1 Samuel 17:46 - ŊMALƐ KRƆŊKRƆŊ LƐ

⁴⁶ Ŋmɛnɛ gbi nɛɛ lɛ Yehowa baahã maye onɔ kunim, ni mafo oyi, ni mikɛ Filistibii ata lɛ mli gbohii lɛ baahã ŋwɛi loofɔji kɛ shikpɔŋ lɛ nɔ kooloi kakawuai koni amɛye, koni jeŋ muu lɛ fɛɛ ana ale akɛ Nyɔŋmɔ ko yɛ Israel.

Ṅmãle̱ Kroṅkroṅ Le̱

⁴⁶ Ṅme̱ne̱ gbĩ ne̱ Iehowa aadšieo awo mideṅ, ní magbeo, ni mafo oyi, ni maṅõ Filistibii ata le̱ mli gbohĩĩ le̱ mahã ṅwei lofõdši ke̱ šikpoṅ le̱ no̱ koloi awuyelo̱i ṅme̱ne̱, koni šikpoṅ mū le̱ fẽ aana ale ake̱ Nyoṅmo̱ ko ye̱ Israel,

1 Samuel 17:46 ပူးပေါင်းရင်းမြစ်များ

1 Mose 40:19

Biɛ gbii etɛ̃ lɛ, Farao aaajie bo yɛ tsuŋ ni eeefo oyi ni ekɛ bo aaatsotsoro tso nɔ, ni loofɔji aaaye oheloo.”

2 Samuel 18:28

Ahimaaz bo ni ekɛɛ Maŋtsɛ David akɛ, “Wɔye omanye eei!” Kɛkɛ ni eho egbee shi, ni ekɛ ehiɛ bu shi, ni ekoto maŋtsɛ lɛ, ni ekɛɛ, “Ada Yehowa, oNyɔŋmɔ lɛ, shi akɛ ehã oye mɛi ni te shi amɛwo bo, maŋtsɛ, lɛ anɔ kunim.”

2 Samuel 21:10

Kɛkɛ ni Aia biyoo, Rizpa, Saul hemɔ lɛ, kɔ kpekpe ni eshi lɛ buu eha enɔ yɛ tɛsaa lɛ nɔ he ni gbohii lɛ jwere lɛ, kɛjɛ nikpamɔ shishijee be lɛ mli kɛyashi be ni nu bɔi nɛmɔ kɛ amɛnɔshwiemɔ. Shwane lɛ eŋmɛɛɛ gbɛ koni loofɔji abasɔmɔ gbohii lɛ anɔ, ni nyɔɔŋ hu eshwieɔ ŋaŋ kooloi yɛ amɛhe.

1 Maŋtsɛmɛi 8:43

no lɛ bo lɛ toi yɛ ŋwɛi ni ji oshihilɛhe lɛ, ni ofee nɔ fɛɛ nɔ ni gbɔ lɛ boɔ tsɛɔ bo yɛ he lɛ ohã lɛ. Enɛ baahã shikpɔŋ lɛ nɔ majimaji fɛɛ ale ogbɛi lɛ koni amɛja bo tamɔ omaŋ Israelbii feɔ lɛ. Ni amɛsaa amɛaana amɛle akɛ ogbɛi aŋɔ wo nɛkɛ Sɔlemɔtsu ni mimã kɛhã ojamɔ nɛɛ.

1 Maŋtsɛmɛi 8:60

Enɛ baahã shikpɔŋ lɛ nɔ majimaji fɛɛ ana ale akɛ Yehowa pɛ ji Nyɔŋmɔ, nyɔŋmɔ ko nyɔŋmɔ ko bɛ he ko dɔŋŋ.

2 Maŋtsɛmɛi 19:19

No hewɔ lɛ, agbɛnɛ, bo Yehowa, wɔNyɔŋmɔ, miikpa bo fai, heremɔ wɔyiwala kɛjɛ edɛŋ, koni shikpɔŋ lɛ nɔ maŋtsɛyelii fɛɛ ana ale akɛ bo, Yehowa, okome too pɛ ji Nyɔŋmɔ.”

2 Maŋtsɛmɛi 5:15

Kɛkɛ ni Naaman ku esɛɛ eba Nyɔŋmɔ gbɔmɔ lɛ ŋɔɔ ekoŋŋ, lɛ kɛ emɛi ni nyiɛ esɛɛ lɛ fɛɛ. Eba ni ebadamɔ shi yɛ Elisha hiɛ, ni ekɛɛ lɛ akɛ, “Naa, kpaako mina mile akɛ shikpɔŋ lɛ nɔ fɛɛ lɛ, nyɔŋmɔ ko nyɔŋmɔ ko bɛ ni tamɔ Israel Nyɔŋmɔ lɛ; no hewɔ lɛ, ofainɛ ni ohe otsulɔ dɛŋ nikeenii ko.”

Lalai 31:8

Oŋmɛko mihe owoko henyɛlɔ lɛ dɛŋ; shi moŋ, ohã minane ena maahe.

Lalai 46:10

“Nyɛfea dioo, ni nyɛnaa nyɛlea akɛ mi, mi ji Nyɔŋmɔ; Awo minɔ gojoo yɛ majimaji lɛ ateŋ, Awo minɔ gojoo yɛ shikpɔŋ muu lɛ fɛɛ nɔ.”

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Yesaia 37:20

No hewɔ lɛ, agbɛnɛ, Ao wɔNyɔŋmɔ, heremɔ wɔ yɛ Asiria maŋtsɛ lɛ dɛŋ koni shikpɔŋ lɛ nɔ maŋtsɛyelii fɛɛ kɛna ale akɛ bo okoome ji Yehowa.”

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yesaia 56:9

Nyɛ ŋa nɔ kooloi kɛ nyɛ koo mli kooloi hu fɛɛ, nyɛbaa nyɛbayea nii!

Yeremia 19:7

Mahã Yudabii kɛ Yerusalɛm maŋbii ayiŋtoi fɛɛ afee yaka yɛ biɛ. Mahã amɛnyɔnyɔi yɛ klante naa yɛ amɛhenyɛlɔi kɛ mɛi ni taoɔ amɛ efɔŋ amɛfee lɛ ahiɛ. Mahã ŋwɛi loofɔji kɛ shikpɔŋ nɔ kooloi aye amɛgbohii lɛ.

Yeremia 34:20

Mibaŋɔ amɛ mawo amɛhenyɛlɔi ni taoɔ amɛgbele lɛ adɛŋ, ni amɛgbohii baatsɔ̃ niyenii ahã ŋwɛi loofɔji kɛ shikpɔŋ nɔ kooloi kakawuai.

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 3:29

“No hewɔ lɛ, miiwo akpɔ akɛ mɔ fɛɛ mɔ ni aaawie Shadrak kɛ Meshak kɛ Abednego Nyɔŋmɔ lɛ he wiemɔ fɔŋ ko lɛ, he fɛɛ he maŋ loo shikpɔŋ nɔ ni mɔ lɛ jɛ, loo wiemɔ fɛɛ wiemɔ ni mɔ lɛ wieɔ lɛ, atserɛ egbɔmɔtso mli mɛnyɛmɛnyɛ, asaŋ afite eshĩa hu koni jɛi atsɔ tumo. AmɛNyɔŋmɔ lɛ sɛɛ lɛ nɔ ko kwraa bɛ dɔŋŋ ni baanyɛ ehere gbɔmɔ yiwala tamɔ nɛkɛ.”

Mateo 24:28

Ejaakɛ he fɛɛ he ni gbonyo kã lɛ, jɛi akpaŋai buaa amɛhe naa yɛ.”

5 Mose 28:26

Ogbonyo aaatsɔ̃ niyenii ahã ŋwɛi loofɔji kɛ ŋaŋ kooloi, ni onaŋ mɔ ko po ashwie amɛ kɛje ohe.

5 Mose 7:2

Kɛji Yehowa, nyɛNyɔŋmɔ lɛ, kɛ amɛwo nyɛdɛŋ nɛkɛ lɛ, nyɛkpãtãa amɛhiɛ kwraa. Nyɛ kɛ amɛ akakpãŋa kpãŋmɔ ko, ni asaŋ nyɛkanaa amɛ mɔbɔ.

5 Mose 7:23

Yehowa, nyɛNyɔŋmɔ lɛ, baatu amɛ awo nyɛdɛŋ, ni ebaahã amɛ jijaa jijaamɔ wulu kɛyashi beyinɔ ni amɛhiɛ aaakpãtã.

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Yoshua 4:24

koni je lɛŋ gbɔmɛi fɛɛ ana ale akɛ Yehowa yɛ hewalɛ, koni nyɛshe Yehowa, nyɛNyɔŋmɔ lɛ, gbeyei kɛya naanɔ.”

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 17:44

ekɛɛ David akɛ, “Ba! Bo lɛ shɛ biɛ; mikɛ oloo baahã loofɔji kɛ ŋaŋ kooloi ni amɛye.”