1 Samuel 19:18 - ŊMALƐ KRƆŊKRƆŊ LƐ

¹⁸ Be ni David jo foi lɛ eba Samuel ŋɔɔ yɛ Rama, ni ebagba lɛ saji fɛɛ ni Saul kɛye lɛ lɛ. Kɛkɛ ni David kɛ Samuel fɛɛ tee ni amɛyahi Naiot.

Ṅmãle̱ Kroṅkroṅ Le̱

¹⁸ Ši David dšo foi ni edše edeṅ, ni eba Samuel ṅõ ye̱ Rama, ni ebagbale̱ nii fẽ ni Saul efele̱ le̱. Ni eke̱ Samuel fẽ te ame̱yahĩ ši ye̱ Naiot.

1 Samuel 19:18 ပူးပေါင်းရင်းမြစ်များ

Lalai 116:11

Mikɛ tsuifãa kɛɛ akɛ, “Gbɔmɔ ko kwraa bɛ ni aaaŋɔ he afɔ enɔ.”

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.

1 Samuel 1:19

Enɔ jetsɛremɔ lɛ Elkana kɛ eŋãmɛi lɛ kɛ ebii lɛ te shi leebi maŋkpa, be ni amɛtee amɛyaja Yehowa sɛɛ lɛ amɛku amɛsɛɛ kɛtee Rama. Elkana kɛ eŋa Hana yawɔ, ni Yehowa mɔbɔnalɛ naa lɛ,

1 Samuel 15:34

Kɛkɛ ni Samuel yi mli etee Rama, ni Saul hu yi mli ni etee ewe yɛ Gibea.

1 Samuel 19:19

Ayatswa Saul adafi akɛ, “Naa, David yɛ Naiot yɛ Rama.”

1 Samuel 19:22

Kɛkɛ ni Saul diɛŋtsɛ yi mli ni etee Rama. Be ni eyashɛ nubu wulu ni yɔɔ Seku lɛ he lɛ, ebi David kɛ Samuel shi ni ekɛɛ akɛ, “Nɛgbɛ ji he ni Samuel kɛ David yɔɔ lɛ?” Mɔ ko tsɔ̃ɔ lɛ ekɛɛ, “Amɛyɛ Naiot yɛ Rama.”

1 Samuel 19:23

Kɛkɛ ni Saul shwie nɔ kɛjɛ Seku ni eeya Naiot yɛ Rama; shi Nyɔŋmɔ Mumɔ lɛ yi lɛ hu enɔ, ni ehiɛ gbaa yɛ gbɛteŋ aahu kɛyashi eyashɛ Naiot yɛ Rama.

1 Samuel 20:1

Sane nɛɛ sɛɛ lɛ David jo foi yɛ Naiot yɛ Rama kɛba Yonatan ŋɔɔ, ni ebabi lɛ akɛ, “Mɛni mifee? Mɛɛ tɔ̃mɔ mitɔ̃, ni mɛɛ esha po mifee otsɛ hewɔ ni etaoɔ mi egbe nɛɛ?”

1 Samuel 21:11

Kɛkɛ ni Maŋtsɛ Akish tsuji lɛ kɛɛ lɛ akɛ, “Kwɛ, jeee David lɛ ni etsɔ̃ shikpɔŋ lɛ nɔ maŋtsɛ lɛ nɛ?” Jeee mɔ nɛ he lala alaa akɛjoɔ akɛ, “Saul egbe akpei, ni David egbe akpei nyɔŋmai abɔ lɛ?”

1 Samuel 28:3

Nɛkɛ be mli lɛ Samuel egbo, ni Israel fɛɛ efo lɛ, ni afu lɛ yɛ Rama, ni ji lɛ diɛŋtsɛ emaŋ lɛ mli, ni Saul eshwie mɛi ni feɔ nii kɛ klamɔfoi lɛ fɛɛ yɛ Israel shikpɔŋ lɛ nɔ.

1 Samuel 7:17

ni ekuɔ esɛɛ kɛbaa Rama, ejaakɛ jɛi ewe yɔɔ; ni jɛi hu ekwɛɔ maŋbii lɛ ateŋ saji yɛ. Samuel ma afɔleshãa latɛ yɛ Rama ehã Yehowa.