1 Samuel 18:5 - ŊMALƐ KRƆŊKRƆŊ LƐ

⁵ Tai fɛɛ ni Saul tsu David wuu lɛ, etee eba kɛ omanye; ni no hewɔ lɛ, Saul fee David etatsɛmɛi ateŋ mɔ kome, amɛ ji nɔ ko ni sa Israel hii tabilɔi lɛ fɛɛ kɛ Saul tsuji lɛ tete fɛɛ ahiɛ.

Ṅmãle̱ Kroṅkroṅ Le̱

⁵ Ni David yaã heſẽhe ni Saul tšũo̱le̱ le̱, ni *eyayeo̱ omanye; ni Saul ṅõle̱ to hĩĩ tawulo̱i le̱ ano̱, ni esa maṅ mŭ le̱ fẽ ke̱ Saul tšũdši le̱ hũ ahĩe. *K. 14.

1 Samuel 18:5 ပူးပေါင်းရင်းမြစ်များ

1 Mose 39:23

Gboklɛfoi akwɛlɔ lɛ gbaaa ehe naa yɛ nii ni etu ewo Yosef dɛŋ lɛ he, ejaakɛ Yehowa kɛ Yosef yɛ, ni nɔ fɛɛ nɔ ni efeɔ lɛ, Yehowa hãa eyeɔ omanye.

2 Samuel 5:10

David hewalɛ tee nɔ eshwere ejaakɛ Yehowa, ni ji Nyɔŋmɔ Taiatsɛ lɛ, fĩ esɛɛ.

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

2 Kronika 17:3

Yehowa jɔɔ Yehoshafat ejaakɛ ehi shi tamɔ etsɛ hi shi be ni eje emaŋtsɛyeli lɛ shishi lɛ; ni eyajaaa jemawɔji.

Lalai 1:3

Etamɔ tsei ni atɛo yɛ fai atoi, ni woɔ yibii yɛ amɛbe mli, ni amɛbai kpalaaa, ni nɔ fɛɛ nɔ ni efeɔ lɛ shwereɔ.

Lalai 101:2

Mikɛ nilee baaba mijeŋ koni shwamɔ ko akahi mihe. Te be ni manyɛ enɛ he mashɛ hu? Mikɛ tsui krɔŋŋ aaaba mijeŋ yɛ miwe lɛŋ.

Mateo 10:16

“Naa miitsu nyɛ tamɔ too Gwantɛŋi yɛ klãji ateŋ; no hewɔ lɛ, nyɛhiɛ atɛ̃a tamɔ onufui, ni nyɛfea kpoo tamɔ okpoi.

Bɔfoi 7:10

ni ejie lɛ yɛ emanehului fiaa mli, ni ehã ehiɛ ba nyam, ni efee nilelɔ yɛ Ijipt maŋtsɛ Farao hiɛ, ni ewo lɛ lumɔ yɛ Ijipt kɛ lɛ diɛŋtsɛ ewe lɛ fɛɛ nɔ.

Efesobii 5:17

No hewɔ lɛ, nyɛkafea nyɛhe mɛi ni bɛ yitsoŋ, shi moŋ nyɛyoa nii ni ji Nuŋtsɔ lɛ suɔmɔnaanii lɛ.

Kolosebii 4:5

Nyɛbaa nyɛjeŋ yɛ nilee mli yɛ mɛi ni yɔɔ sɛɛ lɛ ahiɛ, ni nyɛtsu nyɛbe he nii.

Kojolɔi 1:19

Yehowa wa Yuda, ni Yuda shwie gɔji anɔ bii lɛ. Shi Yuda nyɛɛɛ eshwie jɔɔ lɛ mli bii lɛ, ejaakɛ amɛyɛ dade shwiilii.

1 Samuel 13:2

Saul hala hii tabilɔi akpei etɛ̃ yɛ Israelbii lɛ ateŋ. Ekɛ hii tabilɔi nɛɛ ateŋ mɛi akpei enyɔ hi Mikmash yɛ Betel yɛ gɔji ashikpɔŋ lɛ nɔ, ni amɛteŋ akpe hu kɛ Yonatan hi Gibea yɛ Benyamin shikpɔŋ lɛ nɔ. Israel hii ni shwɛ lɛ Saul wo amɛ gbɛ ni mɔ fɛɛ mɔ tee eshĩa.

1 Samuel 14:52

Saul yinɔ fɛɛ lɛ, Israelbii kɛ Filistibii ateŋ ejɔɔɔ kɛ taitai ni naa wa sɔŋŋ. Ni no hewɔ lɛ, kɛji Saul na nuu hiɛwalɔ loo kãkãlɔ pɛ, eŋɔ lɛ efata tabilɔi ni buɔ ehe lɛ ahe.

1 Samuel 18:16

Shi Israel kɛ Yuda fɛɛ sumɔ David sane ojogbaŋŋ, ejaakɛ enyiɛɔ amɛhiɛ kɛyaa ta ni ekɛ amɛbaa kɛ omanye.

1 Samuel 18:30

Be nɛɛ mli fɛɛ lɛ Filistibii amaŋtsɛmɛi fãfãa tai; shi be fɛɛ be ni amɛaafã ta lɛ, David yeɔ Filistibii lɛ anɔ kunim fe Saul tsuji krokomɛi fɛɛ. Enɛ hã David gbɛi hehe naakpa.

1 Samuel 18:4

Enɛ hã Yonatan jie ehe nibii ni ekɛwula David, ekɛ etade lɛ kɛ edama lɛ kɛ eklante lɛ kɛ egãi lɛ kɛ emlifiinɔ lɛ hã lɛ.

1 Samuel 18:6

Be ni David egbe Filistinyo Goliat lɛ, ni Israel tabilɔi lɛ eku amɛsɛɛ kɛbaa shĩa lɛ, Israel yei lɛ jɛjɛɛ amɛmaji lɛ amli amɛkɛ lala kɛ joo bakpee Maŋtsɛ Saul. Amɛhiɛ fa bii kɛ ŋoŋoi kɛ miji; ni amɛnya;

1 Samuel 3:19

Samuel bada, ni Yehowa kɛ lɛ yɛ, ni ehãaa Samuel naa wiemɔ ko afee yaka.