1 Samuel 16:5 - ŊMALƐ KRƆŊKRƆŊ LƐ

⁵ Samuel jie naa ekɛɛ akɛ, “Hejɔlɛ baa miba! Miba mibashã afɔle mahã Yehowa. Nyɛtsuua nyɛhe, ni nyɛ kɛ mi ayaa afɔle lɛ shãa.” Etsuu Yeshai kɛ ebihii lɛ ahe, ni ekpee amɛ kɛtee afɔleshãahe lɛ.

Ṅmãle̱ Kroṅkroṅ Le̱

⁵ Ni ekē̱: Toiṅdšo̱le̱ṅ! afo̱lešã ke̱ Iehowa hãme̱ miba ne̱; nyetšūa nyehe ní nyeke̱mi ayaä afo̱le le̱ he! Ni etšū Išai ke̱ ebihĩĩ le̱ ahe, ni ekpēame̱ ke̱-te afo̱le le̱ he.

1 Samuel 16:5 ပူးပေါင်းရင်းမြစ်များ

1 Mose 35:2

No hewɔ lɛ, Yakob kɛɛ ewe lɛ kɛ mɛi fɛɛ ni kɛ lɛ yɔɔ lɛ akɛ, “Nyɛjiea maŋsɛɛ wɔji ni yɔɔ nyɛteŋ lɛ nyɛshɛraa nyɛshwiea, ni nyɛtsua nyɛhe ni nyɛtsakea nyɛtadei.

1 Maŋtsɛmɛi 2:13

Gbi ko lɛ Hagit bi Adonia ba Solomon nyɛ Batsheba ŋɔɔ. Ni Batsheba bi Adonia akɛ, “Ani oba yɛ hejɔlɛ mli lo?” Ni Adonia kɛɛ, “Hɛɛ, hejɔlɛ mli miba.

1 Kronika 12:18

Kɛkɛ ni Nyɔŋmɔ Mumɔ lɛ ba mɛi ni ba lɛ ateŋ mɔ kome nɔ. Egbɛi ji Amasai, mɔ ni fee sɛɛ ni etsɔ̃ hii Kakabãi Nyɔŋmai etɛ̃ lɛ asafoiatsɛnukpa lɛ. Ekɛɛ akɛ, “Bo onii ji wɔ, David, ni ogbɛfaŋ wɔyɔɔ, Yeshai bi. Omanye! Hɛɛ, omanye aaabla bo; ni obualɔi lɛ anɔ̃ ji omanye: Ejaakɛ oNyɔŋmɔ lɛ yeɔ ebuaa bo!” David here amɛ atuu, ni ewo amɛ asafoiatsɛmɛi yɛ etabilɔi lɛ anɔ.

Hiob 1:5

Kɛji aŋmɛ okplɔ̃ lɛ kɛbɔle bihii lɛ anɔ kɛkpe lɛ, Hiob teɔ shi daa leebi maŋkpa, ni eyashãa shãa afɔlei ehãa ebii lɛ ateŋ mɔ fɛɛ mɔ, yɛ amɛyibɔ naa koni akɛtsuu amɛhe. Ejaakɛ Hiob kɛɔ akɛ, “Benɛ mibihii lɛ ateŋ mɔ ko efee esha ko ni aleee, ni ekwa Nyɔŋmɔ yɛ etsuiŋ. Enɛ ji nɔ ni Hiob feɔ daa.”

2 Mose 19:10

Yehowa kɛɛ Mose akɛ, “Yaa maŋbii lɛ aŋɔɔ, ni otsuu amɛhe ŋmɛnɛ kɛ wɔ ni ohã amɛfɔ amɛtadei ahe,

Yoel 2:16

Nyɛbuaa maŋ lɛ naa, nyɛsaa amɛ nyɛhãa kpee krɔŋkrɔŋ; nyɛbuaa gbekɛbii kɛ mɛi ni yeɔ fufɔ lɛ anaa! Ayɛmforo wu tete aje kpo yɛ esɛɛtsuŋ, ni ayɛmforo hu aje kpo yɛ epiaŋ.

Zefania 1:7

Naa, Yehowa gbi lɛ eshɛ etã, no hewɔ lɛ, nyɛfea diŋŋ yɛ ehiɛ. Yehowa esaa afɔle lɛ eto, ni etsuu emɛi ni ekpee lɛ ahe.

4 Mose 11:8

Maŋbii lɛ yakɔlɔɔ, ni amɛbawiɛɔ yɛ wiɛ nɔ, aloo amɛshiɔ yɛ fufuitso mli, ni amɛhoɔ yɛ kukwɛi mli amɛkɛfeɔ niyenii, eŋɔ̃ɔmɔ tamɔ akpiti ni awo mli fɔ ŋɔɔmɔ.

1 Korintobii 11:28

Shi gbɔmɔ aka lɛ diɛŋtsɛ ehe ekwɛ dani eye aboloo nɛɛ eko ni enu kpulu nɛɛ eko.

Yoshua 3:5

Yoshua kɛɛ maŋbii lɛ akɛ, “Nyɛtsua nyɛhe ejaakɛ wɔ lɛ Yehowa baafee naakpɛɛ nii yɛ nyɛteŋ.”

Yoshua 7:13

Tee shi; tsuumɔ maŋbii lɛ ahe. Kɛɛmɔ amɛ akɛ, ‘Nyɛtsua nyɛhe nyɛkɛfea nyɛhe krɔŋkrɔŋ nyɛtoa wɔ’, ejaakɛ bɔ ni Yehowa, Israel Nyɔŋmɔ lɛ, kɛɛ nɛ, ‘Israelbii, nyɛkɔlɔ musu nibii lɛ eko, no hewɔ lɛ, nyɛnyɛŋ nyɛhenyɛlɔi lɛ ahiɛ nyɛdamɔ kɛyaashi beyinɔ ni nyɛaajie musunii lɛ nyɛshwie.’

1 Samuel 20:26

shi Saul ekɛɛɛ nɔ ko nakai gbi lɛ, ejaakɛ esusumɔ ji, “Sane ko eba David nɔ, ni etsuuko ehe, ni no hewɔ lɛ, ehe tseee.”