1 Samuel 19:20 - ŊMALƐ KRƆŊKRƆŊ LƐ

²⁰ Kɛkɛ ni Saul wo bɔfoi agbɛ koni amɛyamɔ David kɛba. Be ni bɔfoi nɛɛ yashɛ Naiot ni amɛyanina Samuel damɔ gbalɔi aku lɛ naa akɛ amɛnukpa ni amɛmiigba lɛ, Nyɔŋmɔ Mumɔ lɛ bayi bɔfoi lɛ anɔ ni amɛ hu amɛbɔi gbaa.

Ṅmãle̱ Kroṅkroṅ Le̱

²⁰ Ni Saul tšũ bo̱foi ake̱ ayamõ David ke̱-ba; ni beni ame̱na gbalo̱i asafoku ní gbaã le̱ ke̱ Samuel ní dši ame̱nukpa ní damo̱ Si le̱, Nyoṅmo̱ Mumo̱ ba Saul bo̱foi le̱ ano̱, ni ame̱ hũ ame̱gbagbai. 10,10-12.

1 Samuel 19:20 ပူးပေါင်းရင်းမြစ်များ

Yoel 2:28

“Enɛɛmɛi asɛɛ lɛ mafɔse mimumɔ lɛ mashwie gbɔmɛi fɛɛ anɔ; nyɛbihii kɛ nyɛbiyei lɛ aaagba, nyɛhiimeji lɛ aaala lamɔi, ni nyɛblahii lɛ aaana ninai.

4 Mose 24:2

Ena Israelbii lɛ ni amɛjwere shi yɛ amɛkutsei lɛ anaa. Kɛkɛ ni Nyɔŋmɔ mumɔ lɛ bayi Balaam nɔ,

Yohane 7:32

Farisifoi lɛ nu akɛ asafo lɛ miiwie nii nɛɛ ahe huhuhuhu yɛ ehe; ni Farisifoi lɛ kɛ osɔfonukpai lɛ tsu tsuji koni amɛyamɔ lɛ.

1 Korintobii 14:3

Shi mɔ ni gbaa lɛ, gbɔmɛi ekɛwieɔ ni ekɛhã amɛnane amɔ shi, ni ekɛwo amɛ hewalɛ, ni ekɛshɛje amɛmii.

1 Samuel 10:10

Saul kɛ oblanyo tsulɔ lɛ yashɛ Gibea pɛ, ni gbalɔi asafo ku ko kɛ Saul bakpe. Kɛkɛ ni Nyɔŋmɔ mumɔ lɛ bayi Saul nɔ, ni eyashi gbalɔi lɛ anɔ ni ekɛ amɛ gba.

1 Samuel 19:11

Nakai gbi lɛ gbɛkɛ lɛ, Saul wo mɛi agbɛ akɛ amɛyawo David ka yɛ ewe lɛ bɔ ni afee koni lɛ Saul lɛ, enine ashɛ David nɔ enɔ jetsɛremɔ leebi koni egbe lɛ. Shi David ŋa, Mikal, wo David ŋaa ekɛɛ, “Kɛji ohereee oyiwala ŋmɛnɛ nyɔɔŋ nɛɛ mli lɛ, wɔ lɛ abaagbe bo.”

1 Samuel 19:14

Be ni Saul bɔfoi ni etsu akɛ amɛyamɔ David amɛbahã lɛ lɛ shɛ David we lɛ mli lɛ, Mikal kɛɛ bɔfoi lɛ akɛ David naaa hetselɛ.

1 Samuel 19:19

Ayatswa Saul adafi akɛ, “Naa, David yɛ Naiot yɛ Rama.”

1 Samuel 19:21

Ababɔ Saul amaniɛ; no hewɔ lɛ, esaa etsu bɔfoi krokomɛi; shi amɛ hu amɛyashi gbalɔi lɛ anɔ. Saul ku sɛɛ etsu bɔfoi ekoŋŋ nɔ ni ji shii etɛ̃ nɔ; shi amɛ hu amɛyatsɔ̃mɔ gbalɔi nakai nɔŋŋ.