1 Samuel 17:26 - ŊMALƐ KRƆŊKRƆŊ LƐ

²⁶ David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

Ṅmãle̱ Kroṅkroṅ Le̱

²⁶ Ke̱ke̱ ni David kē̱ hĩĩ le̱ ní eke̱-damo̱ ši le̱ ake̱: Meni aafe ahã moni aagbe Filistinyo ne̱, níi eedšie ahorabō̱ ne̱ ye̱ Israel no̱ le̱? Edšake̱ namo po dši ne̱ke̱ Filistinyo fõlo̱ ne̱, ni ebo̱ö̱ Nyoṅmo̱ hĩekãlo̱ le̱ tai le̱ ahora ne̱?

1 Samuel 17:26 ပူးပေါင်းရင်းမြစ်များ

2 Maŋtsɛmɛi 19:4

Eko lɛ Yehowa oNyɔŋmɔ lɛ enu Rabshake wiemɔi fɛɛ ni enuŋtsɔ Asiria Maŋtsɛ lɛ kɛtsu lɛ koni ekɛbabɔ Nyɔŋmɔ hiɛkãalɔ lɛ ahora lɛ, ni Yehowa baakã ehiɛ yɛ wiemɔi ni Yehowa oNyɔŋmɔ lɛ enu lɛ hewɔ. No hewɔ lɛ, sɔlemɔ okpa fai ohã wɔmaŋbii ni eshwɛ ni yɔɔ lɛ.”

2 Kronika 32:17

Asiria maŋtsɛ lɛ diɛŋtsɛ hu ŋmala woji ekɛbabɔ Yehowa, Israel Nyɔŋmɔ lɛ, ahora. Etswa mpoa yɛ wolo lɛ mli ni ekɛɛ akɛ, “Bɔ ni shikpɔji lɛ anɔ jemawɔji lɛ nyɛko ahere amɛmaŋbii ayiwala yɛ midɛŋ dã lɛ, nakai nɔŋŋ Hezekia Nyɔŋmɔ lɛ nyɛŋ ahere emaŋ lɛ yɛ midɛŋ.”

Nehemia 5:9

Kɛkɛ ni mitsa miwiemɔ lɛ nɔ, ni mikɛɛ, “Nɔ ni nyɛfeɔ lɛ ejaaa. Ani esaaa akɛ nyɛkɛ wɔNyɔŋmɔ lɛ he gbeyeishemɔ baa nyɛjeŋ koni wɔkɛku wɔhe fɛo ni jemajiaŋbii ni ji wɔhenyɛlɔi lɛ yeɔ lɛ naa lo?

Lalai 44:13

Ohã mɛi ni bɔle wɔ lɛ bɔɔ wɔ ahora, mɛi ni bɔle wɔ lɛ yeɔ wɔhe fɛo ni amɛŋmɔɔ wɔ.

Lalai 74:18

Oo Yehowa, kaimɔ bɔ ni henyɛlɔi lɛ bɔɔ bo ahora amɛhãa; kɛ bɔ ni mɛi ni sheee Nyɔŋmɔ gbeyei lɛ gbeɔ ogbɛi lɛ he guɔ.

Lalai 79:12

Oo Nuŋtsɔ, ahora ni maji ni yɔɔ wɔmasɛi ebɔ bo lɛ, bɔɔ he nakai toi kpawo oshãkã amɛtsitsi.

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Yeremia 9:25

Yehowa kɛɛ akɛ, “Naa, be miiba ni mibagbala Israelbii ni efo ketia lɛ atoi ejaakɛ amɛtamɔ mɛi ni efoko ketia lɛ nɔŋŋ.

Yeremia 9:26

Mibagbala Ijipt kɛ Yuda kɛ Edombii kɛ Amonbii kɛ Moabbii kɛ shiaŋa lɛ nɔ bii ni shɛɔ amɛyitsei ahe lɛ hu atoi, ejaakɛ maji nɛɛ fɛɛ lɛ foolɔi ni, ni Israelbii lɛ hu tsuiŋ foolɔi ji amɛ.”

Ezekiel 28:10

Obaatsɔ gbɔi anine nɔ ni ogbo foolɔi agbele, ejaakɛ mi, miwie. Nuŋtsɔ Yehowa kɛɛ.”

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Daniel 6:27

Jielɔ kɛ herelɔ ji lɛ; etoɔ okadii, ni efeɔ naakpɛɛ nii yɛ ŋwɛi kɛ shikpɔŋ lɛ nɔ. Ehere Daniel yɛ jatai lɛ adɛŋ.”

Daniel 9:16

Ao! Nuŋtsɔ, yɛ ojalɛ saneyeli hewɔ lɛ, ofainɛ, foo omli ni efu Yerusalɛm kɛ omli ni ewo lɛ la lɛ sɛɛ. Bo diɛŋtsɛ omaŋ kɛ gɔŋ krɔŋkrɔŋ ni. Eshai ni wɔfee kɛ eshai hu ni wɔtsɛmɛi lɛ fee lɛ hewɔ lɛ, omaŋ Yerusalɛm kɛ omaŋbii lɛ ahiɛ eshwie shi yɛ majimaji ni bɔle wɔ lɛ ahiɛ.

Yoel 2:19

Ehere amɛ nɔ, ni ekɛɛ amɛ akɛ, “Agbɛnɛ mibahã nyɛ abele kɛ wain kɛ mu, koni nyɛye nyɛtɔrɔ; maji krokomɛi ebɔŋ nyɛ ahora dɔŋŋ.

5 Mose 5:26

Ejaakɛ mɛɛ gbɔmɔ adesa enu Nyɔŋmɔ hiɛkãalɔ lɛ gbee ni miiwie kɛjɛ la teŋ tamɔ wɔnu nɛɛ, ni eyi ena wala dã?

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

Yoshua 3:10

Be ni maŋbii lɛ tsi ba lɛ, Yoshua kɛɛ amɛ akɛ, “Enɛ nyɛkɛaale akɛ Nyɔŋmɔ hiɛkãalɔ lɛ yɛ nyɛteŋ, ni akɛ shwiemɔ eeeshwie Kanaanbii lɛ kɛ Hitbii lɛ kɛ Hivbii lɛ kɛ Perizbii lɛ kɛ Girgashbii lɛ kɛ Amorbii lɛ kɛ Yebusbii lɛ kɛaaje nyɛhiɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

1 Samuel 11:2

Shi Nahash, Amonbii amaŋtsɛ lɛ, hã amɛ hetoo ekɛɛ, “Dani mikɛ nyɛ aaakpãŋ ni wɔfee ekome lɛ, ja nyɛhã mifamɔ nyɛninejurɔ hiŋmɛii fɛɛ yɛ nyɛyitsei ahe koni kpa ni nyɛbaaje lɛ ahã Israel muu lɛ fɛɛ hiɛ ashwie shi.”

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 17:10

Kɛkɛ ni Filistinyo lɛ kɛɛ, “Miitswa Israel ta lɛ mpoa ŋmɛnɛ! Nyɛfãa nuu kɛbaa koni ekɛ mi abanɔ.”

1 Samuel 17:30

David shi enyɛmi lɛ sɛɛ ni etsɔ̃ ehe ekɛ mɔ kroko wie. Ebi sane kome lɛ nɔŋŋ, ni hetoo koome lɛ nɔŋŋ hu ahã lɛ ekoŋŋ.

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.

1 Samuel 31:4

Kɛkɛ ni Saul kɛɛ oblanyo ni hiɛɔ etawuunii lɛ akɛ, “Gbalamɔ oklante lɛ, ni okɛdu mi bɔ ni afee ni foolɔi nɛɛ akaba amɛbagbe mi, ni amɛfee mi niseniianii.” Shi oblanyo lɛ emiii nakai feemɔ ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ, ni eho egbee nɔ.