1 Samuel 19:24 - ŊMALƐ KRƆŊKRƆŊ LƐ

²⁴ Kɛkɛ ni Saul hu kpɔlɔ ehe atadei lɛ ni egba yɛ Samuel hiɛ; ni ekã shi kɛ ehe folo nakai gbi lɛ shwane muu lɛ fɛ̃ɛ kɛ nyɔɔŋ muu lɛ fɛ̃ɛ. Bɔ ni fee ni abɔi kɛɛmɔ akɛ, “Mɛni, Saul hu etsɔ̃ gbalɔ hu?” lɛ nɛ.

Ṅmãle̱ Kroṅkroṅ Le̱

²⁴ Ni le̱ hũ ekplo̱ ehe atadei, ni le̱ hũ egba ye̱ Samuel hĩe, ni ekã ši ke̱ ehe flo nakai gbĩ le̱ ſaneſane ke̱ nyōṅnyōṅ fẽ. Nohewo̱ le̱ ame̱kē̱: Ani Saul hũ ye̱ gbalo̱i le̱ ateṅ?

1 Samuel 19:24 ပူးပေါင်းရင်းမြစ်များ

2 Samuel 6:14

David jo kɛ ehewalɛ fɛɛ ekɛwo Yehowa hiɛ nyam, ni emia kɛ klala efod pɛ.

2 Samuel 6:20

Ni be ni David yiŋ etee ewe lɛ ni eyahã sɛɛ fɛɛ lɛ, Mikal, Saul biyoo lɛ, je kpo ekɛ lɛ bakpe, ni ekɛɛ lɛ akɛ, “Aso nyam pi Israel maŋtsɛ lɛ wo ehiɛ ŋmɛnɛ nɛɛ kɛ ehe bo ni ejie yɛ etsuji kɛ eweyei ahiɛ tamɔ mɛi ni ahiɛgble tɔ ejwa feɔ lɛ!”

Yesaia 20:2

Yehowa etsɔ̃ hiɛ afii etɛ̃ momo ekɛɛ Amoz bi Yesaia akɛ, “Yaa koni oyajie kpekpe lɛ yɛ ohɛ, ni ojie otokotai lɛ hu.” Yesaia fee nakai, ni enyiɛ yayai kɛ enane folo hu.

Mika 1:8

Kɛkɛ ni Mika kɛɛ, “Enɛ hewɔ lɛ, maye ŋkɔmɔ ni mawo yara; manyiɛ pasaa kɛ mihe yayai. Mawo yara tamɔ ŋaŋgbei, ni maye ŋkɔmɔ tamɔ okpɔŋɔ loofɔlɔ,

4 Mose 24:4

mɔ ni nuɔ nɔ ni Nyɔŋmɔ kɛɔ ni enaa ninaa ni Ofe lɛ jieɔ etsɔ̃ɔ lɛ, mɔ ni buɔ shi, shi enaa nii lɛ.

Bɔfoi 9:21

Ni mɛi fɛɛ ni nu lɛ anaa kpɛ amɛhe, ni amɛkɛɛ, “Ani jeee mɔ nɛ kpãtã mɛi ni tsɛɔ Yesu gbɛi lɛ ahiɛ yɛ Yerusalɛm lɛ, ni jeee no hewɔ nɔŋŋ eba biɛ hu tete koni ebafimɔ amɛ ni ekpala amɛ kɛya osɔfonukpai lɛ aŋɔɔ?”

1 Samuel 10:6

Yehowa mumɔ lɛ baatsi bo, ni obaaya oyashi gbalɔi nɛɛ anɔ kɛgba, ni obaatsɔ gbɔmɔ kroko kwraa.

1 Samuel 15:35

Enɛ sɛɛ lɛ Samuel kɛ ehiŋmɛitsei enyɔ nɛkɛ enaaa Saul dɔŋŋ aahu kɛyashi Saul gbo; shi Samuel ye Saul he ŋkɔmɔ. Ni Yehowa shwa ehe akɛ ewo Saul Israel maŋtsɛ.

1 Samuel 18:10

Nakai gbi lɛ nɔ jetsɛremɔ, be mli ni David tswaa saŋku ehãa Saul tamɔ bɔ ni efeɔ daa gbi lɛ, Nyɔŋmɔ hã mumɔ fɔŋ ko bayi Saul nɔ, ni egri yɛ maŋtsɛ we lɛ mli. No mli nɔŋŋ lɛ Saul akplɔ lɛ hiɛ edɛ̃.