1 Samuel 17:34 - ŊMALƐ KRƆŊKRƆŊ LƐ

³⁴ Shi David here Saul nɔ ni ekɛɛ akɛ, “Otsulɔ kwɛɔ etsɛ toi. Be fɛɛ be ni jata loo oshishibrishi ko aaabamɔ toi lɛ ateŋ toobi ko lɛ,

Ṅmãle̱ Kroṅkroṅ Le̱

³⁴ Ni David kē̱ Saul ake̱: Otšũlo̱ kwe̱o̱ etše̱ tōi, ni ké̱ dšata lo ošišibriši ba bamõ tōbi ko ke̱-dše̱ tōi le̱ ateṅ le̱,

1 Samuel 17:34 ပူးပေါင်းရင်းမြစ်များ

1 Mose 31:39

Kooloi lɛ ateŋ nii ni kooloi awuiyelɔi tserɛɔ lɛ, mikɛbahãaa bo, mitoɔ bo najiaŋ. Nyɔɔŋ aju eko jio, shwane jio mi, midɛŋ oheɔ yɛ.

2 Samuel 17:8

Ole akɛ otsɛ kɛ ewebii lɛ tabilɔi hii kakabãi ji amɛ, ni amrɔ nɛɛ amɛhiɛ edɔ tamɔ oshishibrishi yoofɔyoo ni ayaju ebii yɛ ehe yɛ jwɛiaŋ. Ole hu akɛ otsɛ lɛ tatsɛ kpanaa ni, ni ekɛ maŋbii lɛ ehiŋ he kome nyɔɔŋ nɛɛŋ.

2 Samuel 23:20

Benaia, Yehoiada bi lɛ, ni jɛ Kabzeel lɛ, lɛ hu hii kakabãi lɛ eko ni; ni efee ekãa naa nibii srɔtoi wuji babaoo. Eko ji akɛ egbe Moabbii tabilɔi enyɔ komɛi. Be ko hu lɛ ekpeleke shi kɛtee, ni eyagbe jata yɛ bu ko mli yɛ snoo be mli.

1 Kronika 11:22

Benaia, Yehoiada bi lɛ, ni jɛ Kabzeel lɛ, hu hii kãkãlɔi lɛ eko ni; ni efee ekãa naa nibii wuji srɔtoi babaoo. Eko ji akɛ egbe Moabbii tabilɔi kpanakpanai enyɔ komɛi be ko. Be ko hu lɛ ekpeleke shi kɛtee ni eyagbe jata yɛ bu ko mli yɛ snoo be mli.

Lalai 143:5

Mikaiɔ blema gbii lɛ, mijwɛŋɔ nii ni ofee lɛ fiaa he; misusuɔ oninenaa nitsumɔi lɛ ahe.

Ezekiel 34:12

Bɔ ni tookwɛlɔ taoɔ etooku ni egbɛ eshwã lɛ sɛɛgbɛ lɛ, nakai nɔŋŋ matao mitoi lɛ asɛɛgbɛ. Mabua amɛnaa kɛjɛ he fɛɛ he ni amɛgbɛ amɛshwã kɛtee, yɛ gbi ni atatu kɛ duŋ kpii ewo nɔ tete.

Amos 3:12

Yehowa kɛɛ akɛ, “Bɔ ni tookwɛlɔ shɔ̃ɔ too shuɔji enyɔ loo etoi kuku kɛkɛ po yɛ jata daaŋ lɛ, nakai kɛji eshwɛ saatso tso kuku kɛkɛ loo saashwɛ tete akɛbaahere Israelbii ni yɔɔ Samaria lɛ ayiwala.”

Zakaria 11:16

Shi naa, miitee tookwɛlɔ ko shi yɛ shikpɔŋ lɛ nɔ; lɛ lɛ, jeee ehe sane ko ji too ni miigbo lɛ. Toi ni egbɛ eshwã lɛ ebuaŋ amɛnaa. Nɔ ni epila lɛ, etsaŋ lɛ; ni toi ni yɔɔ hewalɛ lɛ lɛ ehaŋ amɛ niyenii amɛyeŋ; shi moŋ gbe eeegbe toi ni ewowoi fɔ lɛ eye, belɛ eekpɔlɔ amɛnaji ahe koklotoi lɛ eeshwie.

Zakaria 9:7

Mahã amɛkpa loo ni emli lá fɛɛ tsereko yeli kwraa, ni amɛnihiinii tekeŋ amɛtsɛ̃ŋ, ni emli mɛi komɛi kɛ̃ aaashwɛ ahã wɔNyɔŋmɔ lɛ, amɛaatsɔ̃ tamɔ Yuda akutsei lɛ eko; ni Ekronbii hu aaatsɔ̃ tamɔ Yebusbii.

Luka 2:8

Tookwɛlɔi komɛi yɛ ŋa nɔ yɛ jɛi niiaŋ ni amɛmiishi kpe kɛmiibu amɛtoi ahe nyɔɔŋ.

Yohane 10:11

“Mi ji tookwɛlɔ kpakpa lɛ. Tookwɛlɔ kpakpa lɛ kɛ ewala ŋmɛɔ shi yɛ etoi lɛ anajiaŋ.

Romabii 5:4

ni hiɛmiamɔ tsɛɔ su ni sa Nyɔŋmɔ hiɛ kɛbaa; ni su nɛɛ tsɛɔ hiɛnɔkãmɔ kɛbaa;

Hebribii 11:33

mɛi ni tsɔ̃ hemɔkɛyeli nɔ amɛye maŋtsɛyelii anɔ kunim, amɛtsu jalɛnii, amɛnine shɛ shiwoi anɔ, amɛtsimɔ jatai anaa,

Kpojiemɔ 13:2

Ni kooloo lɛ ni mina lɛ tamɔ mlaŋtswi, ni enaji tamɔ oshishibrishi naji, ni enaabu tamɔ jata naabu. Ni drako lɛ kɛ lɛ diɛŋtsɛ ehewalɛ lɛ kɛ emaŋtsɛ sɛ̃i lɛ kɛ hegbɛ kpeteŋkple hã lɛ.

Kojolɔi 14:6

Yehowa Mumɔ lɛ ba Samson nɔ kɛ hewalɛ, ni Samson tserɛ jata lɛ mli tamɔ atserɛɔ too abotiabi mli, tsɛ ehiɛɛɛ nɔ ko nɔ ko yɛ edɛŋ. Shi Samson ekɛɛɛ etsɛ loo enyɛ nɔ ni efee lɛ.

1 Samuel 17:15

kɛfee lɛ David jɛɔ Saul ŋɔɔ ni eyaa eyakwɛɔ etsɛ toi lɛ fioo yɛ Betlehem ni ekuɔ esɛɛ ebaa.

1 Samuel 17:33

Saul kɛɛ David akɛ, “Onyɛŋ Filistinyo nɛɛ hiɛ odamɔ, ejaakɛ bo lɛ gbekɛ kɛkɛ ji bo, shi lɛ lɛ ewu ta aahu kɛjɛ eblahiiaŋ tɔ̃ɔ.”

1 Samuel 17:35

mitiuɔ kooloo lɛ miyatswaa lɛ nɔ, ni mishɔ̃ɔ toobi lɛ yɛ edɛŋ. Kɛji jata loo oshishibrishi lɛ te shi ewo mi lɛ, mimɔɔ etsɛŋ, ni mitswiaa lɛ nii, ni migbeɔ lɛ.