1 Samuel 15:3 - ŊMALƐ KRƆŊKRƆŊ LƐ

³ No hewɔ lɛ, yaa ni oyatua Amalekbii lɛ, ni okpãtã nɔ fɛɛ nɔ ni amɛyɔɔ lɛ hiɛ. Okɛ amɛhe akake amɛ, shi ogbe amɛ, nuu ni jio, abifao ni kã fufɔ naa ni jio, tsina ni jio, yooma ni jio, teji ni jio, ogbe fɛɛ.”

Ṅmãle̱ Kroṅkroṅ Le̱

³ Nohewo̱ le̱ ya ni oyatſia *Amalek nii, ni nyefeaame̱ ke̱ nii fẽ ni ame̱yo̱ le̱ musu, ni okabā ame̱yi, ši ogbe nū ke̱ yō, gbekẽ ke̱ fufo̱õ, tšina ke̱ tõ, yoma ke̱ tedši fẽ. *4 Mose 21,2.

1 Samuel 15:3 ပူးပေါင်းရင်းမြစ်များ

1 Mose 36:12

Esau bi Elifaz hemɔ ji Timna. Timna kɛ Elifaz fɔ Amalek. Mɛnɛɛmɛi ji Esau ŋa Ada lɛ bii.

2 Samuel 1:8

Ebi mi akɛ, ‘Bo namɔ ni?’ Mijie naa akɛ, ‘Ofainɛ, Amaleknyo ji mi’.

2 Mose 17:14

Kɛkɛ ni Yehowa kɛɛ Mose akɛ, “Ŋmaa kunimyeli nɛɛ he sane lɛ owo wolo mli ofɔ̃ shi koni etsɔ̃ kaimɔ nɔ; ni okpã owo Yoshua toiŋ akɛ mibagbe Amalek kwrakwra yɛ shikpɔŋ nɛɛ nɔ.”

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

4 Mose 24:20

Agbɛnɛ Balaam na Amalekbii lɛ yɛ ninaa lɛ mli. Kɛkɛ ni etsɔ̃ gbalɛ lɛ kɛtee amɛnɔ ni ekɛɛ akɛ, “Amalek ji majimaji lɛ ateŋ mɔ ni yɔɔ hewalɛ fe fɛɛ; shi naagbee mli aahu lɛ, ehiɛ baakpãtã kwraa.”

4 Mose 31:17

No hewɔ lɛ, nyɛgbea gbekɛbii lɛ ateŋ nuu fɛɛ nuu, ni nyɛgbea yei lɛ ateŋ yoo fɛɛ yoo ni le nuu hu;

Yoshua 10:39

Eye maŋ lɛ kɛ emli maŋtsɛ lɛ kɛ maŋ lɛ akrowai lɛ fɛɛ anɔ kunim. Amɛkɛ klante kpãtã maji lɛ kɛ gbɔmɛi fɛɛ ni yɔɔ amɛmli lɛ ahiɛ butuu. Eshwɛɛɛ gbɔmɔ hiɛkãalɔ kome nɛkɛ. Bɔ ni Yoshua fee Hebron kɛ Libna kɛ emaŋtsɛ lɛ, nakai pɛpɛɛpɛ efee Debir kɛ emaŋtsɛ lɛ.

1 Samuel 14:48

Saul fee ekãa jogbaŋŋ ni ekɛye Amalekbii lɛ anɔ kunim ni ekɛhere Israelbii lɛ yɛ mɛi ni batuaa amɛ kɛbahaa amɛnii lɛ adɛŋ.

1 Samuel 15:18

ni Yehowa tsu bo, ni ekɛɛ bo akɛ, ‘Yaa koni oyaplenee Amalekbii eshafeelɔi lɛ. Okɛ amɛ awu kɛyashi beyinɔ ni oookpãtã amɛhiɛ kwrakwra.’

1 Samuel 15:9

Saul kɛ etabilɔi lɛ baa Agag yi. Asaŋ amɛbaa toi kɛ tsinai kɛ tsinabii kɛ gwantɛŋi abii lɛ ateŋ kooloi kpakpai fe fɛɛ lɛ hu yi; ni amɛkpãtãaa amɛhiɛ; shi nɔ fɛɛ nɔ ni he bɛ sɛɛnamɔ kpakpa ko, aloo ni abɛ he nɔ ko feemɔ lɛ amɛkpãtã hiɛ.

1 Samuel 22:19

Saul hã akɛ klante kpãtã Nob maŋ muu lɛ fɛɛ hiɛ; agbe hii kɛ yei kɛ gbekɛbii kɛ abifabii kɛ tsinai kɛ teji kɛ toi fɛɛ.

1 Samuel 27:9

David yatuaa gbɔmɛi nɛɛ, ni egbeɔ hii kɛ yei fɛɛ, ni eloɔ amɛtoi kɛ tsinai kɛ tejii kɛ yoomai kɛ atadei hu, kɛkɛ lɛ eku esɛɛ kɛba Akish ŋɔɔ.

1 Samuel 30:17

Kɛkɛ ni David kɛshwie amɛnɔ, ni egbe amɛ kɛjɛ hulushinyɔɔ mli aahu kɛyashi enɔ jetsɛremɔ gbɛkɛ mli. Amalekbii lɛ ateŋ mɔ ko mɔ ko he ejeee gbele mli fe oblahii ohai ejwɛ komɛi ni shara yoomai ni amɛtara nɔ kɛjo foi lɛ.