, amɛyi fa fe miyiteŋ tsɔi; mihenyɛlɔi ni maleɔ mihe, mɛi ni taoɔ mihiɛ amɛkpãtã lɛ amɛyi fa. Nɔ ni mijuko lɛ aso esa akɛ mato najiaŋ lo?

Lalai 94:21

Amɛkpãŋɔ jalɔ yinɔ, ni amɛbuɔ lá ni efeko efɔŋ ko gbele fɔ.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

Yeremia 26:15

shi moŋ nyɛnaa nyɛlea krɛdɛɛ akɛ kɛji nyɛgbe mi lɛ, no lɛ mɔ ko ni efeko nɔ fɔŋ ko lá yi sɔ̃ nyɛbaaloo nyɛbua nyɛ kɛ maŋ nɛɛ kɛ emli bii bluublu ayiteŋ, ejaakɛ anɔkwale mli lɛ, Yehowa ji mɔ ni tsu mi nyɛŋɔɔ akɛ mibawie nɛkɛ wiemɔi nɛɛ fɛɛ yɛ nyɛtoiaŋ lɛ.”

Mateo 27:24

Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!”

Mateo 27:4

ni ekɛɛ, “Mifee esha akɛ mitsɔ̃ɔ lá ni efɔŋ ko bɛ ehe lɛ sɛɛgbɛ.” Shi amɛ lɛ amɛkɛɛ, “No jeee wɔhe sane ko; bo diɛŋtsɛ kwɛmɔ nɔ!”

Yohane 15:25

Shi afee enɛ bɔ ni afee ni wiemɔ ni aŋma yɛ amɛMla lɛ mli akɛ, ‘Amɛnyɛ mi yakatswaa’ lɛ ana aba mli.

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Filipibii 2:30

ejaakɛ Kristo nitsumɔ lɛ hewɔ lɛ ebɛŋkɛ gbele kwraa, ni ekɛ ehe wo osharã mli, koni ebaye nyɛnajiaŋ kɛsɔ̃mɔ mi yɛ sɔ̃ɔmɔ ni ehiii nyɛ sɔ̃ɔmɔ lɛ hewɔ.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,

Kojolɔi 12:3

Be ni mina akɛ nyɛhereŋ mi lɛ, mikɛ mihe wo osharã mli, ni mifã kɛyanina Amonbii lɛ. Yehowa hã miye amɛnɔ kunim. No hewɔ lɛ, mɛni hewɔ nyɛfã kɛba minɔ ŋmɛnɛ ni nyɛkɛ mi abawu lɛ?”

Kojolɔi 9:17

Ejaakɛ mitsɛ wu hã nyɛ; ekɛ ehe wo osharã mli, ni ekɛjie nyɛ yɛ Midianbii adɛŋ.

1 Samuel 11:13

Shi Saul to he ekɛɛ, “Ashwieŋ la shi ŋmɛnɛ, ejaakɛ ŋmɛnɛ lɛ Yehowa ehere Israel yiwala.”

1 Samuel 14:45

Shi maŋbii lɛ kɛɛ Saul akɛ, “Yonatan baagbo lo? Lɛ mɔ ni eye kunim kpeteŋkple nɛkɛ nɛɛ ehã Israel lɛ? Akaba mli nakai! Wɔna Yehowa akɛ Yonatan yiteŋ tsɔi kome nɛkɛ efaŋ egbeŋ shi, ejaakɛ Nyɔŋmɔ ni kɛ lɛ tsu nɔ ni etsu ŋmɛnɛ nɛɛ lɛ.” Biɛ tsɔ̃ ni maŋbii lɛ here Yonatan yiwala kɛje gbele mli.

1 Samuel 19:6

Saul bo ebi Yonatan toi, ni Saul kã kitã ekɛɛ, “Mina Yehowa akɛ agbeŋ David.”

1 Samuel 20:32

Yonatan here etsɛ Saul nɔ ni ekɛɛ akɛ, “Mɛni hewɔ sa akɛ egbo? Mɛni efee?”

1 Samuel 22:14

Ahimelek to he ehã maŋtsɛ lɛ ekɛɛ, “Nɔ ni mile ji akɛ maŋtsɛ tsuji lɛ ateŋ mɔ ko bɛ ni eji ehe anɔkwafo tamɔ David. Maŋtsɛ shaanuu ji lɛ, ni agbɛnɛ maŋtsɛ he bulɔi lɛ asafoiatsɛ ji lɛ, ni awoɔ lɛ yɛ maŋtsɛ we lɛ mli.

1 Samuel 28:21

Fee sɛɛ be ni yoo okɔmfo lɛ tsi ebɛŋkɛ Saul, ni ena akɛ gbeyei emɔ lɛ lɛ, ekɛɛ Saul akɛ, “Oweyoo bo bo toi bianɛ, ni mikɛ mihe wo osharã mli, ni mifee nɔ ni obi mi akɛ mifee lɛ.