1 Samuel 17:12 - ŊMALƐ KRƆŊKRƆŊ LƐ

¹² Efraimnyo ko ni jɛ Betlehem yɛ Yuda ni atsɛɔ lɛ Yeshai lɛ bi ji David. Yeshai nɛɛ yɛ bihii kpaanyɔ, Saul yinɔ lɛ Yeshai egbɔ jogbaŋŋ diɛŋtsɛ.

Ṅmãle̱ Kroṅkroṅ Le̱

¹² Ši David le̱ *nakai Efratnyo ni dše̱ Betlehem-Iuda ni atšé̱o̱le̱ Išai le̱ bi dšile̱; ni eye̱ bihĩī kpānyo̱; ni Saul yino̱ le̱ nū le̱ egbo̱ ni eye afii pī. *Yi. 16.

1 Samuel 17:12 ပူးပေါင်းရင်းမြစ်များ

1 Mose 35:19

Rahel gbo ni afu lɛ yɛ Efrat ni ji Betlehem gbɛ lɛ he.

2 Samuel 23:1

David, Ishai bi lɛ ni Nyɔŋmɔ wo enɔ gojoo lɛ, mɔ hu ni Yakob Nyɔŋmɔ lɛ ehala ni eto lɛ maŋtsɛ lɛ, folɔ lalai kɛ ŋɔɔmɔ nɛɛ ehã Israel. Wiemɔi nɛɛ ji enaagbee wiemɔi.

Lalai 132:6

Naa, wɔnu Kpãŋmɔ Adeka lɛ he yɛ Betlehem, ni wɔyana yɛ Yearim ŋa lɛ nɔ.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Mateo 1:6

Ishai fɔ Maŋtsɛ David, ni David kɛ Uria ŋa lɛ fɔ Solomon.

Mateo 2:1

Be ni afɔ Yesu yɛ Betlehem yɛ Yudea, yɛ Maŋtsɛ Herode yinɔ lɛ, nilelɔi jɛ bokã ba Yerusalɛm babi akɛ,

Mateo 2:6

‘Ni bo, Betlehem ni oyɔɔ Yuda shikpɔŋ lɛ nɔ lɛ, jeee bo ji bibioo fe fɛɛ yɛ Yuda lumɛi lɛ ateŋ kwraa, shi omli lumɔ ni aaakwɛ mimaŋ Israel lɛ aaajɛ!’ ”

Rut Wolo Lɛ 1:2

Nuu lɛ gbɛi ji Elimelek, eŋa lɛ gbɛi ji Naomi, ni ebihii lɛ hu agbɛii ji Malon kɛ Kilion. Amɛjɛ Efrata akutso lɛŋ.

Rut Wolo Lɛ 4:17

Ni Naomi kuuŋyei lɛ nya amɛkɛɛ, “Afɔ binuu ahã Naomi eei!” Ni amɛwo abifao lɛ gbɛi akɛ Obed. Obed nɛɛ lɛ efɔ Ishai, ni Ishai hu fɔ Maŋtsɛ David.

Rut Wolo Lɛ 4:22

Obed fɔ Ishai, ni Ishai fɔ Maŋtsɛ David.

1 Samuel 1:1

Nuu ko hi shi yɛ Rama yɛ Efraim gɔji lɛ anɔ. Egbɛi ji Elkana, ni etsɛ gbɛi ji Yeroham. Zuf bi Tohu bi Elihu bi ji Elkana nɛɛ.

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 16:18

Oblahii lɛ ateŋ mɔ kome here nɔ ni ekɛɛ akɛ, “Mile Yeshai, Betlehemnyo lɛ, binuu ko ni ehe esa kɛ saŋkutswaa jogbaŋŋ diɛŋtsɛ; oblanyo kãkãlɔ ni sheee ta naa gbeyei, ni ele mɔ kɛ wiemɔ, ni ehe hu yɛ fɛo, ni Yehowa kɛ lɛ yɛ.”

1 Samuel 17:11

Be ni Saul kɛ Israelbii lɛ nu Filistinyo nɛɛ wiemɔi lɛ, ŋmiŋmi diɛŋtsɛ mɔmɔ amɛ, ni amɛshe gbeyei naakpa.

1 Samuel 17:58

Saul bi David akɛ, “Namɔ bi ji bo, oblanyo?” David jie lɛ naa ekɛɛ, “Otsulɔ Yeshai, Betlehemnyo lɛ, bi ji mi.”