1 Samuel 16:7 - ŊMALƐ KRƆŊKRƆŊ LƐ

⁷ Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”

Ṅmãle̱ Kroṅkroṅ Le̱

⁷ Ši Iehowa kē̱ Samuel ake̱: Kākwe̱ *ehĩeṅtšo lo ekwo̱le̱ nyenyereṅṅ le̱; ši misumo̱o̱le̱. Edšake̱ Iehowa kwe̱e̱ nii tamo̱ gbomo; edšake̱ gbomo le̱ ekwe̱o̱ kpono̱gbe̱nii, ši †Iehowa le̱ tšui ekwe̱o̱! *Bo̱f. 10,34. †Lal. 7,10.

1 Samuel 16:7 ပူးပေါင်းရင်းမြစ်များ

1 Mose 4:5

shi ehiɛ esɔɔɔ Kain kɛ efɔle lɛ. No hewɔ lɛ, Kain mli wo la naakpa, ni etũ ehiɛ.

2 Samuel 14:25

Nuu ko nuu ko bɛ Israel fɛɛ ni ekɛ Absalom ye egbɔ yɛ hefɛo gbɛfaŋ. Kɛjɛ enaneshi aahu kɛyashi epampam lɛ, kpa kome nɛkɛ bɛ ehe.

2 Samuel 7:20

Mɛni po yɔɔ mi David minaa ni makɛɛ dɔŋŋ? Ejaakɛ bo Nuŋtsɔ Nyɔŋmɔ, ole mi, otsulɔ.

1 Maŋtsɛmɛi 8:39

no lɛ bo amɛ toi yɛ ŋwɛi ni ji oshihilɛhe lɛ koni oŋɔ fa. Ni oye obua mɔ fɛɛ mɔ yɛ enifeemɔnii anaa, ejaakɛ bo okome too pɛ ole gbɔmɛi adesai atsuiiaŋ. Okɛ mɔ fɛɛ mɔ aye bɔ pɛ ni sa lɛ,

1 Kronika 17:18

Mɛni dɔŋŋ po yɔɔ minaa ni makɛɛ yɛ mihiɛ nyam ni owo nɛɛ hewɔ, ejaakɛ ole mi, otsulɔ momo.

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

2 Kronika 6:30

jɛɛ ŋwɛi ni ji oshihilɛhe lɛ obo toi ni okɛfa. Bo pɛ ole gbɔmɔ yitsoŋ, no hewɔ lɛ, okɛ mɔ fɛɛ mɔ aye bɔ ni sa mɔ lɛ,

Hiob 10:4

Ani adesa hiŋmɛi ohiɛ, ni okwɛɔ nii tamɔ adesa?

Hiob 35:5

Kwɛmɔ ŋwɛi! Kwɛmɔ bɔ ni atatui lɛ yɔɔ ŋwɛi shɔŋŋ yɛ oyiteŋ!

Lalai 139:2

Ole mishitamɔ kɛ mishitee mli fɛɛ; oyoɔ miyiŋtoo yɛ shɔŋŋ beebe.

Lalai 7:9

Oo, hã mɛi fɔ̃ji anɔfɔŋfeemɔ lɛ sɛɛ afo; Shi jalɔi lɛ, ojuro amɛ; ejaakɛ bo ji jalɛ Nyɔŋmɔ, ni okaa tsui kɛ jwɛŋmɔ okwɛɔ.

Abe̱i 15:11

Gbohiiaje kɛ hiɛkpãtãmɔ bu lɛ tete po naa kã yɛ Yehowa hiɛ; aahu ni gbɔmɛi adesai atsuii.

Abe̱i 16:2

Gbɔmɔ gbɛi fɛɛ ja yɛ ehiɛ; shi Yehowa lɛ, ekwɛɔ mumɔ ni yɔɔ sɛɛ.

Abe̱i 24:12

Kɛji okɛɛ akɛ, “Wɔleee enɛ wɔto” lɛ, ani mɔ ni naa tsuiaŋnii lɛ, mɔ ni buɔ osusuma he lɛ, eleee, eleee akɛ ole oto lo? Ani ewooo mɔ fɛɛ mɔ nyɔmɔ yɛ enitsumɔ naa?

Abe̱i 31:30

Hiɛnyam lɛ lakamɔ ni; ni hefɛo hu, yakayakanɔ ni; shi yoo ni sheɔ Yehowa gbeyei lɛ, aaakafo lɛ.

Yeremia 11:20

Kɛkɛ ni misɔle nɛkɛ, “Ao! Yehowa, Taiatsɛ, bo ni okojoɔ yɛ jalɛ naa, bo ni okaa gbɔmɔ susumɔ kɛ etsui fɛɛ okwɛɔ, hã mana owele ni obaatɔ yɛ gbɔmɛi nɛɛ anɔ lɛ; ejaakɛ bo odɛ̃ŋ mitu misane lɛ fɛɛ miwo.”

Yeremia 17:10

Mi, Yehowa, mitaoɔ gbɔmɔ yitsoŋ, ni mikaa tsui mikwɛɔ. Mikɛ mɔ fɛɛ mɔ yeɔ yɛ ejeŋba naa; mikɛ mɔ fɛɛ mɔ yeɔ yɛ yibii ni ewoɔ naa.

Yeremia 20:12

Ao, Yehowa, Taiatsɛ ni okaa jalɔ okwɛɔ, ni onaa etsuiŋ kɛ eyitsoŋ saji fɛɛ, hã mana amɛnɔ owele ni obaatɔ lɛ, ejaakɛ mitu misane lɛ miwo odɛ̃ŋ.

Luka 16:15

Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Yohane 7:24

Nyɛkakwɛa hiɛiaŋ nyɛkojoa, shi moŋ nyɛkojoa jalɛ kojomɔ.”

Yohane 8:15

Nyɛ lɛ nyɛkojoɔ bɔ ni gbɔmɛi kojoɔ; mi lɛ mikojooo mɔ ko.

Bɔfoi 1:24

Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala

2 Korintobii 10:10

Ejaakɛ akɛɔ akɛ, woji lɛ amli saji tsii ni amɛmli wa moŋ, shi kɛ lɛ gbɔmɔ lɛ diɛŋtsɛ eyɛ biɛ lɛ, no lɛ ehe waaa ni ewiemɔ he bɛ sɛɛnamɔ.

2 Korintobii 10:7

Nyɛkwɛa nibii bɔ ni nyɛnaa amɛ lɛ. Kɛ mɔ ko heɔ yeɔ akɛ Kristo nɔ ji lɛ lɛ, esusu he ekoŋŋ, ejaakɛ tamɔ bɔ ni eji Kristo nɔ lɛ, nakai nɔŋŋ kɛ̃ wɔ hu wɔji Kristo nii.

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

1 Petro 2:4

Lɛ eŋɔɔ nyɛba akɛ tɛ ni hiɛ kã ni gbɔmɛi ekwa lɛ moŋ, shi Nyɔŋmɔ lɛ, lɛ lɛ ehala lɛ ni ejara wa yɛ ehiɛ lɛ.

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

1 Samuel 2:3

Nyɛkawiea kɛ henɔwomɔ nɛkɛ dɔŋŋ; nyɛkawiea kɛ hetsɔ̃ɔmɔ, ejaakɛ Yehowa lɛ, Nyɔŋmɔ nilelɔ ni, ni lɛ ekojoɔ adesai anifeemɔnii.

1 Samuel 9:2

Kish nɛɛ yɛ binuu, oblanyo nɛɛ he yɛ fɛo yɛ Israelbii lɛ ateŋ; ni kɛjɛ ekɔŋ kɛtee ŋwɛi lɛ oblanyo lɛ kwɔ fe mɔ fɛɛ mɔ yɛ Israel.