1 Samuel 17:53 - ŊMALƐ KRƆŊKRƆŊ LƐ

⁵³ Be ni Israelbii lɛ je Filistibii lɛ asɛɛ, ni amɛku amɛsɛɛ kɛba lɛ, amɛbaha Filistibii lɛ anibii yɛ amɛshitoohe lɛ mli.

Ṅmãle̱ Kroṅkroṅ Le̱

⁵³ Ni Israelbii le̱ kũ ame̱se̱ ke̱-dše̱ Filistibii le̱ ase̱nyiemo̱ le̱ mli, ni ame̱-baha ame̱nsrai le̱ amli nii.

1 Samuel 17:53 ပူးပေါင်းရင်းမြစ်များ

2 Samuel 23:10

edamɔ shi akɛ nuu, ni ekpee ta lɛ naa, ni egbe Filistibii lɛ aahu kɛyashi ekɔ̃ji gboi yɛ ehe bɔ sɔŋŋ ni ehiii lɛ eklante lɛ nɔwomɔ dɔŋŋ. Yehowa ye kunim kpeteŋkple nakai gbi lɛ ehã Israelbii lɛ. Fee sɛɛ lɛ Israelbii lɛ ba he ni Eleazar wu ta lɛ yɛ lɛ, ni amɛbakpɔlɔ gbohii lɛ ahe nibii kɛtee.

Yeremia 30:16

Shi mɔ fɛɛ mɔ ni kpãtãa nyɛhiɛ lɛ, aaakpãtã ehiɛ; ni abaaŋɔ nyɛhenyɛlɔi ateŋ mɔ fɛɛ mɔ nom. Mɛi fɛɛ ni aaaha nyɛ nii lɛ aaaha amɛ nii; ni mɛi ni feɔ nyɛ niseniianii lɛ, mahã afee amɛ niseniianii.

Yeremia 4:20

Amanehulu nyiɛ amanehulu sɛɛ tuuŋtu, akpãtã shikpɔŋ tso muu lɛ hiɛ; afite mibuui lɛ trukaa, ni hiŋmɛitswaa mli lɛ agbala mibuui lɛ ahe mamai lɛ.

1 Samuel 17:52

Kɛkɛ ni Israel kɛ Yuda hii lɛ bɔ oshe, ni amɛtiu Filistibii lɛ kɛ foi. Amɛnyiɛ Filistibii lɛ asɛɛ kɛyashi Gat kɛ Ekron agboi lɛ anaa. Gbi lɛ Filistibii pilafoi jwere shi kɛjɛ Shaaraim aahu kɛyashi Gat kɛ Ekron fɛɛ.

1 Samuel 17:54

David kɔ Goliat yitso lɛ kɛba Yerusalɛm; shi Goliat tawuu dade dama lɛ, David hã ehi lɛ diɛŋtsɛ enine nɔ yɛ ebuu lɛ mli.

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”