1 Samuel 17:50 - ŊMALƐ KRƆŊKRƆŊ LƐ

⁵⁰ Belɛ David kɛ akromia kɛ tɛ ye Goliat nɔ, ni egbe lɛ tsɛbelɛ ehiɛɛɛ klante po.

Ṅmãle̱ Kroṅkroṅ Le̱

⁵⁰ Ni David ke̱ akromia ke̱ te̱ le̱ ye Filistinyo le̱ no̱ kũnim, ni etſa Filistinyo le̱ nõ ni egbele̱, tše̱ David ehĩee klante ko.

1 Samuel 17:50 ပူးပေါင်းရင်းမြစ်များ

Kojolɔi 15:15

Kɛkɛ ni ena teji kadaa ŋmɔŋ ko. Ekpã enine mli ekɔ, ni ekɛgbe hii akpe.

Kojolɔi 3:31

Hiɛnyiɛlɔ ni ba ye Ehud sɛɛ ji Shamgar, Anat bi lɛ. Ekɛ tsinakplamɔ tso gbe Filistibii lɛ ateŋ mɛi ohai ekpaa, ni lɛ hu ekɛhere Israelbii lɛ.

1 Samuel 13:22

Enɛ hewɔ lɛ, gbi ni atswa ta lɛ, anaaa Saul kɛ Yonatan sɛɛbii lɛ ateŋ mɔ ko mɔ ko kwraa ni ehiɛ klante loo akplɔ, fe Saul kɛ ebi Yonatan kɛkɛ ni amɛ lɛ amɛhiɛ eko.

1 Samuel 17:39

David ŋmɔ Saul tawuu klante lɛ yɛ atade lɛ nɔ. Shi be ni David ka nyiɛmɔ lɛ eyanyɛɛɛ, ejaakɛ ewoko nakai atade dã. Kɛkɛ ni David kɛɛ Saul akɛ, “Minyɛŋ mawo nɛkɛ nibii nɛɛ mikɛyanɔ, ejaakɛ mikako eko mikwɛko dã.” No hewɔ lɛ, David jie nibii lɛ yɛ ehe,

1 Samuel 17:49

Kɛkɛ ni David kɛ enine wo ekotoku lɛ mli, ni ekɔ tɛ ewo akromia lɛ mli ni efɔ̃. Tɛ lɛ yatswa Goliat hiɛnaa ni ebote ehiɛŋtso mli; kɛkɛ ni Goliat gbee shi, ni ehiɛ yabu shi.

1 Samuel 17:51

David sha foi oya, ni eyaho edamɔ Goliat nɔ; emɔ Goliat klante lɛ egbala yɛ ehebo lɛ mli ni ekɛfo Goliat yi. Be ni Filistibii lɛ na akɛ agbe amɛtatsɛ ni tsɛɔ Israel ŋa nɔ lɛ, amɛjo foi.

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”

1 Samuel 21:9

Osɔfo Ahimelek jie naa ekɛɛ, “Goliat, Filistinyo lɛ ni ogbe yɛ Ela Jɔɔ lɛ mli lɛ klante lɛ yɛ biɛ. Ekã tsitsinɔhaanii lɛ sɛɛ ni abla he. Kɛji oosumɔ lɛ no lɛ kɔ, ejaakɛ no sɛɛ lɛ klante kroko ko bɛ biɛ dɔŋŋ.” Ni David to he ekɛɛ akɛ, “Enɔ bɛ po; kɔ ohã mi.”

1 Samuel 23:21

Saul kɛɛ Zif hii nɛɛ akɛ, “Yehowa ajɔɔ nyɛ akɛ nyɛnu he nyɛhã mi.