1 Samuel 17:45 - ŊMALƐ KRƆŊKRƆŊ LƐ

⁴⁵ David to he ehã Filistinyo lɛ akɛ, “Bo lɛ ooba minɔ kɛ klante kɛ akplɔ kɛ tsɛŋ; shi mi lɛ mikɛ bo miiba abakpe yɛ Yehowa ni ji Tatsɛ lɛ, Israel tai ni obɔɔ amɛ ahora lɛ aNyɔŋmɔ lɛ, gbɛi mli.

Ṅmãle̱ Kroṅkroṅ Le̱

⁴⁵ Ke̱ke̱ ni David kē̱ Filistinyo le̱ ake̱: Bo le̱ ōba miṅõ ke̱ klante ke̱ akplo̱ ke̱ tše̱ṅ; ši mi le̱ miba oṅõ ye̱ Iehowa Zabaot ni dši Israel tai ní obo̱ö̱ame̱ ahora le̱ a-Nyoṅmo̱ le̱ gbe̱i amli!

1 Samuel 17:45 ပူးပေါင်းရင်းမြစ်များ

2 Kronika 14:10

No hewɔ lɛ, Asa hu fã kɛ etabilɔi koni ekɛ Zera eyakpe. Biɛ kɛ biɛ lɛ gba ta yɛ Zefata Jɔɔ lɛ mli yɛ Maresha.

2 Kronika 32:8

Lɛ lɛ adesa hewalɛ kɛ lɛ yɔɔ; shi wɔ lɛ, Yehowa, wɔNyɔŋmɔ lɛ kɛ wɔ yɔɔ, koni eye ebua wɔ, asaŋ koni ewu wɔtai lɛ ehã wɔ.” Maŋbii lɛ na ekãa kɛ hiɛnɔkãmɔ yɛ Yuda Maŋtsɛ Hezekia wiemɔi lɛ ahewɔ.

Lalai 124:8

Wɔyelikɛbuamɔ yɛ Yehowa, mɔ ni bɔ ŋwɛi kɛ shikpɔŋ lɛ dɛŋ.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 20:8

Nakai mɛi lɛ, amɛaatswia shi, ni amɛaanyɔnyɔi; shi wɔ lɛ, wɔɔte shi, wɔɔdamɔ shi shiŋŋ.

Lalai 3:8

Kunimyeli lɛ Yehowa dɛŋ ejɛɔ, Yehowa, ojɔɔmɔ aba omaŋ lɛ nɔ. Sela

Lalai 44:6

Ejaakɛ jeee migãi nɔ mihiɛ kã, asaŋ jeee miklante aaahere miyiwala.

Abe̱i 18:10

Mɔɔ ni wa ji Yehowa gbɛi lɛ, ni no mli jalɔ shaa foi kɛyaa, ni ehiɔ shi shweshweeshwe.

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yesaia 37:28

“Mile oshitee kɛ oshitamɔ, kɛ oyaa kɛ obaa mli fɛɛ, kɛ ogrimɔ ni ogri owo mi lɛ.

2 Korintobii 10:4

Ejaakɛ wɔtawuunii lɛ jeee heloo mli nii ni, shi moŋ, yɛ Nyɔŋmɔ hiɛ lɛ, hewalɛnii ni akɛkumɔɔ mɔji ni yɔɔ hewalɛ ni,

2 Korintobii 3:5

Jeee akɛ wɔsa yɛ wɔnyɛmɔ naa, ní wɔɔjwɛŋ akɛ nɔ ko jɛ wɔ diɛŋtsɛ wɔmli, shi wɔsalɛ lɛ Nyɔŋmɔ mli ejɛ;

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

1 Samuel 17:10

Kɛkɛ ni Filistinyo lɛ kɛɛ, “Miitswa Israel ta lɛ mpoa ŋmɛnɛ! Nyɛfãa nuu kɛbaa koni ekɛ mi abanɔ.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.

1 Samuel 17:6

Ewo akɔɔble tswakoto ni etsimɔ enaji ahe, ni akɔɔble fitii bloblo ko ble ekɔji asɛɛ.