1 Samuel 17:24 - ŊMALƐ KRƆŊKRƆŊ LƐ

²⁴ Be ni Israel tabilɔi lɛ na Goliat lɛ amɛjo foi ejaakɛ gbeyei mɔmɔ amɛ naakpa.

Ṅmãle̱ Kroṅkroṅ Le̱

²⁴ Ši beni Israel hĩĩ le̱ na nū le̱, ame̱fẽ ame̱dšo foi ye̱ ehĩe, ni ame̱še gbeyei naakpa.

1 Samuel 17:24 ပူးပေါင်းရင်းမြစ်များ

Yesaia 30:17

Gbɔmɔ kometoo yiŋaa naa lɛ, mɛi akpe aaajo foi; nyɛ fɛɛ nyɛaajo foi kɛji mɛi enumɔ ŋa nyɛyi kɛyaashi beyinɔ ni aaashwɛ mɛi fioo tamɔ aflaŋaa tso ni ma gɔŋ yiteŋ, loo tamɔ aflaŋaa ni ma gɔŋkpɔ yiteŋ.

Yesaia 7:2

Be ni Yuda maŋtsɛ lɛ nu akɛ Aram kɛ Efraim efee ekome lɛ, Ahaz kɛ emaŋbii lɛ fɛɛ atsui fã, ni amɛkpokpo tamɔ kooŋ tsei ni ahum ebote amɛteŋ.

3 Mose 26:36

“Ni nyɛteŋ mɛi ni baashwɛ yɛ nyɛhenyɛlɔi lɛ ashikpɔji lɛ anɔ lɛ, mahã nyɛtsɔ̃mɔ gbeyeilɔi feetɔi, mɛi ni baa ni etse kɛyaagbee shi gbɛɛmɔ kɛkɛ po baawo amɛ foi, ni amɛbaajo foi tamɔ ajoɔ klante naa foi, ni amɛaanyɔnyɔi, tsɛbelɛ mɔ ko mɔ ko enyiɛɛɛ amɛsɛɛ.

4 Mose 13:33

ni wɔna Anakbii ashwiei, gbɔmɛi oblaŋi gojogojoo lɛ ateŋ ekomɛi hu yɛ jɛi. Kɛji wɔkɛ wɔhe to amɛhe lɛ, wɔtamɔ agãi; ni nakai pɛpɛɛpɛ amɛ hu amɛnaa wɔ.”

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

1 Samuel 17:11

Be ni Saul kɛ Israelbii lɛ nu Filistinyo nɛɛ wiemɔi lɛ, ŋmiŋmi diɛŋtsɛ mɔmɔ amɛ, ni amɛshe gbeyei naakpa.

1 Samuel 17:23

Ekɛ amɛ hiɛ wiemɔ nɔŋŋ ni nuu tatsɛ kpanaa ko jɛ Filistibii ata lɛ mli ebadamɔ shi, ni ebabɔ̃i Israelbii lɛ mpoatswaa tamɔ efeɔ daa lɛ. David nu wiemɔi ni ewie lɛ.

1 Samuel 17:25

Wiemɔ fo shi fee sɛɛ yɛ Israelbii lɛ ateŋ akɛ, “Bɛ nyɛmiina nuu lɛ ni efã kpo lɛ, eeba ebabɔ Israel ahora. Naa, mɔ ni baanyɛ lɛ egbe lɛ maŋtsɛ baahã mɔ lɛ atsɔ̃ niiatsɛ wulu, asaŋ maŋtsɛ kɛ ebiyoo baahã lɛ gbãlã; no sɛɛ hu lɛ abaahã lɛ kɛ eweku fɛɛ akpa toowoo yɛ Israel.”