1 Samuel 17:36 - ŊMALƐ KRƆŊKRƆŊ LƐ

³⁶ Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.

Ṅmãle̱ Kroṅkroṅ Le̱

³⁶ Dšata ke̱ ošĩšĩbriši po le̱ otšũlo̱ egbe, ni ne̱ke̱ Filistinyo fõlo̱ ne̱ aatšṍ tamo̱ ame̱teṅ mokome, ake̱ nõ kẽ ní ebo̱ö̱ Nyoṅmo̱ hĩekãlo̱ le̱ tai le̱ ahora ne̱!

1 Samuel 17:36 ပူးပေါင်းရင်းမြစ်များ

2 Kronika 32:17

Asiria maŋtsɛ lɛ diɛŋtsɛ hu ŋmala woji ekɛbabɔ Yehowa, Israel Nyɔŋmɔ lɛ, ahora. Etswa mpoa yɛ wolo lɛ mli ni ekɛɛ akɛ, “Bɔ ni shikpɔji lɛ anɔ jemawɔji lɛ nyɛko ahere amɛmaŋbii ayiwala yɛ midɛŋ dã lɛ, nakai nɔŋŋ Hezekia Nyɔŋmɔ lɛ nyɛŋ ahere emaŋ lɛ yɛ midɛŋ.”

Yesaia 10:15

Shi Nuŋtsɔ Yehowa, Taiatsɛ lɛ, miikɛɛ akɛ, “Ani lema baanyɛ eshwã ewo mɔ ni hiɛ emli lɛ lo? Aloo ani saalai baanyɛ ete shi ewo mɔ ni hiɛ lɛ lɛ? Ani tso nyɛɔ mɔ ni hiɛ lɛ lɛ moŋ nɔ ewoɔ? Aloo kplamɔ tso moŋ nyɛɔ mɔ ni ejeee tso nɔ ewoɔ.”

Yesaia 36:15

Nyɛkahãa Hezekia miihã nyɛkɛ nyɛhiɛ miifɔ Yehowa nɔ, ni nyɛkɛɛ akɛ, ‘Bɔ fɛɛ bɔ ni fee lɛ Yehowa baahere wɔyiwala; atuŋ maŋ nɛɛ awoŋ Asiria maŋtsɛ lɛ dɛŋ kɔkɔɔkɔ.’

Yesaia 36:18

Nyɛkahãa Hezekia miilakaa nyɛ akɛ Yehowa baahere nyɛyiwala.’ Ani jeŋmaji lɛ anyɔŋmɔi lɛ eko ehere eshikpɔŋ yiwala kɛje Asiria maŋtsɛ lɛ dɛŋ pɛŋ?

Ezekiel 28:10

Obaatsɔ gbɔi anine nɔ ni ogbo foolɔi agbele, ejaakɛ mi, miwie. Nuŋtsɔ Yehowa kɛɛ.”

Ezekiel 32:19

Bi akɛ ‘Ohe yɛ fɛo fe namɔ?’ Kpelekemɔ shi kɛya gbohiiaje ni akɛ bo ayaŋmɛ foolɔi lɛ amasɛi!

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Zakaria 12:3

Nakai be lɛ mli lɛ mahã Yerusalɛm atsɔ̃ tɛ ni tsii mahã maji ni bɔle lɛ lɛ. Maŋ fɛɛ maŋ ni aaaka tɛ nɛɛ nɔ womɔ lɛ aaapila. Ni shikpɔŋ lɛ nɔ majimaji krokomɛi fɛɛ aaafee ekome amɛte shi amɛwo Yerusalɛm.

Zakaria 2:8

Bɔ ni Yehowa Taiatsɛ lɛ kɛɛ nɛ, “Enunyam lɛ sɛɛ lɛ etsu mi kɛtee maji ni hahaa nyɛnii lɛ aŋɔɔ; ejaakɛ kɛji mɔ ko ta nyɛhe lɛ eta mi diɛŋtsɛ mihiŋmɛiŋ ajaŋmalaatɛ he.

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 17:10

Kɛkɛ ni Filistinyo lɛ kɛɛ, “Miitswa Israel ta lɛ mpoa ŋmɛnɛ! Nyɛfãa nuu kɛbaa koni ekɛ mi abanɔ.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:35

mitiuɔ kooloo lɛ miyatswaa lɛ nɔ, ni mishɔ̃ɔ toobi lɛ yɛ edɛŋ. Kɛji jata loo oshishibrishi lɛ te shi ewo mi lɛ, mimɔɔ etsɛŋ, ni mitswiaa lɛ nii, ni migbeɔ lɛ.

1 Samuel 17:37

Yehowa, mɔ ni jie mi yɛ jata kɛ oshishibrishi daaŋ lɛ, lɛ nɔŋŋ eeejie mi yɛ Filistinyo nɛɛ dɛŋ.” Kɛkɛ ni agbɛnɛ Saul kɛɛ David akɛ, “Ojogbaŋŋ! Yaa, ni Yehowa aye abua bo.”

1 Samuel 18:17

Saul wo David shi akɛ, “Bɛ ona mibiyoo nukpa Merab lɛ? Mikɛ lɛ baahã bo gbãlã kɛji ooofee ekãa kɛkɛ ni okɛ Yehowa henyɛlɔi lɛ aaawu ahã mi lɛ.” Saul susumɔ ji akɛ, lɛ tuuŋtu lɛ, ekɛ enine etaŋ David he, shi Filistibii lɛ ji mɛi ni baagbe David ahã lɛ yɛ tai lɛ eko mli.

1 Samuel 31:4

Kɛkɛ ni Saul kɛɛ oblanyo ni hiɛɔ etawuunii lɛ akɛ, “Gbalamɔ oklante lɛ, ni okɛdu mi bɔ ni afee ni foolɔi nɛɛ akaba amɛbagbe mi, ni amɛfee mi niseniianii.” Shi oblanyo lɛ emiii nakai feemɔ ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ, ni eho egbee nɔ.