1 Samuel 17:47 - ŊMALƐ KRƆŊKRƆŊ LƐ

⁴⁷ Asaŋ asafo ni ekpe nɛɛ fɛɛ kɛaana ale akɛ jeee klante loo akplɔ Yehowa kɛhereɔ mɔ yiwala, ejaakɛ ta lɛ Yehowa diɛŋtsɛ ji mɔ ni wuɔ, ni ebaaŋɔ nyɛ ewo wɔdɛŋ.”

Ṅmãle̱ Kroṅkroṅ Le̱

⁴⁷ ni asafo ní ekpe ne̱ fẽ aaná ale ake̱ dšee klante lo akplo̱ Iehowa ke̱-hereo̱ mo yiwala; edšake̱ Iehowa nõ dši ta le̱, ni eeṅõnye ewo wo̱deṅ!

1 Samuel 17:47 ပူးပေါင်းရင်းမြစ်များ

2 Maŋtsɛmɛi 5:15

Kɛkɛ ni Naaman ku esɛɛ eba Nyɔŋmɔ gbɔmɔ lɛ ŋɔɔ ekoŋŋ, lɛ kɛ emɛi ni nyiɛ esɛɛ lɛ fɛɛ. Eba ni ebadamɔ shi yɛ Elisha hiɛ, ni ekɛɛ lɛ akɛ, “Naa, kpaako mina mile akɛ shikpɔŋ lɛ nɔ fɛɛ lɛ, nyɔŋmɔ ko nyɔŋmɔ ko bɛ ni tamɔ Israel Nyɔŋmɔ lɛ; no hewɔ lɛ, ofainɛ ni ohe otsulɔ dɛŋ nikeenii ko.”

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

Lalai 46:11

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Hosea 1:7

Shi mimusuŋ aaatsɔ̃ mi yɛ Yuda he, ni mi Yehowa, amɛNyɔŋmɔ lɛ, mibahere amɛyiwala; shi moŋ mitsɔ̃ŋ gãi loo klante loo ta loo okpɔŋɔi loo tayaa okpɔŋɔnɔtalɔi anɔ mihereŋ amɛyiwala.”

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

Romabii 8:37

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 18:17

Saul wo David shi akɛ, “Bɛ ona mibiyoo nukpa Merab lɛ? Mikɛ lɛ baahã bo gbãlã kɛji ooofee ekãa kɛkɛ ni okɛ Yehowa henyɛlɔi lɛ aaawu ahã mi lɛ.” Saul susumɔ ji akɛ, lɛ tuuŋtu lɛ, ekɛ enine etaŋ David he, shi Filistibii lɛ ji mɛi ni baagbe David ahã lɛ yɛ tai lɛ eko mli.