1 Samuel 16:14 - ŊMALƐ KRƆŊKRƆŊ LƐ

¹⁴ Yehowa mumɔ lɛ je Saul nɔ agbɛnɛ, ni Yehowa hãa mumɔ fɔŋ ko moŋ bahaoɔ lɛ.

Ṅmãle̱ Kroṅkroṅ Le̱

¹⁴ Agbe̱ne̱ Iehowa Mumo̱ le̱ edše Saul no̱, ni Iehowa hãa mumo̱ fõṅ ko bahaoo̱le̱. 18,10.

1 Samuel 16:14 ပူးပေါင်းရင်းမြစ်များ

2 Samuel 7:15

Shi kɛ̃lɛ mimɔbɔnalɛ sɛɛ efoŋ yɛ egbɛfaŋ tamɔ bɔ ni mihã mimɔbɔnalɛ lɛ sɛɛ fo yɛ Saul gbɛfaŋ lɛ, mɔ ni mikpa lɛ ni obaye esɛɛ lɛ.

1 Maŋtsɛmɛi 22:19

Mikaia tee nɔ ekɛɛ, “Agbɛnɛ bo Yehowa naa wiemɔ toi! Mina Yehowa ta emaŋtsɛ sɛ̃i lɛ nɔ yɛ ŋwɛi, ni ebɔfoi asafo lɛ fɛɛ damɔ emasɛi yɛ eninejurɔ nɔ kɛ ebɛku nɔ.

1 Maŋtsɛmɛi 22:22

Ni Yehowa bi lɛ akɛ, “Yɛ mɛɛ gbɛ nɔ?” Mumɔ lɛ to he ekɛɛ, “Maya, ni mibatsɔ̃ amale mumɔ yɛ gbalɔi lɛ fɛɛ anaa.” Kɛkɛ ni Yehowa kɛɛ akɛ, “Yaa koni oyalaka lɛ; onine baashɛ enɔ.”

Lalai 51:11

Kaashwie mi yɛ ohiɛ, ni kaajie oMumɔ Krɔŋkrɔŋ lɛ yɛ mimli.

Hosea 9:12

Ni kɛji amɛna bii amɛlɛ tete mibagbe bii nɛɛ, ni mishwɛŋ ekome nɛkɛ. Anɔkwa, kɛji miŋmɛɛ gbɔmɛi nɛɛ ahe lɛ sane kɛ joomɔ baaye amɛ pam.

Kojolɔi 16:20

Kɛkɛ ni Delila kɛɛ “Samson, Filistibii lɛ eshwie onɔ.” Samson hiɛ tsɛ̃ kɛjɛ ewɔ lɛ mli ni ekɛɛ ehe akɛ, “Maje kpo tamɔ tsutsu lɛ ni mahoso mihe.” Shi eleee akɛ Yehowa ekpa yɛ esɛɛ.

Kojolɔi 16:29

Kɛkɛ ni Samson mɔmɔ teŋ akulashiŋi enyɔ lɛ ni tsu lɛ ma nɔ lɛ mli; ekɛ eninejurɔ mɔ ekome mli, ni ekɛ ebɛku hu mɔ ekome mli. Ekɛ etsiimɔ ŋmɛ amɛnɔ,

Kojolɔi 9:23

Kɛkɛ ni Nyɔŋmɔ hã nyɛɛ ba Abimelek kɛ Shekembii lɛ ateŋ; Shekembii lɛ yeee Abimelek anɔkwa.

1 Samuel 11:6

Kɛkɛ ni Nyɔŋmɔ Mumɔ lɛ wo Saul ekãa titri ko be ni enu amaniɛ lɛ, asaŋ emli hu wo la naakpa.

1 Samuel 16:15

No hewɔ lɛ, Saul tsuji lɛ kɛɛ lɛ akɛ, “Wɔsusuɔ akɛ mumɔ fɔŋ ko ni Nyɔŋmɔ ehã haoɔ bo nɛɛ.

1 Samuel 16:16

Ofãa wɔ otsuji ni damɔ ohiɛ amrɔ nɛɛ kulɛ, wɔɔɔya wɔyatao mɔ ko ni he esa jogbaŋŋ kɛ saŋkutswaa kɛba koni kɛji Nyɔŋmɔ hã mumɔ fɔŋ lɛ bayi onɔ lɛ, etswa saŋku lɛ koni ahi ahã bo.”

1 Samuel 16:23

Kɛjɛ nakai be lɛ, be fɛɛ be ni Nyɔŋmɔ aaahã mumɔ fɔŋ lɛ aba Saul nɔ lɛ, David tswaa saŋku lɛ, ni mumɔ fɔŋ lɛ jeɔ Saul nɔ; ni Saul he jɔɔ lɛ, ni ehiɔ ehãa lɛ.

1 Samuel 18:10

Nakai gbi lɛ nɔ jetsɛremɔ, be mli ni David tswaa saŋku ehãa Saul tamɔ bɔ ni efeɔ daa gbi lɛ, Nyɔŋmɔ hã mumɔ fɔŋ ko bayi Saul nɔ, ni egri yɛ maŋtsɛ we lɛ mli. No mli nɔŋŋ lɛ Saul akplɔ lɛ hiɛ edɛ̃.

1 Samuel 18:12

Agbɛnɛ Saul she David gbeyei, ejaakɛ ena akɛ Nyɔŋmɔ kɛ David yɛ, shi lɛ lɛ Nyɔŋmɔ ekwa lɛ.

1 Samuel 28:15

Kɛkɛ ni Samuel bi Saul akɛ, “Mɛɛ hewɔ obagba minaa kɛ tsɛmɔ ni obatsɛ mi nɛɛ?” Saul jie naa ekɛɛ akɛ, “Efi mi naakpa. Filistibii lɛ kɛ mi jwere ta nɔ, ni Nyɔŋmɔ hu eje misɛɛ bɔ sɔŋŋ ni yɛ gbalɔi anaa jio, yɛ lamɔ mli jio, Nyɔŋmɔ efooo midaaŋ kwraa dɔŋŋ. Enɛ hewɔ ni mibatsɛ bo nɛɛ koni otsɔ̃ɔ mi nɔ ni mifee.”