1 Samuel 16:4 - ŊMALƐ KRƆŊKRƆŊ LƐ

⁴ Samuel fee nɔ ni Yehowa kɛɛ lɛ lɛ. Be ni eshɛ Betlehem lɛ, maŋ lɛ mli onukpai lɛ kɛ Samuel bakpe kɛ hekpokpomɔ, ni amɛbi lɛ akɛ, “Hejɔlɛ baa oba nɛɛ lo?”

Ṅmãle̱ Kroṅkroṅ Le̱

⁴ Ni Samuel fe noni Iehowa kē̱ le̱, ni eba Betlehem. Ni mã le̱ṅ onukpai le̱ ke̱le̱ bakpe ke̱ hekpokpomo̱, ni ame̱kē̱: *Toiṅdšo̱le̱ mli obaä ne̱ lo? *2 Maṅ. 9,18.

1 Samuel 16:4 ပူးပေါင်းရင်းမြစ်များ

1 Mose 35:19

Rahel gbo ni afu lɛ yɛ Efrat ni ji Betlehem gbɛ lɛ he.

1 Mose 48:7

Ejaakɛ be ni mijɛ Mesopotamia ni mibaa Kanaan lɛ, Rahel gbo shi mi yɛ gbɛ teŋ, be ni eshwɛ gbɛ kukuoo dani ashɛɔ Efrat lɛ, ni mifu lɛ yɛ jɛi yɛ gbɛ ni yaa Efrat ni ji ŋmɛnɛ Betlehem lɛ he.”

2 Samuel 6:9

David she Yehowa gbeyei nakai gbi lɛ, ni ekɛɛ akɛ, “Te mafee tɛŋŋ mato Yehowa Kpãŋmɔ Adeka lɛ hu?”

1 Maŋtsɛmɛi 17:18

Kɛkɛ ni yoo lɛ kɛɛ Elia akɛ, “Ao Nyɔŋmɔ gbɔmɔ, mɛni mifee bo! Obato mi koni akai efɔŋ ni mifee, koni agbe mibinuu lɛ lo?”

1 Maŋtsɛmɛi 2:13

Gbi ko lɛ Hagit bi Adonia ba Solomon nyɛ Batsheba ŋɔɔ. Ni Batsheba bi Adonia akɛ, “Ani oba yɛ hejɔlɛ mli lo?” Ni Adonia kɛɛ, “Hɛɛ, hejɔlɛ mli miba.

2 Maŋtsɛmɛi 9:22

Be ni Yoram na Yehu lɛ, ebi lɛ akɛ “Yehu, hejɔlɛ sane okɛbaa lo?” Yehu here nɔ akɛ, “Te baafee tɛŋŋ ni hejɔlɛ aba hu, bei abɔ ni ŋkunyaayeli kɛ wɔŋjamɔ ni onyɛ Yezebel bato shishi lɛ yɔɔ lolo lɛ?”

Hosea 11:10

“Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

Hosea 6:5

No hewɔ ni mitsɔ̃ gbalɔi lɛ anɔ migbala amɛtoi, ni mikɛ midaaŋ wiemɔi lɛ kã amɛ, ni kojomɔ ni mikojo amɛ lɛ tsɔ̃ tamɔ kane.

Luka 2:4

Ni Yosef hu jɛ Nazaret maŋ lɛ mli yɛ Galilea, ni etee David maŋ ni atsɛɔ lɛ Betlehem yɛ Yudea lɛ mli; ejaakɛ ejɛ David we kɛ eweku lɛ mli.

Luka 5:8

Shi be ni Simon Petro na lɛ, eho ekula Yesu naji anaa, ni ekɛɛ, “Nuŋtsɔ, jee mimasɛi; ejaakɛ gbɔmɔ eshafeelɔ ji mi!”

Luka 8:37

Kɛkɛ ni Gerasebii lɛ ni yɔɔ jɛi niiaŋ lɛ asafo muu lɛ fɛɛ bakpa lɛ fai akɛ eje amɛŋɔɔ eya; ejaakɛ gbeyei emɔmɔ amɛ naakpa. Ni eyabote lɛlɛ lɛ mli kɛku esɛɛ.

1 Samuel 21:1

David ba Osɔfo Ahimelek ŋɔɔ yɛ Nob maŋ lɛ mli. Ahimelek kɛ hekpokpomɔ bakpee David ni ebi lɛ akɛ, “Mɛɛba ni okome too onyiɛ, ni mɔ ko mɔ ko fataaa ohe lɛ?”