1 Samuel 18:10 - ŊMALƐ KRƆŊKRƆŊ LƐ

¹⁰ Nakai gbi lɛ nɔ jetsɛremɔ, be mli ni David tswaa saŋku ehãa Saul tamɔ bɔ ni efeɔ daa gbi lɛ, Nyɔŋmɔ hã mumɔ fɔŋ ko bayi Saul nɔ, ni egri yɛ maŋtsɛ we lɛ mli. No mli nɔŋŋ lɛ Saul akplɔ lɛ hiɛ edɛ̃.

Ṅmãle̱ Kroṅkroṅ Le̱

¹⁰ Ni eba mli ake̱ dšetše̱reno̱ le̱ Nyoṅmo̱ hã *mumo̱ fõṅ ko bayi Saul no̱, ni egri ye̱ šĩa le̱; ni David mītſa saṅkũ tamo̱ bo̱ni efeo̱ dāne̱ le̱, ni Saul hĩe ekplo̱ le̱ ye̱ edeṅ. *16,14.

1 Samuel 18:10 ပူးပေါင်းရင်းမြစ်များ

1 Maŋtsɛmɛi 18:29

Amɛtee nɔ kɛ blɔmɔ hoo lɛ kɛyashi eshɛ shwane niyenii afɔleshãa be; shi fɛɛ lɛ gbee ko ejijeee lɛ, hetoo ko baaa.

1 Maŋtsɛmɛi 22:12

Gbalɔi lɛ fɛɛ miigba gbalɛ koome akɛ: “Yaa koni oyatua Ramot-Gilead, ni obaaye omanye, ejaakɛ Yehowa baatu maŋ lɛ ewo maŋtsɛ dɛŋ.”

Yeremia 28:11

ni Gbalɔ Hanania wie yɛ maŋ muu lɛ fɛɛ hiɛ akɛ, “Yehowa kɛɛ akɛ, ‘Nɛkɛ pɛpɛɛpɛ mibakumɔ Nebukadnezar, Babilon maŋtsɛ lɛ apã lɛ yɛ majimaji fɛɛ akuɛ biɛ afii enyɔ mli.’ ” Kɛkɛ ni Yeremia shi jɛi ni etee.

Bɔfoi 16:16

Shi gbi ko be ni wɔyaa he ni asɔleɔ yɛ lɛ, tsulɔ yoo ko ni klámɔ mumɔ yɔɔ emli kɛ wɔ bakpe; ekɛ eklámɔ lɛ hãa enuŋtsɔmɛi naa nii pii.

2 Tesalonikabii 2:11

Ni enɛ hewɔ lɛ Nyɔŋmɔ tsuɔ shishiumɔ hewalɛ kɛbaa amɛŋɔɔ ni amɛhe amale amɛye,

Kojolɔi 16:20

Kɛkɛ ni Delila kɛɛ “Samson, Filistibii lɛ eshwie onɔ.” Samson hiɛ tsɛ̃ kɛjɛ ewɔ lɛ mli ni ekɛɛ ehe akɛ, “Maje kpo tamɔ tsutsu lɛ ni mahoso mihe.” Shi eleee akɛ Yehowa ekpa yɛ esɛɛ.

1 Samuel 16:23

Kɛjɛ nakai be lɛ, be fɛɛ be ni Nyɔŋmɔ aaahã mumɔ fɔŋ lɛ aba Saul nɔ lɛ, David tswaa saŋku lɛ, ni mumɔ fɔŋ lɛ jeɔ Saul nɔ; ni Saul he jɔɔ lɛ, ni ehiɔ ehãa lɛ.

1 Samuel 18:9

Kɛjɛ nakai gbi lɛ nɔ lɛ Saul jie ehiɛ eka David.

1 Samuel 19:10

Saul ka akɛ etsu David akplɔ lɛ kɛmɔ gbogbo lɛ, shi David sha ehe, ni akplɔ lɛ yatsɛkɛ gbogbo lɛ mli. Kɛkɛ ni David jo foi, ni eje Saul dɛŋ.

1 Samuel 19:7

Enɛ hã Yonatan tee ni eyatsɛ David yɛ eteemɔhe lɛ; ni be ni egba lɛ nɔ ni etee nɔ lɛ fɛɛ sɛɛ lɛ, Yonatan kɛ David ba Saul ŋɔɔ, ni David ku sɛɛ ebahi Saul ŋɔɔ ni esɔmɔ lɛ tamɔ tsuutsu lɛ.

1 Samuel 19:9

Yehowa hã mumɔ fɔŋ lɛ bayi Saul nɔ ekoŋŋ. Gbi nɛɛ lɛ Saul hiɛ akplɔ kɛta shi yɛ ewe lɛ mli, ni David miitswa kpãa saŋku lɛ eehã lɛ.

1 Samuel 26:19

Taflatsɛ, minuŋtsɔ maŋtsɛ abo nɔ ni etsulɔ yɔɔ kɛɛmɔ toi fioo. Kɛji Yehowa diɛŋtsɛ ni etee bo shi ewo mi lɛ, mibashã he afɔle kɛkpa he fai. Shi kɛji gbɔmɛi adesai abii ni ehã ote shi owo mi lɛ, no lɛ Yehowa aaawo amɛ he nyɔmɔ, ejaakɛ amɛshwie mi ŋmɛnɛ akɛ mikahi Yehowa shikpɔŋ lɛ nɔ, shi moŋ miya ni miyasɔmɔ jemawɔji.